2019-03-09 09:25
Информагентства
0
Դավիթ Բաբայան․ Ադրբեջանում զորավարժություններն ապացուցում են այդ երկրի ֆաշիստական էությունը
Ադրբեջանում լայնածավալ զորավարժությունների անցկացումը կրկին ապացուցում է, որ մենք գործ ունենք ֆաշիստական երկրի հետ: Այդ մասին Լուրեր Հայաստանից-NEWS.am-ի թղթակցի հետ զրույցում հայտարարել է Արցախի նախագահի մամուլի քարտուղար Դավիթ Բաբայանը՝ նշելով, որ Հայաստանի ՊՆ-ի մամուլի քարտուղար Արծրուն Հովհաննիսյանը տվել է Ադրբեջանում Զինուժի զորավարժությունների մասին հայտարարության մանրամասն գնահատականը:
Բաբայանի խոսքերով՝ վերջին շրջանում, իսկապես, նկատվում էր լարվածության անկում Արցախի եւ Ադրբեջանի Զինված ուժերի շփման գծում: «Այո, դա փաստ է, սակայն մենք պետք է դիտարկենք իրավիճակը ոչ միայն այդ տեսանկյունից: Մասնավորապես, հարցին պետք է վերաբերվել՝ ուսումնասիրելով՝ որքան զորավարժություններ է անցկացրել Ադրբեջանը 2018 թվականին, ինչ ծավալներով եւ այլն: Բնականաբար, հայտարարված լայնածավալ զորավարժությունների թիրախը Արցախն է եւ Հայաստանը: Այսինքն՝ մենք իսկապես գործ ունենք ֆաշիստական եւ նացիստական երկրի հետ, որը չի հրաժարվել դավադիր, անմարդկային ծրագրերից: Մենք չենք պատրաստվում վախենալ, մենք կշարունակենք զարգացնել եւ ամրացնել մեր երկիրը, բարձրացնել մեր բանակի մարտունակությունը եւ վարել ճիշտ աշխարհաքաղաքականություն: Հենց դա է նմանօրինակ ագրեսիայի հակազդման բանալին»,-նշել է Բաբայանը:
Ի պատասխան հարցին՝ սպասվո՞ւմ է արդյոք միջազգային հանրության քննադատությունը լայնածավալ զորավարժությունների հետ կապված, Բաբայանը նշել է, որ Արցախում չեն ակնկալում քննադատություն միջազգային կառույցների կողմից. «Ցավոք, միջազգային հանրությունը լռում է այնպես, ինչպես հանցագործ Ռամիլ Սաֆարովին ազատ արձակելու, ինչպես նաեւ Ադրբեջանի մի շարք այլ նողկալի գործողությունների ժամանակ: Միջազգային հանրությունը, ինչ-ինչ պատճառներով, չի ցուցաբերում կոշտ վերաբերմունք պաշտոնական Բաքվի ագրեսիվ գործողությունների նկատմամբ: Մի՞թե նրանք վտանգ չեն տեսնում, կամ գուցե պատճառն այդ կառույցների կոռումպացվածությունն է: Մենք հույս չենք դնում միջազգային կառույցների հայտարարությունների վրա, մեր հույսը բանակն է, որը մենք ուժեղացնում ենք»:
Հիշեցնենք, որ Ադրբեջանում մարտի 11-ից 15-ը կանցկացվեն լայնածավալ զորավարժություններ, որոնց կմասնակցեն շուրջ 10 հազար զինծառայողներ, շուրջ 500 միավոր տանկեր, զրահատեխնիկա, այդ թվում՝ ավտոմոբիլային եւ հատուկ տեխնիկա, տարբեր տրամաչափի շուրջ 300 հրթիռահրետանային սարքավորումներ, համազարկային կրակի ռեակտիվ համակարգեր եւ ականանետեր, տարբեր նշանակության բանակային եւ ճակատային ավիացիայի շուրջ 20 միավոր: Վարժանքների ընթացքում զորքերը կկատարեն հարձակողական գործողությունների նախապատրաստման, մի քանի ուղղություններով պայմանական թշնամուն հարվածներ հասցնելու, նրա պաշտպանությունը ճեղքելու եւ ռազմական խմբավորումներին ջախջախելու առաջադրանքներ, ինչպես նաեւ թշնամու պաշտպանության խորքում տեղակայված ռազմական եւ ռազմավարական օբյեկտների ուղղությամբ հրթիռահրետանային հարվածներ հասցնելու առաջադրանքներ:
ПОСЛЕДНИЕ ОТ АВТОРА
-
New2024-04-25 09:29Соединенные Штаты приветствуют начало процесса делимитации границы между Азербайджаном и Арменией. Об этом заявил первый заместитель пресс-секретаря Госдепартамента США Ведант Патель, ссылавшись на ранее опубликованное сообщение госсекретаря США в соцсети Х.
-
New2024-04-25 09:28Президент Азербайджана Ильхам Алиев не исключил, что в будущем Армения сможет покупать азербайджанский газ.
-
New2024-04-25 09:25Организация «Национально-демократический полюс» (НДП) сообщила о задержании полицейскими десятков участников своего шествия в Ереване.
-
New2024-04-25 09:24
Президент Азербайджана Ильхам Алиев заявил, что решение о досрочном выводе российских миротворцев из Нагорного Карабаха было принято на основе консультаций между Баку и Москвой и в итоге укрепило отношения между Азербайджаном и Россией.
ПОСЛЕДНЕЕ ПО ТЕМЕ
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-08 08:59Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:
-
2022-03-16 19:42Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։