Последние новости

ՆՈՒՅՆԻՍԿ ԵԹԵ ԴԴՈՒՄԸ ՎԵՐԱԾՎԻ ՓՈԽՎԱՐՉԱՊԵՏԻ…

Դատելով խորհրդարանի նիստից՝ ԳԿՄՍ նախարար Արայիկ Հարությունյանն այդ կարգավիճակով չի տեղավորվում ապագա լուսավոր և բարգավաճ Հայաստանի պատկերում։ Եթե ավելի պարզ. խորհրդարանական ընդդիմադիր կուսակցությունները պահանջել են ԳԿՄՍՆ ղեկավարի հրաժարականը։

Իհարկե, պրն Հարությունյանին այդ աթոռին այլեվս չտեսնելը, և ընդհանրապես չտեսնելը վարդագույն հեռանկար է, թեև, ըստ երևույթին՝ գրեթե անիրագործելի։ Հարցն այնուամենայնիվ այլ է. նրա հետ, թե առանց նրա կշարունակի՞ արդյոք «քայլող» Հայաստանը պնդել, թե կրթության ու մշակույթի պետական հայեցակարգի բացակայությունը նույնպես հայեցակարգ է:

Դեռևս մի քանի ամիս առաջ Շառլ Պերրոյի հայտնի հեքիաթը նոր ընթերցում ստացավ։ «Մոխրոտիկի» այդ նորացված տարբերակի համաձայն՝ դդումը պետք է վերածվեր ոչ թե կառքի, այլ փոխվարչապետի։ Եթե խոսենք առանց փոխաբերությունների, սկսեցին լուրեր շրջել վարչապետի և փոխվարչապետ Տիգրան Ավինյանի միջև ի հայտ եկած անհաշտ հակասությունների մասին, այն մասին, որ արտակարգ դրության ավարտից հետո Ավինյանը պաշտոնանկ կարվի, իսկ նրա տեղը կզբաղեցնի Արայիկ Հարությունյանը։ Որքա՜ն էին ուրախացել գիտության, կրթության ու մշակույթի մարդիկ։ Թող նշանակեն թեկուզ Հռոմի պապին, մեկը մյուսից բարձր շքանշաններ կախեն վրան, միայն թե հեռո՛ւ մեզանից։ Այն ոլորտներից, որոնք, ինչպես սվինին հավասարեցված գրիչը, վաղուց համարվում են ազգակերտ և ներակա, որտեղ կուտակվել են ահռելի քանակությամբ խնդիրներ, և որոնցից Արայիկ Հարությունյանը, դրսևորելով արտակարգ տաղանդ, նույնիսկ յոթ նոտայից չի գուշակել ոչ մի մեղեդի։

Բայց, մինչ տեղի կունենար պաշտոնի սպասվող և խոստումնալից բարձրացումը, ընդդիմադիր խորհրդարանական կուսակցությունները պահանջեցին կտրել մեր ամենիքիս հայրենի գիտության, մշակույթի և նույնիսկ սպորտի ամենալուսավոր գլուխը։ Զայրացողների ուշադրության սևեռակետում, բնականաբար, հայտնվել է կրթությունը, որը վերջին ամիսներին դարձել է ամենից արդիական թեման, այնպես որ դրա վրա կանգ չենք առնի։ Բայց նախարարին հիշեցրին նաև տարփողումն այն առթիվ, որ Հայաստանի բուհերն այսուհետ ինքնակառավարելի են, պետությունը չի միջամտելու դրանց ղեկավարության ընտրություններին, և այնուհետ «յուրայիններին» խցկելը պետհամալսարան ու ժողտնտեսական, այն էլ օրենքի բազմաթիվ խախտումներով։

«Դուք անգնահատելի ներդրում եք ունեցել այդ բուհերի կառավարման ճգնաժամի առաջացման գործում»,- նշեց խորհրդարանականներից մեկը: Պարսավանքով հիշատակվեց նաև նախարարության Dasaran.am ծրագիրը, որը նույնպես իրականացվում էր շեփորների ցնծալից հնչյունների տակ (շեփորը Հարությունյանն անձամբ էր փչում), և որն արդյունքում կլանեց պետական ահռելի գումարներ ու հանկարծ իր իսկ կողմից հայտարարվեց կասկածելի։ Այժմ այդ հարթակը փոխարինելու ենք նորով, ինչը, բնականաբար, կպահանջի նոր ներդրումներ: Նախարարության և հասարակության միջև հաղորդակցության պակասը, որում նախարարը խնդիր է տեսնում, նույնպես հայտարարվեց ցանկացած այլախոհության հանդեպ նրա հիվանդագին անհանդուրժողականության արդյունք։ «Երբեք, որևէ ժամանակներում մենք չենք բախվել գերատեսչության ղեկավարի այնպիսի ցինիզմի և բացահայտ լպիրշության, ինչպիսին Հարությունյանի պարագայում է»,- ավելի ուշ հայտարարեց Նաիրա Զոհրաբյանը «Բարգավաճ Հայաստանի» իր կուսակիցների անունից:

