Նորատ ՏԵՐ-ԳՐԻԳՈՐՅԱՆՑ. ՄԻՋԱԶԳԱՅԻՆ ՀԱՆՐՈՒԹՅՈՒՆՆ ԱՆՏԱՐԲԵՐ Է ՀԱՅԱՍՏԱՆԻ ԵՎ ԱԴՐԲԵՋԱՆԻ ՍԱՀՄԱՆԻՆ ՏԻՐՈՂ ԻՐԱՎԻՃԱԿԻ ՀԱՆԴԵՊ
Ադրբեջանը ցուցաբերեց իսկական ագրեսիա, որը բնորոշ է արմատական իսլամիստական պետություններին: Այս մասին News.am-ի թղթակցին տված հարցազրույցում հայտարարեց գեներալ-լեյտենանտ Նորատ Տեր-Գրիգորյանցը:
Նրա խոսքերով՝ Հայաստանի և Ադրբեջանի սահմանին լարվածությունը Թուրքիայի քաղաքականության շարունակությունն է:
«Լարվածությունը տեղի է ունենում Թուրքիայի աջակցությամբ, քանի որ այդ մասին խոսեց նաև հենց Թուրքիայի արտգործնախարարը։ Թուրքիան ձգտում է վերականգնել Օսմանյան կայսրությունը, սակայն միայն իր ձևով: Այդպես են նրանք իրականացնում իրենց քաղաքականությունը՝ գրավելով սիրիական հողերը, Իրաքում կռվում են, Լիբիայում կռվում են, իսկ Հայաստանը ոսկոր է նրանց կոկորդում: Նրանք հայերից խլեցին հողերը, մեկուկես միլիոն հայ մահացավ նրանց ձեռքով, իմ ծնողներին վտարել են իրենց հողերից: Եվ հիմա նրանք որոշել են սկսել նաև Ղարաբաղից: Ղարաբաղը, օրենքով, միջազգային իրավունքի համաձայն, դուրս է եկել Ադրբեջանի՝ ագրեսիվ, ստախոս և արմատական պետության կազմից»,- հայտարարեց Տեր-Գրիգորյանցը:
Գեներալ-լեյտենանտը հիշեցրեց, որ Բաքուն արդեն փորձել է ուժային ճանապարհով լուծել Ղարաբաղի հարցը, սակայն, Ղարաբաղին հաջողվել է ջախջախել քանակով և կրակի ուժով իրեն գերազանցող հակառակորդի ուժերին: Այնուամենայնիվ, ինչպես նշեց Տեր-Գրիգորյանցը, թշնամին համառորեն շարունակում է պատրաստվել պատերազմի՝ ակտիվորեն վերազինելով իր ջոկատներն ու ստորաբաժանումները:
«Ըստ ՄԱԿ-ի կոնվենցիայի, այդպիսի պայթյունավտանգ տարածաշրջաններին և ագրեսիվ երկրներին արգելվում է զենք մատակարարել, սակայն այդ կանոնները անընդհատ խախտվում են, իսկ ՄԱԿ-ը, չգիտես ինչու, աչք է փակում դրա վրա»,- տարակուսեց գեներալ-լեյտենանտը:
Տեր-Գրիգորյանցի կարծիքով՝ Ադրբեջանի նախագահ Իլհամ Ալիևին վաղուց էր պետք քրեական պատասխանատվության ենթարկել և տրիբունալի հանձնել:
Անդրադառնալով այս հարցի վերաբերյալ պաշտոնական Կրեմլի և ՀԱՊԿ-ի դիրքորոշմանը՝ գեներալ-լեյտենանտը բացահայտ դժգոհություն հայտնեց ռազմական դաշինքում Հայաստանի դաշնակիցների պահվածքից:
«ՀԱՊԿ-ը որևէ միջոց չի ձեռնարկում: ՀԱՊԿ-ը մի տեսակ մահացած կազմակերպություն է: Ես նրանցից երբեք նման բան չէի սպասում»,- ասաց Նորատ Տեր-Գրիգորյանցը:
Գեներալը համոզված է, որ ստեղծված իրավիճակում Հայաստանը պետք է գնա Հյուսիսային Կորեայի ճանապարհով՝ հույսը դնելով միայն սեփական ուժերի վրա, ուժեղացնելով իր բանակն ու տնտեսությունը, «հաշվեհարդարի զենք» և «զսպման զենք» պահեստավորելով:
«Հակառակ դեպքում, անհրաժեշտ է նոտայով դիմել ՄԱԿ-ին և Անվտանգության խորհրդին՝ պահանջելով թույլ տալ Հայաստանին ձեռք բերել միջուկային զենք՝ ադրբեջանցի ծայրահեղականների սպառնալիքներին հակահարված տալու համար», - ասաց Տեր-Գրիգորյանցը:
Նա դժվարացավ կանխատեսել, թե կարող են արդյոք այս սրացումները հանգեցնել ավելի լայնածավալ ռազմական գործողությունների և պատերազմի: Այնուամենայնիվ, նա նշեց, որ միջազգային հանրությունը, ըստ էության, որևէ կերպ չի արձագանքել Ալիևի հայտարարություններին, թե Երևանը Ադրբեջանի պատմական մաս է, թե Բաքուն բոլոր ջանքերը կգործադրի իր հողերը վերադարձնելու համար: Ավելին, միջազգային հանրությունը, ինչպես նշեց գեներալ-լեյտենանտը, աչք փակեց 2016-ին Ադրբեջանի ագրեսիայի հանդեպ:
«Այժմ Ալիևը հերթական անգամ համոզվեց, որ միջազգային հանրությունը անտարբեր է Հայաստանի և Ադրբեջանի սահմանին տիրող իրավիճակի հանդեպ: Նա հերթական անգամ համոզվեց, որ ՀԱՊԿ-ը չի պատրաստվում պաշտպանել Հայաստանին»,- պարզաբանեց Տեր-Գրիգորյանցը:
ПОСЛЕДНИЕ ОТ АВТОРА
-
2024-03-28 17:44
К сожалению, в Армении нет правительства, если бы оно было, то РА сегодня не пребывала в этом состоянии. Об этом заявил в беседе с журналистами 28 марта член Республиканской партии Армении Эдуард Шармазанов, который вместе с однопартийцами в день рождения основателя РПА Ашота Навасардяна посетил пантеон «Ераблур» в Ереване.
-
2024-03-28 17:33
Инспекционный орган по безопасности пищевых продуктов Армении проведет проверку на Араратском коньячном заводе (АКЗ, не путать с комбинатом "Арарат" и Ереванским коньячным заводом).
-
2024-03-28 17:30
Европейский суд по правам человека предварительно принял иски по делам зампреда Республиканской партии Армении Армена Ашотяна и руководителя движения "Адеквад" Ашота Даниеляна. Об этом адвокат Тигран Атанесян сообщил в соцсетях.
-
2024-03-28 17:28
Обращаемся к трем фракциям и независимым депутатам парламента Армении завершить обсуждение отчета о реализации программы Правительства на заседаниях Национального Собрания требованием представить и поставить на голосование проект решения НС о выражении недоверия премьер-министру республики Николу Пашиняну. Об этом говорится в заявлении, распространенном альтернативным общественно-политическим движением «Вместе».