ՀՅԴ․ Պետք է խոսել հետևանքների վերացման և փոխհատուցման մասին
Հայաստանի իշխանությունները, ինչպես նախկին, այնպես էլ ներկա, թերագնահատում են Հայոց ցեղասպանության հետևանքների վերացման և փոխհատուցման կարևորությունը: Այս մասին լրագրողների հետ հանդիպման ժամանակ ասաց ՀՅԴ Հայ Դատի և քաղաքական գործերի հարցերով գրասենյակի ղեկավար Կիրո Մանոյանը, տեղեկացնում է News.am-ը:
Նրա խոսքով՝ իշխանությունների ծրագրում Հայոց ցեղասպանության հետևանքների վերացման դրույթ չկա, սակայն 100 տարի անց չի կարելի խոսել միայն ճանաչման և կանխարգելման մասին: Կա պահանջների շրջանակ և հարկավոր է առաջ գնալ:
«Այժմ մենք այն փուլում ենք, որ Ցեղասպանության հարցը ոչ մի լուրջ կառույցի կողմից չի վիճարկվում: Եվ անգամ Թուրքիան վիճարկում է հանցագործության որակավորումը, սակայն չի վիճարկում ողբերգական իրադարձությունները: Եթե կան էլ մի քանի այդպիսի երկներ՝ Բրիտանիան, Իսրայելը, դա անում են բացառապես նրա համար, որ չանհանգստացնեն Թուրքիային», - նշեց Մանոյանը՝ հավելելով, որ Հայոց ցեղասպանության մասին, ընդհակառակը, խոսել են այնպիսի երկրներ, ինչպիսին Եգիպտոսն է:
Ինչ վերաբերում է իրավական քայլերին, նախքան դրանք սկսելը, հարկավոր է մանրակրկիտ նախապատրաստել ինչպես իրավական, այնպես էլ քաղաքական տեսանկյունից, հատկապես որ թուրքական հասարակության մի մասը այլևս չի հավատում իշխանություններին և չի վախենում խոսել: «Պետք է շարունակել աշխատել թուրք հասարակության հետ:
Նման հնարավորություն կա, և փոխհատուցման հարցը քննարկելիս պետք է նրբանկատ մոտեցում ցուցաբերել: Մարդիկ կարող են մտածել, որ դա պետք է կատարվի իրենց հաշվին, և դա դեր կխաղա ճանաչման հարցում », - ավելացրեց Կիրո Մանոյանը:
«Ավանդական հարցն է, թե ինչ կասի ԱՄՆ նախագահը: Թրամփի դեպքում կանխատեսումը ավելի դժվար է: Բայց պետք է նշել, որ արդեն մի քանի տասնամյակ ԱՄՆ նախագահները ապրիլի 24-ին ելույթ են ունենում, և կրկին, որպեսզի չանհանգստացնեն Թուրքիային, չեն օգտագործում ցեղասպանություն բառը», - նշեց ՀՅԴ ներկայացուցիչը:
Միևնույն ժամանակ, նա հիշեցրեց, որ ստորին պալատն արդեն մի քանի անգամ ճանաչել է ցեղասպանությունը և օրակարգում կան բանաձևեր: Ամերիկյան նահանգների ճնշող մեծամասնությունը այսպես թե այնպես ճանաչել են ցեղասպանությունը, օրենսդիր մարմինը պետք է հետևի իրենց օրինակին », - ասաց Մանոյանը:
«Ինչ ակնկալել Թուրքիայից: Լավատեսության համար հիմքեր չկան: Թուրքիան մերժում է Հայաստանի հետ հարաբերությունները բարելավելու նախաձեռնությունները և ակնկալիքներ չկան, որ մոտ ապագայում իրավիճակը կփոխվի», - ասաց ՀՅԴ ներկայացուցիչը` միաժամանակ նշելով արխիվները, մասնավորապես` Վատիկանի արխիվը ուսումնասիրելու կարևորությունը:
ՀՅԴ ներկայացուցիչը նշեց երկրների լայն աշխարհագրությունը, որտեղ իշխանությունները, հայ համայնքների հետ միասին, նշում են Հայոց ցեղասպանության զոհերի հիշատակը: Ինչ վերաբերում է արևելյան երկրների հետ աշխատանքին, Կիրո Մանոյանը նշեց, որ Արևելյան երկրներում հայ համայնքները կամ փոքրաթիվ են կամ չկան:
Դրան ավելանում է Արևելքի բնակիչների մտածելակերպը: «Բայց դա չի նշանակում, որ աշխատանք չի տարվում: Օրինակ, Չինաստանը չի ճանաչել, բայց չի էլ ժխտում: Շեշտադրումը դրվում է Արևմուտքի կամ Մերձավոր Արևելքի վրա միայն այն պատճառով, որ խաղացողները այդ իրադարձությունների կամ ականատեսը կամ մասնակիցն են եղել», - հիշեցրեց Մանոյանը:
ПОСЛЕДНИЕ ОТ АВТОРА
-
2024-04-20 14:55
Как промокший человек не боится дождя, так и циничные капитулянты нагло рекламируют свою новую капитуляцию. Об этом на своей странице в Facebook написал бывший заместитель министра обороны Армении, член Республиканской партии Армении Артак Закарян.
-
2024-04-20 14:49
Никол Пашинян обсудил с представителями «Гражданского договора» итоги встречи с главой Еврокомиссии Урсулой фон дер Ляйен и госсекретарем США Энтони Блинкеном в Брюсселе 5 апреля, пишет «Грапарак».
-
2024-04-20 14:19
Российские пограничники будут выведены из Тавушской области Армении. Об этом заявил Никол Пашинян в беседе с журналистами.
-
2024-04-20 13:27
В настоящее время близ школы села Киранц проводят замер территории с целью строительства в дальнейшем дороги. Об этом сообщил в беседе с Yerevan.today депутат фракции «Айастан» Гарник Даниелян, который находится в Тавуше.