Նախարարի գլխում ընթացող մտավոր պրոցեսների ծայրահեղ դանդաղկոտության մասին տիկին Զոհրաբյանը լռեց. հավանաբար՝ չցանկանալով իջնել նրա մակարդակին և անցնել անձնական վիրավորանքների։ Նա նաև չընդգծեց, որ ոչ ոք այնքան խորապես չի մատնել դպրոցական բարեփոխումների պատվիրված լինելը, որքան գերատեսչության ղեկավարը: Այնինչ արժեր։ Չէ՞ որ նույնիսկ վատ բանախոսը, պաշտպանելով սեփական համոզմունքները, այնուամենայնիվ գտնում է անհրաժեշտ խոսքերը, որպեսզի ամրապնդի մտքով ու զգացողաբար ի հայտ եկող թեզերը։ Մինչդեռ Արայիկ Հարությունյանը, բարեփոխումների վերաբերյալ իր բազմաթիվ ելույթներում պատասխանելով այն հարցին, թե ինչու է պետք պատերազմ հայտարարել հայագիտությանը, անփոփոխ հայտարարում է նույն բանը. «Որպեսզի երիտասարդ սերնդի մտքով անգամ չանցնի քվեարկել հանրապետականների և «Բարգավաճ Հայաստանի» օգտին»։ Ինդպիսի՜ վսեմ նպատակ։ Եվ գլխավորը՝ աներևակայելի ընդգրուն։

Բայց որ ամենից ապշեցուցիչն է. խորհրդարանի պատերի ներսում հնչեց «մշակույթ» բառը։ Ճիշտ է, դրա մասին հիշեցին բացառապես նրա համար, որ հերթական ապտակը հասցնեն առայժմ դեռ նախարար Հարությունյանին, բայց ախր հիշեցի՛ն։

«Ո՞ւր է մեր մշակույթը- հարցրեց «Լուսավոր Հայաստան» խմբակցության պատգամավոր Աննա Կոստանյանը։- Ես տարբեր խնդիրների վերաբերյալ տարբեր հարցումներ եմ ուղարկում ձեր գերատեսչություն և ի պատասխան ստանում եմ ինչ-որ հղումներ օրենքներին, որոնք ամենևին էլ չեն պատասխանում գլխավոր հարցին. մենք առհասարակ մշակույթ ունենք, թե՞ չունենք, ի՞նչ ուղղությամբ է այն զարգանում»։

Մինչդեռ մշակույթ չկա, չկա դրա զարգացում և չկա այդ զարգացման ուղղություն։ Ջոկատը չի նկատել, թե երբ կորցրեց մարտիկին։ Ասենք, ի սկզբանե չի էլ նշմարել նրան: Կրթության «բարեփոխումը» գոնե հայտնվեց հասարակայնության ուշադրության սևեռակետում. գտավ իր մոլի հակառակորդներին և, դատելով ամենից, սակավաթիվ կողմնակիցներին։ Մշակույթի պարագայում ամեն ինչ շատ ավելի վատ է։ Հիմա արդեն վերջնականապես պարզ է, որ նախարարությունների օպտիմալացումը, որ ծանուցվում էր որպես պայքար պետական բյուջեն քամողը բազմաթիվ պորտաբույծների դեմ, աչքակապություն էր։ Պորտաբույծները, հիմա արդեն այլք, ինչպես քամել են պետական բյուջեն, այնպես էլ շարունակում են քամել կադրային նույն կազմով։

Օպտիմալացրեցին բնավ ոչ նրանց, օպտիմալացրեցին մշակույթը։ Ընդհուպ մինչև իսպառ, այսպես ասած, արմատախիլ անելը։ Եվ այն, որ մշակույթն օժտված է սեփական իմունիտետով, և տաղանդներ շարունակելու են ծնվել ու գրքեր գրել, սիմֆոնիաներ ու նկարներ ստեղծել, ներկայացումներ բեմադրել ու ֆիլմեր նկարահանել, թույլ մխիթարություն է։ Դա համակարգային զարգացում ամենևին չի երաշխավորում. այն զարգացումը, որը պետք է երկրին ու մարդկանց, բայց պետք չէ պետությանը։ Այն պետությանը, որին անհրաժեշտ է կրթության բարեփոխում՝ ուղղված ոչ թե հօգուտ մարդու, այլ մարդու դեմ։ Եվ որքան էլ հակակրելի ու ծանրամիտ լինի Արայիկ Հարությունյանը, խնդիրը նա չէ։ Թեև վերջերս մշակույթի մի գործիչ պատմում էր, թե ինչպես է իրեն իր հերթին պատմել գերնախարարի օգնականն ու ռեֆերենտը, որի հարսանիքին նա համատեղության կարգով քավոր է եղել. «Արայիկը դեռ ժամանակ չի ունենում զբաղվելու մշակույթի խնդիրներով, դրա համար էլ ես եմ ծանոթանում դրանց»... Ժամանակ, ամենայն հավանականությամբ, այդպես էլ չի գտնվի։ Եվ ոչ այն պատճառով, որ Արայիկ Հարությունյանին կհեռացնեն պաշտոնից։

