Последние новости

Հասմիկ Գրիգորյանն արժանացել է օպերային «Օսկար»-ի

Օպերային հայտնի երգչուհի Հասմիկ Գրիգորյանը «International Opera Awards» մրցանակաբաշխության շրջանակներում (այն նաև անվանում են օպերային «Օսկար») ճանաչվել է տարվա լավագույն սոլիստ։ Ավելի վաղ՝ 2016թ.-ին, Գրիգորյանը լավագույնն էր ճանաչվել երիտասարդ սոլիստների շրջանում։

«Այժմ նա պատմականորեն միակն է, որն այս տասնամյակների ընթացքում ստացել է երկու մրցանակները՝ որպես երիտասարդ կատարող, ինչպես նաև ներկայիս գլխավոր մրցանակը»,- ասել է ռեժիսոր և «Vilnius city opera»-ի ստեղծագործական ղեկավար Դալիա Իբելխաուպտայտեն։

«Օպերայի լավագույն սոլիստ» տիտղոսը Հասմիկ Գրիգորյանին շնորհվել է Ռոմեո Կաստելուչիի օպերայում Սալոմեի դերակատարման համար, որը ներկայացվել է նախորդ տարի Զալցբուրգի փառատոնին։ «Դա այն բեմադրությունն է, որում ռեժիսորը Հասմիկին «նետել է» համաշխարհային արենա որպես A կարգի սոլիստ։ Ինչպես New York Times-ը, այնպես էլ մյուս հրատարակությունները գրում էին, որ Գրիգորյանը սոպրանոների համաշխարհային Օլիմպ մուտք է գործել հենց այս դերով»,- նշել է Իբելխաուպտայտեն։

International Opera Awards մրցանակաբաշխությունը ստեղծվել է 2012թ.-ին անգլիացի գործարար և օպերային արվեստի սիրահար Հարի Հեյմանի և Opera Magazine-ի խմբագիր և The Sunday Telegraph-ի երաժշտական քննադատ Ջոն Էլիսոնի կողմից, որն այժմ գլխավորում է ժյուրիի կազմը։

Աղբյուրը՝ Delfi

Լուսանկարները՝ Facebook, Delfi

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • «Ամբերդ ամրոց» արգելոցի մոտ շինարարություն է
      2019-04-27 11:15

      Արդեն մի քանի օր է տարբեր քաղաքացիներ ահազանգում են, որ «Ամբերդ ամրոց» արգելոցի տարածքում իրականացվում են աշխատանքներ՝ ծանր տեխնիկայի գործադրմամբ։ «Պատմամշակութային արգելոց-թանգարանների և պատմական միջավայրի պահպանման ծառայություն» ՊՈԱԿ-ի տնօրեն Արա Թարվերդյանն արձագանքել էր, որ նշված աշխատանքներն իրականացվում են արգելոց-թանգարանից մոտ 100-150 մետր հեռավորության վրա՝ սեփականատիրոջ տարածքում, առկա են նաև համապատասխան թույլատրող փաստաթղթեր։