Տավուշի բերդի պեղումների ընթացքում հայտնաբերվել է խեցեղեն, տապանաքարեր ու հնգատող արձանագրություն
ՀՀ Տավուշի մարզի Բերդ համայնքի «Տավուշի բերդ» (Թովուզ Ղազա) կոչվող ամրոցում պեղումներ են անցկացվում:
«Արմենպրես»-ի հաղորդմամբ՝ լրագրողների հետ զրույցում ՀՀ վարչապետի խորհրդական Ռոբերտ Ղուկասյանն ասաց, որ ամրոցը կարող է զբոսաշրջության զարգացման նոր խթան լինել:
«Այն լոկոմոտիվ ծրագրի բանալին, որը կկարողանար մարդկանց ստիպել գալ Տավուշի Բերդ համայնք, գտանք Տավուշի բերդում։ Այդ կապակցությամբ առաջարկություն ներկայացրի վարչապետին, որ Բերդի կտրվածությանը վերջ տալու համար, կարծում եմ, լավագույն տարբերակը կլինեն հենց ամրոցի հնագիտական պեղումները։ Վարչապետն անմիջապես հանձնարարեց սկսել պեղումները, և հիմա դրանք ընթանում են և՛ Տավուշի բերդում, և՛ բերդի եկեղեցում»,- նշեց Ղուկասյանը:
Նա վստահեցրեց, որ Տավուշի բերդի պեղումներից հետո այն զբոսաշրջության ոլորտում իր խոսքն անպայման կասի:
«Դեռ սաղմնային վիճակում է ամեն ինչ, նոր-նոր ենք սկսել պեղումները, բայց տարբեր մարդիկ հայտ են ներկայացնում, որ հյուրատներ կառուցեն»,- հայտնեց վարչապետի խորհրդականը։
Հնագիտության և ազգագիտության ինստիտուտի գիտաշխատող Հարություն Բադալյանն ասաց, որ այս պահին պեղումներ են անցկացվում եկեղեցու տարածքում, որն ամրոցի ստորին հատվածում է գտնվում:
«Այս պահին մաքրման աշխատանքներ են իրականացվում: 1988 թվականին այստեղ հայտնաբերվել է հնգատող մի արձանագրություն, որի վրա նշված է, որ եկեղեցին կոչվում է սբ. Աստվածածին և կառուցվել է 1019 թվականին: Այս պահին մենք հայտնաբերել ենք խեցեղենի բեկորներ, բազմաթիվ տապանաքարեր, որոնցից մեկի վրա հայտնաբերել ենք արձանագրություն»,- նշեց Բադալյանը:
Նրա խոսքով՝ եկեղեցու հատվածում մաքրման աշխատանքներն ավարտելուց հետո պեղումները շարունակելու են միջնաբերդի հատվածում:
ПОСЛЕДНИЕ ОТ АВТОРА
-
2024-04-25 19:24
В Тавуше протестующие окружили пост военной полиции. Ранее тавушцы перекрыли мост, в районе которого сегодня планировалось провести работы по разминированию. Около моста протестующие установили палатку.
-
2024-04-25 19:22
Представители блока «Мать Армения» во главе с Андраником Теваняном находятся в Тавушской области.
-
2024-04-25 19:18
Сегодня несколько членов движения «Вместе» были задержаны, они пытались перекрыть улицу. Об этом заявил во время акции протеста бывший премьер-министр Армении, член движения «Вместе» Грант Багратян.
-
2024-04-25 19:16
На основании геодезических измерений, проводимых в рамках работ по уточнению координат на границе между Республикой Армения и Азербайджанской Республикой по состоянию на 25 апреля 2024 года установлено 20 пограничных столбов, сообщает пресс-служба армянского правительства.