2020-09-24 19:44
Гаспар АДАМЯН
0
ՎԱՐՍԵՐՑԻ ՏԱՆԴԵՄՆ ԱՅԼԵՎՍ ԲԱՐԵՀԱՃՈՒԹՅՈՒՆ ՉԻ ՎԱՅԵԼՈՒՄ
Ո՞ւմ քաղաքական շահերն է սպասարկում ՍԴ դատավոր Գրիգորյանը
Գեղարքունիքի մարզում կա մի գեղեցիկ գյուղ՝ Վարսեր ռոմանտիկ անունով։ Տեղացիներն այդ անվանումը կապում են լեռնային մարգագետինների շատ բարձր խոտի հետ։
Ծնունդով Վարսերից են երկրին երկու սկանդալային կերպար նվիրած ընտանիքները. ՍԴ դատավոր Վահե Գրիգորյանին և Հատուկ քննչական ծառայության պետ Սասուն Խաչատրյանին։ Ընտանիքները մտերիմ էին միմյանց հետ, նրանց որդիները նույնպես ընկերություն են անում։ Այդ ընկերությանն է, ըստ լավատեղյակ աղբյուրների, երկիրը պարտական «Մարտի 1»-ի գործի քննության ներկայիս վիճակի համար։
Առանձնահատուկ պետք է նշել, որ Գրիգորյանը երկար տարիներ ընկերություն է արել ոչ միայն Խաչատրյանի, այլև Լևոն Տեր-Պետրոսյանի որդու հետ։ Վահեն տարիներ շարունակ ՀԱԿ առաջնորդի կողմնակիցն է և, դատելով ամենից, սպասարկում է նրա քաղաքական շահերը։ Ի պատասխան՝ Տեր-Պետրոսյանն ակտիվորեն լոբբինգավորում էր Գրիգորյանի նշանակումը ՍԴ նախագահի պաշտոնում։
Սա նշում ենք, քանզի ՍԴ անդամները չպետք է ունենան քաղաքական նախասիրություններ, և ՍԴ նախկին նախագահ Հրայր Թովմասյանին մեղսագրում էին ՀՀԿ-ի կողմնակից լինելը։ Իսկ ինչո՞ւ Գրիգորյանին ոչ ոք չի մեղադրում ՀԱԿ-ի հետ համագործակցելու մեջ։ Հիշեցնեմ, որ նա ՍԴ դատավորի պաշտոնում ընտրվեց օրենքի նորմի խախտումով (Գրիգորյանի թեկնածությունը խորհրդարանի հաստատմանը ներկայացվեց երկու անգամ), Գրիգորյանն ինքը խորհրդարանի ամբիոնից հռչակեց իրեն ՍԴ նախագահ՝ նախանշելով տարբերությունը ՍԴ անդամների և դատավորների միջև, ինչին հավանություն չտվեցին եվրոպական ազդեցիկ կառույցները։ Նրանք տեղեկացրեցին վարչապետին, որ ՍԴ դատավորն ու ՍԴ անդամը նույնական հասկացություններ են։
Ամիսներ շարունակ Գրիգորյանն աշխատավարձ է ստացել հարկատուների գրպանից՝ անտեսելով իր ծառայողական պարտականությունների կատարումը։ Նրա անունը հիշատակվում էր ՀՔԾ պետի հետ ԱԱԾ ղեկավարի սկանդալային հեռախոսազրույցի ժամանակ։ «Մարտի 1»-ի գործի վեսթերնիզացման արշալույսին հայտնի դարձավ, որ Գրիգորյանի անձն առանցքային դեր է խաղում այդ գործում։
Հենց Գրիգորյանն ու Խաչատրյանն են գծագրել և իրականացրել քննչական միջոցառումների սխեման։ Այս դուետն է հորինել սահմանադրական կարգը տապալելու մեղադրանքը, որը ներկայացվեց երկրորդ նախագահ Ռոբերտ Քոչարյանին և մի շարք նախկին բարձրաստիճան անձանց: Այսօր այդ մեղադրանքով դատավարության նկատմամբ հասարակայնության վստահությունը բացակայում է։ Դատարանի նիստերի դահլիճը լքելու և դատավարությանն իր ներկայությունը դադարեցնելու մտադրության մասին զոհվածների հարազատների հայտարարությունը բուռն արձագանք չառաջացրեց քաղաքականացված հանրության կողմից, իսկ երկրորդ նախագահի փաստաբանները ևս մեկ անգամ կրկնեցին, որ սահմանադրական կարգը տապալելու մեղադրանքը չի ենթադրում 10 մարդու սպանողների բացահայտում:
Հասարակությունը շատ ավելի կենտրոնացավ 30-ական միլիոն դրամի վրա, որ Փաշինյանը բաժանեց 2008թ.մարտի 1-ի զոհերի հարազատներին, անտեսելով զոհված զինվորների մայրերի խնդրանքը՝ իրավունքներով հավասարեցնելու իրենց որդիներին փողոցային անկարգությունների ընթացքում զոհված 10 մարդկանց։
Ո՞վ չէր ուզում, որ Կոստանյանն ու Հարությունյանը խոսեին
Գրիգորյան-Խաչատրյան դուետին է երկիրը պարտական նախկին գլխավոր դատախազ Գևորգ Կոստանյանի և վարձու մարդասպանի ձեռքով զոհված փոխոստիկանապետ Գևորգ Մհերյանի հասցեին մեղադրանքների համար։ Նրանց մեղադրեցին այն բանում, թե իբր ստիպել են ոստիկանության նախկին պետեր Հայկ Հարությունյանին և Ալիկ Սարգսյանին պաշտոնեական կեղծիք կատարել։ Կոստանյանը Մոսկվայից պատասխանեց, որ լինելով արդարադատության փոխնախարար՝ ինքը չէր կարող կարգադրություններ տալ երկու ոստիկանապետերին։ Սարգսյանը նույնպես ցուցմունք էր տվել, որ նման կարգադրություն ու հանձնարարություն չի եղել և չէր էլ կարող լինել։
Կոստանյանի խոսքերով, նման մեղադրանքներով իշխանությունը փորձում է քողարկել 10 մարդու սպանողներին բացահայտելու իր անկարողությունը: Նախկին գլխավոր դատախազը կարծում է, որ 10 մարդու սպանության գործը բացահայտել հնարավոր է, բայց իշխանությունն ի վիճակի չէ դա անել, ուստի գնաց ամենահեշտ ճանապարհով և մեղադրեց «Մարտի 1»-ի գործով քննչական խմբի նախկին ղեկավար Վահագն Հարությունյանին իրեղեն ապացույցները կեղծելու մեջ։ Հիշեցնեմ, որ իշխանափոխությունից հետո Փաշինյանը հայտարարություն հնչեցրեց այն մասին, թե «Մարտի 1»-ի գործն ամբողջությամբ բացահայտված է։ Կոստանյանը վրդովվեց, թե ինչպե՞ս կարելի է բացահայտել գործը՝ չնշելով 10 մարդու սպանողների անունները։ Նիկոլը պատասխանեց, թե հնարավոր չէ գտնել մարդասպաններին՝ իրեղեն ապացույցների կեղծված լինելու պատճառով, մասնավորապես ՝ պարկուճների. իբր՝ նախորդ իշխանությունն արել է ամեն ինչ, որպեսզի ճշմարտությունը ջրի երես չելնի։
Կոստանյանը հայտարարեց հայրենիք վերադառնալու պատրաստակամության մասին, եթե իր համար ապահովվի հրապարակայնությունը, համանման պատրաստակամություն հայտնեց նաև Հարությունյանը, սակայն իշխանությունը հրաժարվեց կատարել նրանց պայմանները, քանզի բացարձակապես շահագրգռված չէր, որ այդ արժեքավոր վկաները խոսեն գործի վերաբերյալ։ Ասեմ ավելին. Կոստանյանը հայտարարեց, որ եթե ՀՔԾ-ն ներկայացնի իրեղեն ապացույցների կեղծմանն իր առնչության թեկուզ մեկ ապացույց, ապա պատրաստ է ընդունել իրեն առաջադրված բոլոր մեղադրանքները, բայց այդպիսի ապացույց ՀՔԾ-ն չունի։ Կոստանյանի այդ հայտարարությանը հաջորդեց միայն ՀԱԿ-ի քաղաքական կողմնակիցների և անձամբ Գրիգորյանի ագրեսիվ արձագանքը։ Մնացածներին հետաքրքիր կլիներ իմանալ, թե հատկապես ինչի մասին էր ցանկանում պատմել նախկին գլխավոր դատախազը…
