Ռոբերտ Քոչարյանի պաշտպանները պահանջում են տրամադրել մարտի 1-ի մայր գործի նյութերն՝ ամբողջական ծավալով
Ռոբերտ Քոչարյանի պաշտպանները պահանջում են տրամադրել մարտի 1-ի մայր գործի նյութերն՝ ամբողջական ծավալով
ՀՀ երկրորդ նախագահ Ռոբերտ Քոչարյանի պաշտպանական թիմը կրկին միջնորդեց, որ դատարանը պահանջի քննիչից տրամադրել մարտի 1-ի մայր գործի նյութերն՝ ամբողջական ծավալով, որն առկա է 2008 թվականի մարտից մինչ այս պահը, հայտնում են Քոչարյանի փաստաբանական խմբից։
«600 հատոր կազմող գործից, անջատված մասով, փաստաբաններին տրամադրվել է ընդամենը 79 հատոր:
Դեռևս 2019 ապրիլին պաշտպան Հովհաննես Խուդոյանը միջնորդել է գործի նյութերն ամբողջությամբ տրամադրել, սակայն քննիչը մերժել է, պատճառաբանելով, որ պաշտպանական կողմին Ռոբերտ Քոչարյանին մեղսագրվող արարքները ապացուցող բոլոր փաստաթղթերը ներկայացվել են։
Ըստ Խուդոյանի՝ քննիչը ընտրել է միայն այն հատորները, որտեղ կան նյութեր, որոնք կարող են օգտագործվել Ռ․ Քոչարյանի դեմ, ինչը քննիչը չի էլ թաքցրել։ Մինչդեռ գործի նյութերում կան բազմաթիվ ցուցմունքներ և ապացույցներ, որոնցով սույն գործով անցնող անձանց առաջադրված մեղադրանքը կարող է հերքվել, և նրանք կարող են արդարացվել։ Օրինակ, գործում կան ապացույցներ և փաստական տվյալներ, որ 2008 թ․ մարտի 1-2-ին կազմակերպված հանրահավաքները խաղաղ չեն եղել։ Չտրամադրված նյութերի մեջ կան նաև կարևոր տեղեկություններ Երկրապահ կամավորական միության այդ օրերի գործունեության վերաբերյալ, որոնք և պատճառ են դարձել, որ Ռ․ Քոչարյանը 2008 թ․ փետրվարի 23-ին խորհրդակցություն հրավիրի։ Պաշտպաններին տրամադրված գործերի մեջ առկա է ընդամենը ԱԱԾ-ի երեք տեղեկանք այն մասին, թե ինչ էր կատարվում ԵԿՄ-ում։
Պաշտպան Խուդոյանի խոսքով՝ առանց ամբողջական նյութերի տրամադրման անհնար է արդյունավետ պաշտպանություն կազմակերպել և, որ ամենակարևորն է, խախտվում է դատավարական կողմերի մրցակցության սկզբունքը։ Հ․ Խուդոյանը դատարանին ներկայացրեց մի քանի օրինակ Վճռաբեկ դատարանի և ՄԻԵԴ պրակտիկայից, ընդգծելով, որ գործի ամբողջական նյութերի տրամադրման մերժումը խախտում է կողմերի մրցակցության սկզբունքը և Քրեական դատավարության օրենսգրքի պահանջները։ Նմանատիպ միջնորդություն ներկայացրեց նաև Սեյրան Օհանյանի պաշտպան Կարեն Մեժլումյանը։ Միջնորդությանը միացան Ռոբերտ Քոչարյանի մյուս փաստաբանները, ինչպես նաև Յուրի Խաչատուրովի և Արմեն Գևորգյանի պաշտպանները։
Մեղադրող կողմն իր կարծիքը կներկայացնի հաջորդ դատական նիստին, որը տեղի կունենա սեպտեմբերի 22-ին, ժամը 13։00-ին»,-նշված է խմբի տարածած հաղորդագրությունում։
ПОСЛЕДНИЕ ОТ АВТОРА
-
2024-04-24 15:06
Инициатива "Тавуш во имя Родины" осуждает задержание 23 апреля в Тавуше активистов с применением силы. Об этом говорится в заявлении на официальной странице инициативы в соцсети.
-
2024-04-24 15:05
Министр иностранных дел Бельгии Хаджа Лабиб в связи со 109-й годовщиной Геноцида армян сделала запись на своей странице в X, подчеркнув, что эта страшная страница истории напоминает о необходимости борьбы с дискриминацией и насилием.
-
2024-04-24 15:03
Председатель Комитета Совета Федерации по международным делам Григорий Карасин посвятил свое выступление на заседании Совета Федерации критике спикера парламента Армении Алену Симоняну:
-
2024-04-24 15:01
Одному из 7 членов организации «Боевое братство» Арману Петросяну, задержанному по подозрению в хулиганстве по делу о блокировании межгосударственной дороги Армения-Грузия, предъявлено обвинение в хулиганстве.