2022-06-14 15:57
Информагентства
0
ՀՀ ԱԳ նախարարն ու Բուլղարիայի նախագահը քննարկել են տարածաշրջանային անվտանգության հարցեր
ՀՀ արտաքին գործերի նախարար Արարատ Միրզոյանը Բուլղարիայի Հանրապետության նախագահ Ռումեն Ռադևի հետ հանդիպմանը կարևորել է «Պարսից ծոց-Սև ծով» տրանսպորտային միջանցքի ստեղծման ուղղությամբ ինտենսիվ աշխատանքների իրականացումը: Տեղեկությունը հայտնում է ԱԳՆ մամուլի ծառայությունը։
Հայտնել էինք, որ Միրզոյանը Բուլղարիայում է գտնվում պաշտոնական այցով։
Հանդիպման ընթացքում անդրադարձ է կատարվել նաև տարածաշրջանային և միջազգային անվտանգության հարցերի: Միրզոյանը Բուլղարիայի նախագահին է ներկայացրել հարավկովկասյան տարածաշրջանում տիրող իրավիճակը, մասնավորապես՝ Հայաստանի և Ադրբեջանի միջև հարաբերությունների, Լեռնային Ղարաբաղի հակամարտության կարգավորման գործընթացին վերաբերող վերջին զարգացումները:
«Երկուստեք շեշտվել է, որ Լեռնային Ղարաբաղի հակամարտությունը պետք է կարգավորվի բացառապես խաղաղ բանակցությունների միջոցով։ Այս առումով ԱԳ նախարարն ընդգծել է ԵԱՀԿ Մինսկի խմբի համանախագահության դերը` ուղղված ԼՂ հակամարտության տևական լուծմանը և բարձր գնահատել Բուլղարիայի դիրքորոշումը ԵԱՀԿ Մինսկի խմբի համանախագահության մանդատի ներքո հակամարտության կարգավորման վերաբերյալ»,– ասված է հաղորդագրությունում:
Ի թիվս այլ հրատապ լուծում պահանջող հումանիտար հարցերի՝ շեշտվել է հայ ռազմագերիների և պահվող այլ անձանց հայրենադարձման, Լեռնային Ղարաբաղում հայկական կրոնական և պատմամշակութային կոթողների պահպանման անհրաժեշտությունը:
Հայաստանի ԱԳ նախարարը Բուլղարիայի նախագահին է ներկայացրել նաև Հայաստան-Թուրքիա կարգավորման գործընթացը:
ՀՀ ԱԳ նախարարն ու Բուլղարիայի նախագահը նաև շնորհավորել են միմյանց երկրների միջև դիվանագիտական հարաբերությունների հաստատման 30-ամյակի կապակցությամբ։ Կողմերը նշել են, որ այդ ընթացքում երկու երկրների միջև համագործակցությունը զարգացել է փոխադարձ վստահության և հարգանքի հիման վրա:
Նրանք պատրաստակամություն են հայտնել խորացնել 2 երկրների միջև քաղաքական երկխոսությունը, առևտրատնտեսական, տրանսպորտի, զբոսաշրջության, կրթական ոլորտներում համագործակցությունը։
Կարևորվել է նաև Բուլղարիայի հայ համայնքի դերը՝ որպես երկու երկրներն իրար կապող կարևոր կամրջի։
Sputnik Արմենիա
ПОСЛЕДНИЕ ОТ АВТОРА
-
New2024-04-24 04:14Власти Армении приняли правила игры Азербайджана, который политизировал проблему возвращения пленных и подходят к этому вопросу исключительно в логике переговорного процесса. Такую точку зрения в беседе со Sputnik Армения выразила правозащитница Сирануш Саакян.
-
2024-04-23 22:40Отстранить Никола Пашиняна от власти реально, самый правильный и доступный путь – выразить ему недоверие. Об этом сообщил третий президент Республики Армения, глава Республиканской партии Армении Серж Саргсян, который вместе со своими сторонниками участвует в традиционном факельном шествии.
-
2024-04-23 19:42Тюрколог, кандидат исторических наук Варужан Гегамян предупредил об угрозе процессу международного признания Геноцида армян и диаспоре.
-
2024-04-23 19:29C площади Республики Еревана стартует традиционное факельное шествие, посвященное 109-й годовщине Геноцида армян в Османской Турции.
