Последние новости

«Ազգային արժեքների պաշտպանություն» նախաձեռնությունը իր օրենսդրական փոփոխություններն է առաջարկում

«Ազգային արժեքների պաշտպանություն» նախաձեռնության անդամները առաջարկում են մեր արժեքների պաշտպանության համար մի շարք օրենքներ մշակել և ընդունել: Այս մասին այսօր՝ օգոստոսի 28-ին, լրագրողների հետ հանդիպման ժամանակ հայտարարեց ՀՀ Փաստաբանների պալատի նախագահ Արա Զոհրաբյանը: Նա պարզաբանեց, որ ըստ Ստամբուլի կոնվենցիայի՝ ընտանիքն ու զույգը, ըստ էության, հավասարեցվում են: «Ինչ վերաբերում է Լանզարոտեի կոնվենցիային, ապա այստեղ ևս կան սպառնալիքներ, օրինակ՝ կրտսեր և միջին դասարանների աշակերտների համար սեռական կրթության համակարգի ներդրումը:

«Մենք առաջարկում ենք սեռական դաստիարակության արգելք մինչև 12 տարեկանների համար, իսկ եթե որոշում է ընդունվում այդ նորման թույլատրել 13 տարեկանների համար, ապա պարտադիր պետք է հասարակական քննարկումներ անցկացվեն: Բացի այդ, մենք դեմ ենք նորմային, ըստ որի՝ Հայ առաքելական եկեղեցին կարող է սնանկ հայտարարվել և լուծարվել: Մենք նաև ձգտում ենք, որպեսզի արգելվի երկու տղամարդկանց կամ երկու կանանց կամ էլ սեռափոխված մարդկանց միջև ամուսնությունը, ինչպես նաև նշված մարդկանց կողմից երեխա որդեգրելը: Նման ռիսկեր կան, քանի որ կարող են փորձեր արվել վավերացնելու կոնվենցիան, որն ընդունվեց Հայաստանում 2008 թվականին»,-նշեց Զոհրաբյանը: Նա նշեց, որ ըստ օրինագծի՝ առաջարկվում է արգելել ազգային հերոսների, սրբերի անվան օգտագործումը կոմերցիոն ոլորտում, ինչպես նաև արգելել դրանց դիսկրեդիտացիան ցանկացած ոլորտում: «Քանի որ արտակարգ դրության պայմաններում հանրաքվեի անցկացումն արգելվում է, նախաձեռնող խումբը կդիմի ստորագրահավաքի միջոցին»,-հավելեց նա:

նա նկատեց, որ փաստարկները, որոնք հնչեցնում է ընդդիմությունը, չեն վերլուծվում և քննադատվում են: «Վստահ եմ, որ այդ նախաձեռնության անդամները կարող են որոշ խմբերի կողմից թիրախ դառնալ: Դրան մենք ևս պատրաստ ենք: Միևնույն ժամանակ, մենք բաց ենք բոլոր քաղաքական ուժերի հետ համագործակցության համար»,-եզրափակեց Զոհրաբյանը, տեղեկացնում է News.am-ը:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