2020-07-23 09:44
Информагентства
0
Դասաժամերի նվազեցումից հետո հնարավոր կլինի՞ խուսափել ուսուցիչների կրճատումից
Կրթության, գիտության, մշակույթի և սպորտի նախարարությունը քայլեր կիրականացնի կրթության չափորոշիչների փոփոխությամբ նախատեսված դասաժամերի կրճատման արդյունքում ուսուցիչների կրճատումից խուսափելու համար։ Sputnik Արմենիայի գրավոր հարցմանն այսպիսի պատասխան է տվել ԿԳՄՍ փոխնախարար Ժաննա Անդրեասյանը։
Հայտնել էինք, որ կրթական չափորոշիչների փոփոխության նախագիծ է մշակվել, ըստ որի` մի շարք առարկների հատկացված դասաժամեր կրճատվելու են։ Բացի այդ, «Հայ եկեղեցու պատմություն» առարկան միավորվելու է այլ առարկաների հետ և որպես առանձին առարկա չի դասավանդվելու։ Նախատեսվող այս փոփոխությունը քննարկման և քննադատության տեղիք է տվել։
Sputnik Արմենիան գրավոր հարցմամբ դիմել էր ԿԳՄՍ նախարարություն` տեղեկանալու, թե արդյո՞ք «Հայ եկեղեցու պատմություն» առարկայի ժամերի, ինչպես նաև այլ առարկաներին հատկացված դասաժամերի կրճատմամբ ուսուցիչների կրճատում չի լինելու։
«Չափորոշիչի գործարկման արդյունավետության ապահովման նպատակով ԿԳՄՍ նախարարությունը նախատեսում է իրականացնել ուսուցիչների և տնօրենների լայնածավալ վերապատրաստումներ։ Դրանք հնարավորություն կտան խուսափել հաստիքների հնարավոր կրճատումներից»,–ի պատասխան հայտնել է ԱՆդրեասյանը։
Փոխնախարարը նշել է նաև, որ հանրակրթության պետական չափորոշիչով սահմանվում են առարկաների ցանկի ձևավորման սկզբունքները, հետևաբար, դպրոցները կարող են իրականացնել ժամաքանակների բաշխման գործընթացը: Այսինքն` դպրոցն ինքը կարող է այս կամ այն մասնագետին հատկացվող ժամաքանակն ավելացնել։
Անդրեասյանը հիշեցրել է, որ hանրակրթության պետական չափորոշիչը նախատեսված է գործարկելու 2022-2023 ուսումնական տարվանից:
ПОСЛЕДНИЕ ОТ АВТОРА
-
2024-04-16 19:35Армянская духовная семинария открылась в Санкт-Петербург.
-
2024-04-16 19:30Католикос Всех Армян Гарегин Второй 16 апреля принял в Первопрестольном Эчмиадзине руководителя гражданской наблюдательной миссии Европейского союза в Республике Армения Маркуса Риттера.
-
2024-04-16 19:29Азербайджан должен вывести все свои военные и правоохранительные силы из гражданских населенных пунктов Нагорного Карабаха, захваченных им в результате вооруженного нападения 19 сентября. Об этом заявил во время слушаний по делу «Армения против Азербайджана» в Международном суде ООН 16 апреля профессор Шон Мерфи, представляющий иск Армении.
-
2024-04-16 18:24Генеральный секретарь ОДКБ Имангали Тасмагамбетов в интервью News.ru подтвердил, что Ереван действительно сократил объем своей деятельности в блоке, и отметил, что ясность в этом вопросе была бы на пользу всем участникам организации.
