2019-04-26 08:08
Информагентства
0
ՀՀ–ն առաջարկել է փոխել ՀԱՊԿ կանոնադրությունը
ՀԱՊԿ անդամ երկրների ԱԳՆԽ առաջիկա նստաշրջանին, որը կանցկացվի մայիսի 22–ին Բիշքեկում, հնարավոր է, համաձայնեցվեն Հայաստանի առաջարկությունները, որոնք վերաբերում են ՀԱՊԿ–ի կանոնադրության փոփոխությանը։
Այս մասին ՌԲԿ–ին հայտնել են ՀԱՊԿ երկու անդամ երկրների դիվանագետները։
ՀԱՊԿ անդամ երկրներն են Ռուսաստանը, Հայաստանը, Բելառուսը, Ղազախստանը, Ղրղըզստանը և Տաջիկստանը։ Նախարարների կողմից փոփոխությունների համաձայնեցումից հետո դրանք կներկայացվեն երկրների առաջնորդների հավանությանը։ Նշվում է, որ ՀԱՊԿ անդամ երկրների առաջնորդները կհավաքվեն աշնանը նախատեսված ՀԱՊԿ Հավաքական անվտանգության խորհրդի նստաշրջանին։
Հայաստանի առաջարկած փոփոխություններով նախատեսվում է սահմանել գործող գլխավոր քարտուղարի լիազորությունների վաղաժամ դադարեցման ընթացակարգը, այդ պաշտոնը, ինչպես առաջարկում են Երևանում, պետք է զբաղեցնի այն երկրի ներկայացուցիչը, որից ռոտացիոն կարգով նշանակվել է գլխավոր քարտուղարը երեք տարվա մանդատի լրանալուց առաջ, ՌԲԿ–ին է հայտնել դիվանագետներից մեկը, այս տեղեկությունը հաստատել է մյուս դիվանագետը։ Մինչև 2020թ.–ը գլխավոր քարտուղարի ժամանակավոր պաշտոնակատար է մնում ՌԴ ներկայացուցիչ Վալերի Սեմերիկովը, ինչից հետո այդ պաշտոնը երեք տարով կփոխանցվի Բելառուսին, նշել են ՌԲԿ–ի զրուցակիցները։
«Այս պահին մշակվում է ՀԱՊԿ ԱԳՆԽ օրակարգն ու ստորագրման համար նախատեսված փաստաթղթերի փաթեթը։ Ավելի մանրամասն տեղեկատվություն կտրամադրենք միջոցառման անցկացման նախաշեմին։ ԱԳՆԽ–ի արդյունքներով կտեղեկացնենք ընդունված որոշումների մասին», – ՌԲԿ–ին է ասել ՌԴ ԱԳՆ պաշտոնական ներկայացուցիչ Մարիա Զախարովան` պատասխանելով ՀԱՊԿ կանոնադրության հնարավոր փոփոխության մասին հարցին։
ՀԱՊԿ գլխավոր քարտուղարի պաշտոնը թափուր է մնացել 2018 թ.-ի հոկտեմբերի 30-ից,երբ Հայաստանը հետ է կանչել իր ներկայացուցիչ Յուրի Խաչատուրովին` առանց կազմակերպության այլ անդամ պետությունների հետ նախնական համաձայնության: Այժմ ՀԱՊԿ գլխավոր քարտուղարի պարտականությունները կատարում է Ռուսաստանի ներկայացուցիչ Վալերի Սեմերիկովը: Երևանը պահանջում է իր թեկնածուի նշանակումը, քանի որ Խաչատուրովը աշխատել է սահմանված երեք տարիների միայն կեսը (Հայաստանի պաշտոնավարման ժամկետնավարտվում է 2020 թ.-ին): Դրա հետ համաձայն չէ, մասնավորապես, Բելառուսի նախագահ Ալեքսանդր Լուկաշենկոն` ձգտելով իր երկրին փոխանցել ՀԱՊԿ գլխավոր քարտուղարի լիազորությունները, տեղեկացնում է Newsarmenia.am-ը։
ПОСЛЕДНИЕ ОТ АВТОРА
-
New2024-04-25 18:20Брюссель не будет начинать переговоры с Грузией о вступлении в ЕС, если власть страны не откажется от планов принять проект "закона о прозрачности иностранного влияния". Об этом, как передает Deutsche Welle, говорится в резолюции Европарламента, принятой в четверг, 25 апреля, в Страсбурге.
-
New2024-04-25 18:19Во всех административных районах Еревана развешены плакаты с призывом выйти на борьбе. На плакатах, в частотности, написано: «Вставай, пока не сдал!»
-
New2024-04-25 18:17Гарник Даниелян выписался из больницы. Он и Аспрам Крпеян собираются присоединиться к тавушцам, которые уже несколько дней перекрывают дорогу на участке села Киранц.
-
New2024-04-25 18:16Европа допустила этническую чистку у своего порога, заявил депутат Европейского парламента Франсуа-Ксавье Беллами.
