2022-06-22 15:25
Информагентства
Մոսկվան կասկածում է, որ ԱՄՆ-ն ԵԱՀԿ ՄԽ-ի վերաբերյալ անկեղծ հայտարարություններ է անում
Մոսկվան կասկածում է, որ ԱՄՆ-ն անկեղծ հայտարարություններ է անում ԵԱՀԿ Մինսկի խմբի համանախագահության շրջանակում աշխատելու պատրաստակամության մասին։ Այսօրվա ճեպազրույցում այս մասին ասաց ՌԴ ԱԳՆ պաշտոնական ներկայացուցիչ Մարիա Զախարովան։
Ավելի վաղ ԱՄՆ պետքարտուղարի եվրոպական և եվրասիական հարցերով տեղակալ Քերին Դոնֆրիդն ասել էր, որ ԱՄՆ-ն խզել է հարաբերությունները Ռուսաստանի հետ, բայց պատրաստ է խաղաղ և կայուն կարգավորման համար շարունակել համագործակցությունը ԵԱՀԿ Մինսկի խմբում:
«Ինձ թույլ եմ տալիս կասկածել Դոնֆրիդի հայտարարության անկեղծությանը։ Եթե Վաշինգտոնն ու Փարիզն իսկապես կարևորեին Մինսկի խմբի եզակի միջնորդական ձևաչափը, ապա չէին արհամարհի բոլոր մասնակից պետությունների կողմից հավանության արժանացած մանդատը»,- շեշտեց Զախարովան։
Նրա խոսքով՝ նրանք փետրվարի 24-ին ցուցադրաբար, առանց որևէ խորհրդակցության ընդհատել են Մինսկի խմբի ռուսաստանցի համանախագահի հետ շփումները։
Այդպիսով, Զախարովայի խոսքով, եռյակի աշխատանքին անդառնալի վնաս է հասցվել։ Այս վրդովեցուցիչ քայլի պատճառների մասին մինչ օրս ոչ մի հստակ բացատրություն չի տրվել։
«Երաշխիքներ չկան, որ նման անպատասխանատու գործողությունները չեն կրկնվի։ Պարզապես, չի ստացվի ձևացնել, թե ոչինչ չի եղել։ Պետք է հաշվի առնել նոր իրողությունները»,- նշեց Զախարովան։
Նրա կարծիքով՝ խաղադրույքը եղել է այն, որ Ռուսաստանին կմեկուսացնեն, բայց նրանք սխալվել են և «իրենք իրենց են մեկուսացրել մեզանից»։ Իսկ արտաքին աշխարհը չի սահմանափակվում միայն Եվրատլանտյան աշխարհով։
Ռուսական կողմը շահագրգիռ է Ադրբեջանի ու Հայաստանի միջև հարաբերությունների կարգավորմամբ և չի կարող թույլ տալ, որ առանձին արտաքին խաղացողների քաղաքականացված քայլերը խարխլեն տարածաշրջանային խաղաղության և կայունության վերականգնման` առանց այդ էլ բարդ ջանքերը։
«Մենք այսուհետ ևս մեզնից կախված ամեն բան կանենք այն պարտավորությունների ու խնդիրների անվերապահ կատարման համար, որոնք արձանագրվել են երեք երկրների ղեկավարների հայտարարություններում»,- ասել է Զախարովան:
Sputnik Արմենիա
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.