Եթե վերջին շրջանում գնալով ավելի հաճախ հնչող և մինչև Ազգային ժողով հասած «Արայիկ, հեռացի՛ր» կարգախոսը դիտարկենք որպես մի մեծ փոխաբերություն, ապա իմաստ կա։ Եթե Արայիկը հայոց ժողովրդավարության հայելին է, կրթության ու մշակույթի ոլորտում քաղաքական ուղեգծի մարմնացումը, ապա նրան փոխելու պահանջը կենսական է։ Սեփական ինքնությունը, դեմքը պահպանելու, այն ավելի խելացի, ավելի խորագիտակ, նուրբ, համբերատար դարձնելու պահանջը։ Այդ դեմքից ատելության ծամածռությունը ջնջելու և հայացքի մեջ խաղաղություն ու բարի հույզեր սերմանելու պահանջը։ Այլապես ի՞նչ տարբերություն, թե որ դդումը մեզ կտանի այլ ճանապարհով։

Основная тема:
Теги:

    ПОСЛЕДНИЕ ОТ АВТОРА

    • КОНСЕРВАТОРИЯ - НА СВОЕМ МЕСТЕ, ПРОКУРАТУРУ - В ПРИГОРОД
      2024-03-21 09:44

      Правительство поставило на рестарт, казалось, уснувшую навсегда тему оптимизации вузов вообще и арт-вузов, в частности. Культурная и, особенно, музыкальная общественность возмущена - Консерватория им. Комитаса протестует и собирает подписи под петицией... Режиссер, заслуженный деятель искусств РА и председатель Совета директоров театральных и музыкальных очагов культуры Рубен БАБАЯН уверен, что если бы власть научилась диалогу с профессионалами, шуму было бы меньше, а пользы - больше.

    • Сати СПИВАКОВА: "АРМЕНИЯ - МОЯ РОДИНА, КОТОРУЮ Я БУДУ ЛЮБИТЬ ДО ПОСЛЕДНЕГО ВЗДОХА"
      2024-03-15 10:10

      "За последние годы работа обрушилась на меня лавиной и впервые, приезжая в Ереван, я, с одной стороны, чувствую себя как дома, а с другой – будто я приехала в очень дорогое мне место, но как гость. Сейчас есть деловые предпосылки к тому, чтобы бывать в Армении чаще...", - говорила летом 2022-го Сати СПИВАКОВА, приехавшая в родной Ереван презентовать армянский релиз своей книги "Нескучная классика. Еще не все".

    • СТРАСТИ ПО КОНСЕРВАТОРИИ, или СДОХНЕМ ЛИБО МЫ, ЛИБО ИШАК
      2024-03-15 09:55

      "Мы, музыканты, которые учатся в музыкальных школах и в Консерватории, считаем предложение о переносе или объединении нашего учебного заведения абсурдным и неприемлемым. Эта Консерватория является символом культурного наследия Армении, уже более 100 лет существует и уже 50 лет как располагается в том же здании, что само по себе делает это здание нашим культурным наследием... Планируемое объединение ВУЗов может привести к потере этого символа", - такими словами начинается петиция, сбор подписей под которой организовала не просто музыкальная общественность, а, на минуточку, музыкальная молодежь. "Помогите нам сохранить Ереванскую Государственную Консерваторию имени Комитаса в Ереване!", - призывают они.

    • ПРЕМИЯ "МОНОКЛЯ" - АРМЯНСКОЙ "ВАРЕЧКЕ"
      2024-03-12 09:12

      "После продолжительных оваций полного зала, диплом участника фестиваля был вручен режиссеру и актрисе спектакля "Балерина Варечка", - сообщил сайт XIV Международного фестиваля моноспектаклей «Монокль» в Санкт-Петербурге в первый день весны, после того, как гости из Армении отыграли свой спектакль. Но дипломом участника дело не закончилось. 1-ая Премия "Монокля" вручена Лиле МУКУЧЯН за спектакль «Балерина Варечка» - режиссер Елена Варданян, продюсинг Международного фестиваля ARMMONO, Ереван, Армения.






    ПОСЛЕДНЕЕ ПО ТЕМЕ

    • «ՈՂՋ ԱՇԽԱՐՀԻ ՀԱՅԵՐԸ ԴԱՐՁԵԼ ԵՆ ԽԵԼԱԳԱՐԻ ԲՌՆԱՊԵՏՈՒԹՅԱՆ ՊԱՏԱՆԴԸ»
      2022-05-02 19:27

      Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։

    • ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ
      2022-03-31 17:36

      Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։

    • ԿԱՌԱՎԱՐՈՒԹՅՈՒՆԸ ՕԺԱՆԴԱԿՈՒՄ Է ԲՌՆԱԶԱՎԹՎԱԾ ՏԱՐԱԾՔՆԵՐԻ ԲՆԱԿՉՈՒԹՅԱՆ ԱՐՏԱԳԱՂԹԻՆ
      2022-03-16 18:14

      Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:

    • ՓԱՇԻՆՅԱՆՆ ՈՒԶՈՒՄ Է «ՓԱԿԵԼ» ԵՐԿՈՒՍԻՆ
      2022-02-22 21:00

      Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։