Թաթոյան․ Ադրբեջանը խախտել է Ժնևյան կոնվենցիան
ՀՀ մարդու իրավունքների պաշտպան Արման Թաթոյանը ՀՀ զինված ուժերի սպա Գուրգեն Ալավերդյանի` Ադրբեջանում հայտնվելու վերաբերյալ տեղեկության հրապարակումից անմիջապես հետո նախաձեռնել է ուսումնասիրության գործընթաց։ Թաթոյանն այս մասին գրել է Facebook-ի իր էջում։
«Տեսանյութերի ուսումնասիրությունը վկայում է ՀՀ զինված ուժերի սպայի միջազգայնորեն ամրագրված իրավունքների կոպիտ խախտումների մասին»,-նշել է Թաթոյանը:
Մասնավորապես, տեսանյութում Գուրգեն Ալավերդյանը ներկայացված է ձեռնաշղանթերով՝ շրջապատված ադրբեջանական զինծառայողներով: ՀՀ զինված ուժերի սպան ներկայացված է ձմեռային գլխարկով, որով ամբողջությամբ փակել են նրա աչքերը:
Գ.Ալավերդյանը շրջապատված է ադրբեջանցի զինվորականներով, ովքեր անում են նրա արժանապատվությունը վիրավորող հայտարարություններ, դրսևորում են հեգնական պահվածք, անընդհատ ցուցադրաբար նվաստացնում են սպայի պատիվն ու արժանապատվությունը, իսկ տեսանյութն ամբողջությամբ ողողված է Գուրգեն Ալավերդյանի էթնիկ պատկանելությանը, այն է՝ նրա հայ լինելուն վերաբերող ակնհայտ ատելության խոսքով:
«Ժնևյան կոնվենցիաները երաշխավորում են ռազմագերիների պատվի և արժանապատվության նկատմամբ հարգանքի իրավունքը, որը բացառում է նվաստացնող որևէ տեսակի վերաբերմունք: Հետևաբար, տեսանյութերում ադրբեջանցի զինվորականների պահվածքը Գուրգեն Ալավերդյանի իրավունքների կոպիտ խախտումներ են»,-շեշտում է Մարդու իրավունքների պաշտպանը:
Նրա խոսքով՝ անհրաժեշտ է արձանագրել, որ ադրբեջանցի զինվորականների կողմից իրավունքների կոպիտ խախտումները տեղի են ունենում այն բանից հետո, երբ Գուրգեն Ալավերդյանը մոլորվել և հայտնվել է Ադրբեջանի տարածքում, այսինքն՝ գտնվել այդ երկրի իրավազորության ու հետևաբար` նաև պատասխանատվության ներքո:
Թաթոյանը խիստ դատապարտելի երևույթ է համարում նաև այն, որ նշված տեսանյութերը լայնորեն տարածվում են ադրբեջանական, մասնավորապես՝ Rahmanzade TV, Yeni Avaz TV, WEST NEWS TV, Beynelxalq İnfo, Hərbi TV և այլ հեռուստաընկերություններով:
Հայաստանի օմբուդսմանն այսօր դիմել է մարդու իրավունքների ոլորտի միջազգային կառույցներին՝ արձանագրելով Գուրգեն Ալավերդյանի իրավունքների կոպիտ խախտումները, ինչպես նաև միջազգային մարդասիրական իրավունքի կոպիտ խախտումները:
Թաթոյանն ու նրա ներկայացուցիչը մշտական կապի մեջ են Գուրգեն Ալավերդյանի ընտանիքի հետ, ինչպես նաև համապատասխան միջազգային կառույցների հետ, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
2024-04-25 11:05
Известный теннисист Карен Хачанов присоединился к требованию освободить экс-госминистра Арцаха, бизнесмена и мецената Рубена Варданяна и остальных армянских пленных, незаконно арестованных и удерживаемых в Бакинской тюрьме.
-
2024-04-25 11:04
Директор института ЕАЭС Владимир Лепехин прокомментировал Alpha News вопрос исторической памяти и ответственности Турции за Геноцид армян в Османской империи.
-
2024-04-25 11:03
Жители села Киранц в Тавуше перекрыли мост, который планируется передать Азербайджану в рамках процесса делимитации.
-
2024-04-25 11:02
Перспективы развития военно-технического сотрудничества между Арменией и Чехией обсуждались в Минобороны РА на встрече замминистра оборонного ведомства Карена Брутяна с гендиректором агентства промышленного сотрудничества МО Чехии Радкой Кондерловой. Об этом сообщает пресс-служба армянского оборонного ведомства.