2022-06-18 15:04
Информагентства
Սեչին․ Եվրոպան Ռուսաստանի նկատմամբ պատժամիջոցներով էներգետիկ ինքնասպանություն է գործում
Եվրոպան էներգետիկ ինքնասպանություն է գործում` Ռուսաստանի դեմ պատժամիջոցներ կիրառելով։ Պետերբուրգի միջազգային տնտեսական համաժողովում ունեցած ելույթի ժամանակ նման հայտարարություն է արել «Ռոսնեֆտի» ղեկավար Իգոր Սեչինը։
«Եվրոպան իր վզին փաթաթած հակառուսական պատժամիջոցների հետևանքով վերջնականապես կորցրել է իր սուբյեկտայնությունը ու ԱՄՆ-ի համար ոչ միայն քաղաքական, այլև մրցունակ տնտեսական այլընտրանքային բևեռ դառնալու հնարավորությունը»,- ասել է նա։
Սեչինի խոսքով` հրաժարվելով ռուսական նավթից ու գազից, Եվրոպան վերածվել է աշխարհում ամենաթանկ էներգիա սպառող տարածաշրջանի` խաթարելով իր մրցունակության մակարդակը։
Սեչինը կանխատեսում է եվրոպական «էներգետիկ ինքնասպանության» երկարաժամկետ հետևանքները։
«Ռոսնեֆտի» ղեկավարն ընդգծել է նաև, որ պատժամիջոցները վերացրել են Համաշխարհային երկրորդ պատերազմից հետո ձևավորված սեփականության պաշտպանության իրավունքի, բիզնես վարելու և դատարանում պաշտպանվելու հիմքերը։
Ինչ վերաբերում է ահագնացող համաշխարհային տնտեսական ճգնաժամին, ապա, ըստ Սեչինի, պատժամիջոցները թեև սկզբնապատճառ չեն, բայց էապես խորացնում են իրավիճակը։
«Դեռ 2018 թվականին մենք խոսել ենք այն մասին, որ ածխաջրածնի շուկաներում պատժամիջոցների և վերջնագրերի քաղաքականությունը կհանգեցնի նավթի գնի մշտական «պատժամիջոցային պարգևավճարի» առաջացմանը, և նշել գնային նոր ռեկորդների ռիսկերը։ Այժմ այդ ամենն իրականություն է դարձել. գլոբալ տնտեսական ճգնաժամը թափ է առնում մեր աչքի առաջ», – ասել է Սեչինը։
Նա հավելել է, որ ԱՄՆ–ի ըմբռնմամբ` պատժամիջոցները «կախարդական փայտիկ են քաղաքական և տնտեսական նպատակներն իրագործելու համար»։ Երբ շուկայական մեխանիզմները նպատակների իրականացում չեն ապահովում, իսկ քաղաքական հնարավորությունները բացակայում են, ԱՄՆ–ն պատժամիջոցներ է կիրառում առանց որևէ հիմքի։
«Պատժամիջոցները վերացնում են նախկինում անսասան պայմանագրային պարտավորությունների ինստիտուտը, բուն դատաիրավական համակարգը, ֆինանսական, տրանսպորտային և արդյունաբերական հատվածը, իսկ որպես հետևանք` սոցիալական ոլորտն ու արդյունքում բուն գլոբալ շուկան», – նշել է Սեչինը։
Sputnik Արմենիա
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.