Սևրի դաշնագիրը ստորագրած պետությունների երիտասարդները հատուցման կոչ են հղել Թուրքիային
Սևրի դաշնագիրը ստորագրած պետությունների երիտասարդական քաղաքական կազմակերպությունները հայ ժողովրդին հատուցման կոչ են ուղղել Թուրքիային: «Արմենպրես»-ի փոխանցմամբ՝ այս մասին հայտնում է Հայ Յեղափոխական Դաշնակցության պաշտոնական կայքը:
ՀՅԴ Բյուրոյի Երիտասարդական գրասենյակը Սևրի Դաշնագրի ստորագրության 100-ամյակի առիթով` նախաձեռնել է դաշնագիրը ստորագրած պետությունների երիտասարդական միությունների հետ համատեղ հայտարարության հրապարակում, որը ներկայացված է ստորև.
«Սևրի դաշնագիրը հանդիսանում է միակ իրավական միջազգային փաստաթուղթը, որն ապահովում է Հայոց Ցեղասպանության արդար հատուցումը, այն ստորագրվել է Առաջին Համաշխարհային պատերազմից հետո 1920-ին Փարիզի խաղաղության վեհաժողովի ընթացքում Դաշնակից ուժերի և Թուրքիայի միջև:
Հիմք ընդունելով այն բանաձևը, որը միաձայնությամբ ընդունվել է Երևանում Ընկերվարական Երիտասարդական Միջազգային Միության (ԸԵՄՄ/IUSY) համաշխարհային խորհրդի ժողովին (2015), որը դատապարտում է Օսմանյան կայսրության կողմից իրականացված Հայոց ցեղասպանությունը.
Մենք` Սևրի դաշնագիրը ստորագրած երկրների կամ նրանց իրավահաջորդ պետությունների ընկերվարական և ընկերվար-ժողովրդավարական երիտասարդական կազմակերպություններս, վերահաստատում ենք Սևրի պայմանագրի կարևորությունը և կոչ ենք անում Թուրքիային ձեռնարկել Հայոց ցեղասպանության հետևանքների վերացման քայլեր և սկսել հայ ազգի իրավունքների վերականգման գործընթացը:
Մենք համոզված ենք, որ սա երկու երկրների ժողովուրդների միջև փոխվստահություն և տարածաշրջանում խաղաղություն հաստատելու միակ միջոցն է:
Հայտարարությունը ստորագրված է հետևյալ երիտասարդական կազմակերպությունների կողմից.
Բելգիա – Երիտասարդ սոցիալիստներ
Բելգիա – Սոցիալիստ երտասարդների շարժում
Թուրքիա – Ժողովուրդների դեմոկրատական կուսակցության երիտասարդական
Իտալիա – Երիտասարդ դեմոկրատներ
Լեհաստան – Երիտասարդ սոցիալ դեմոկրատների միություն
Խորվաթիա – Խորվաթական սոցիալ դեմոկրատական երիտասարդներ
Կանադա – Կանադայի նոր դեմոկրատական երիտասարդներ
Հայաստան – ՀՅԴ երիտասրդական – ՀՅ Դաշնակցության երիտասարդական միություն
Հունաստան – Համահունական սոցիալիստական շարժում – ՊԱՍՈԿ երիտասարդական
Հնդկաստան – Երիտասարդ քվեարկողների կուսակցություն
Հյուսիսային Մակեդոնիայի Հանրապետություն – Մակեդոնիայի սոցիալ դեմոկրատ երիտասարդներ
Նոր Զելանդիա – Նոր Զելանդիայի երիտասարդ լեյբորիստներ
Չեխիա – Երիտասարդ սոցիալ դեմոկրատներ
Պորտուգալիա – Երիտասարդ սոցիալիստներ
Սերբիա – Ազատություն և արդարություն կուսակցության երիտասարդներ
Սլովենիա – Սոցիալ դեմոկրատականների երիտասարդական ֆորում
Ֆրանսիա – Սոցիալիստ երիտասարդների շարժում»:
lragir.am
ПОСЛЕДНИЕ ОТ АВТОРА
-
2024-04-24 10:50
Накануне полицейские подвергли приводу около десятка граждан на участке дороги, ведущей от Айрума к КПП «Баграташен», который перекрыли жители приграничных сел, протестуя против начавшегося в Тавуше процесса демаркации границы и требуя от властей Армении не идти на односторонние уступки в пользу Азербайджана.
-
2024-04-24 10:48
Пришло время предпринять шаги по предотвращению в будущем повторения геноцида, заявил в своем призыве ко всему миру со-основатель гуманитарной инициативы «Аврора» Нубар Афеян в связи с 109-й годовщиной Геноцида армян в Османской империи.
-
2024-04-24 10:47
Дорога, ведущая из Киранца в Грузию, и ночью была перекрытой. Граждане уже пятый день ночуют здесь.
-
2024-04-24 10:33
В послании третьего президента Армении Сержа Саргсяна по случаю Дня памяти жертв Геноцида армян отмечается: