2022-10-19 08:55
Информагентства
ԵԽԽՎ 47 պատգամավորներ դատապարտել են ադրբեջանական ագրեսիան
ԵԽԽՎ 47 պատգամավորներն իրենց հայտարարության մեջ դատապարտել են Ադրբեջանի ագրեսիան Հայաստանի դեմ, պահանջել են դուրս բերել ադրբեջանական ուժերը երկրի տարածքից և վերադարձնել գերիներին:
Հայտարարության մեջ ընդգծվում է, որ Ադրբեջանը «2022թ. սեպտեմբերին լայնածավալ ռազմական ագրեսիա է նախաձեռնել Հայաստանի Հանրապետության ինքնիշխան տարածքի դեմ»: Նշվում է, որ այդ «ռազմական ագրեսիայի հրահրված գործողությունների ընթացքում Ադրբեջանը նաև հարվածներ է հասցրել Հայաստանի խիտ բնակեցված բնակավայրերի քաղաքացիական ենթակառուցվածքներին, ինչը հանգեցրել է հարյուրավոր մարդկային զոհերի, ներառյալ քաղաքացիական անձանց»: Հայտարարության հեղինակները նաև նշել են, որ գերեվարված զինվորականների նկատմամբ կտտանքների սարսափելի վկայություններ կան, ինչպես նաև զոհված զինվորների, այդ թվում՝ կանանց մարմինների նկատմամբ բռնությունների դեպքերի մասին:
«Մենք ամենավճռական ձևով դատապարտում ենք Ադրբեջանի ագրեսիան, որը ՄԱԿ-ի կանոնադրության, Հելսինկյան եզրափակիչ ակտի, միջազգային մարդասիրական իրավունքի և Եվրոպայի խորհրդի առջև Ադրբեջանի կանոնադրական, կոնվենցիոն և անդամակցության պարտավորությունների աղաղակող խախտում է։ Մենք նաև դատապարտում ենք ադրբեջանական զինված ուժերի դիտավորյալ սպանությունները, խոշտանգումները և անմարդկային վերաբերմունքը ռազմագերիների և գերեվարված հայերի նկատմամբ, որոնց տեսագրությունները հրապարակվել են սոցիալական ցանցերում», – ասված է հայտարարության մեջ:
Պատգամավորները կոչ են արել Ադրբեջանին ձեռնպահ մնալ Հայաստանի տարածքային ամբողջականության դեմ ցանկացած հետագա ագրեսիայից և խաղաղ մասնակցել բանակցային գործընթացին, ինչպես նաև պահանջել են Ադրբեջանի զինված ուժերի անհապաղ և անվերապահ դուրսբերումը Հայաստանի ինքնիշխան տարածքից և բոլոր գերիների անհապաղ վերադարձը:
Հայտարարությունը ստորագրել են ԵԽԽՎ 47 պատգամավորներ, որոնց թվում են Ֆրանսիայի, Հունաստանի, Կիպրոսի, Սլովենիայի, Նորվեգիայի, Իսլանդիայի, Ավստրիայի, Իսպանիայի, Իտալիայի, Նիդեռլանդների, Լեհաստանի, Լատվիայի, Շվեդիայի, Շվեյցարիայի ներկայացուցիչները:
Ավելի վաղ ԵԽԽՎ Հայաստանի հարցով համազեկուցողներ Քիմո Կիլյունենը և Բորիաննա Աբերգը կոչ էին արել Ադրբեջանին դուրս բերել զորքերը Հայաստանի տարածքից և ազատ արձակել ռազմագերիներին։
Armenia Today
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.