2022-11-12 09:01
Информагентства
Սուրեն Սարգսյան․ Հայ համայնքի ջանքերով ԱՄՆ–ում թուրքամետ գործիչները պարտվել են
Հայկական, հունական, հրեական և մի շարք այլ համայնքների համատեղ լոբբիստական ջանքերի շնորհիվ ԱՄՆ միջանկյալ ընտրություններում պարտվել է հանրապետական, էթնիկ թուրք Մեհմեդ Օզը։ Այս մասին Sputnik Արմենիայի հետ զրույցում հայտնեց քաղաքագետ Սուրեն Սարգսյանը։
Քաղաքագետի խոսքով` Օզի չընտրվելը կարելի է որոշ առումով ձեռքբերում համարվել, քանի որ նա Թուրքիայի նախագահ Էրդողանի բարեկամներից էր և կարող էր Սենատում լուրջ դերակատարում ունենալ պրոթուրքական լոբբիստական գծի ակտիվացման հարցում։
«Նաև լոբբիստական աշխատանքների արդյունքում պարտվել է թուրքական և ադրբեջանական բարեկամական մի խմբի ղեկավար` կոնգրեսական Չեբոթը։ Հետևաբար` ադրբեջանական և թուրքական հանձնախումբը զրկվել է լավ բարեկամից։ Իհարկե նրանք կգտնեն նոր բարեկամ, նոր գործընկեր, բայց այս պահի դրությամբ այդ իրողությունը մեր համայնքի համար ոգևորիչ է»,–ասաց Սարգսյանը` հավելելով, որ հայ համայնքը նաև այս ընտրություններում աշխատել է հօգուտ պրոհայկական սենատորների և կոնգրեսականների։
Իսկ ԱՄՆ–ում միջանկյալ ընտրությունների արդյունքներով, քաղաքագետի կարծիքով, և՛ Հայաստանի համար, և՛ արտաքին քաղաքականությունում շրջադարձային փոփոխություններ չեն կարող լինել։
«Ուկրաինայի հետ կապված ամերիկյան քաղաքականությունում չարժե ինչ–որ փոփոխություն ակնկալել, որովհետև այնտեղ հակառուսական գծի վերաբերյալ կոնսենսուս կա»,–ասաց նա։
Սարգսյանը նաև նշեց` քանի որ ներկայացուցիչների պալատում մեծամասնություն են դառնում հանրապետականները, հետևաբար նաև ղեկավար կազմում փոփոխություններ կլինեն, ինչը նշանակում է, որ խորհրդարանի խոսնակը Նենսի Փելոսին չի լինի։
Sputnik Արմենիա
ПОСЛЕДНИЕ ОТ АВТОРА
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.
-
2025-07-19 14:42Бывший министр иностранных дел Армении Вардан Осканян на своей странице в Facebook прокомментировал последние международные события, связанные с Нагорным Карабахом, а также недавние заявления премьер-министра Никола Пашиняна.