Մինչև հիմա անբացատրելի է մնում, թե ինչու ՀՔԾ-ն չհամաձայնեց Կոստանյանի և Հարությունյանի պայմաններին. չէ՞ որ Հայաստան վերադառնալու դեպքում նրանց կարելի էր մեղադրանք ներկայացնել ու կալանավորել։ Նրանք ախր այնքան էլ շատ բան չէին պահանջում. ընդամենը ցուցմունքների հրապարակայնություն ու թափանցիկություն։ Այստեղ ակամայից հանգում ես միայն մեկ եզրակացության. այդ մարդկանց որպես մեղադրանք ներկայացնելու ոչինչ չկար։ Եվ բացի այդ. Կոստանյանի և Հարությունյանի հրապարակային ցուցմունքները կարող էին լույս սփռել 2008-ի մարտի 1-ի զանգվածային անկարգությունների հրահրմանը Տեր-Պետրոսյանի և Փաշինյանի առնչության վրա, և այդժամ հասարակայնությունը կարող էր իմանալ 10 մարդու մահվան նոր մանրամասներ։ Գրիգորյան-Խաչատրյան տանդեմին դա պետք չէր։
Նիկոլի ու Տեր-Պետրոսյանի արանքով սև կատու է անցել
Տանդեմին ձեռնտու է, որ մարդիկ, որոնք տեղյակ են դեռևս նախկին իշխանության օրոք մարտի 1-ի դեպքերի հետաքննության մանրամասներին, չվերադառնան երկիր։ Քանզի այդ դեպքում նրանց կարելի է վերագրել գործը բացահայտելու և մարդասպաններին պարզելու ՀՔԾ անկարողությունը։ Հայտնի է, որ 10 մարդուց ոչ բոլորն են զոհվել հրազենից, ոմանք մահացել են պայթյունից, «Չերյոմուխա» գազից…
ՀՔԾ-ն բավական վաղուց գիտեր Հարությունյանի գտնվելու վայրի և Մոսկվա մեկնելու պատճառների մասին։ ՀՔԾ-ին հայտնի էին բնակարանի հասցեն և բժշկական կենտրոնը, որտեղ բուժվում էր «Մարտի 1»-ի գործով քննչական խմբի նախկին պետը: ՀՔԾ-ին այսօր էլ հայտնի է մոսկովյան բարձրագույն ուսումնական հաստատությունը, որտեղ դասավանդում է նախկին գլխավոր դատախազ Կոստանյանը, բայց Հայաստանում երկուսն էլ՝ Հարությունյանն ու Կոստանյանը, հետախուզման մեջ են։ Այլ կերպ ասած՝ քննությունը փնտրում է մարդկանց, որոնց հասցեները հայտնի են։
Հիշեցնեմ, որ «Մարտի 1»-ի գործի բացահայտումը եղել և մնում է Նիկոլի առանցքային խոստումը։ Նրան դադարել են հավատալ այն պահից ի վեր, երբ Ռոբերտ Քոչարյանին և մի խումբ անձանց մեղադրանք ներկայացվեց սահմանադրական կարգի տապալման հոդվածով։ Ենթադրյալ հանցանքի կատարման պահին ՀՀ օրենսդրության մեջ նման հոդված չի եղել։ Այս ամենի մասին գրվել է բազմիցս, իսկ հիշեցրեցինք Գրիգորյան-Խաչատրյան տանդեմի մասին այն պատճառով, որ վերջերս Փաշինյանի և ՀԱԿ առաջնորդի արանքով սև կատու է անցել։ Դա տեղի էր ունեցել նախքան այն պահը, երբ ՀԱԿ առաջնորդը իր առանձնատուն հրավիրեց ՌԴ դեսպան Սերգեյ Կոպիրկինին և սկսեց համոզել նրան, թե համամիտ չէ Ռուսաստանի նկատմամբ Փաշինյանի քաղաքականությանը։
Փաշինյանի շրջապատում արդեն սկսել են խոսել այն մասին, որ Գրիգորյանի և Խաչատրյանի մեղքով Քոչարյանի գործով դատավարության շուրջ իրավիճակը փոխվել է։ Սեպտեմբերի 22-ին Քոչարյանը տեղեկացրեց իր կողմնակիցներին, որ դատարանը զբաղված է առօրեական աշխատանքով։ Զոհվածների հարազատները փորձեցին սկանդալ բորբոքել դատարանի նիստերին այլևս ներկա չլինելու որոշման շուրջ: Դա տեղի ունեցավ փաստաբաններ Տիգրան Եգորյանի և Սեդա Սաֆարյանի ազդեցությամբ, որոնք սերտորեն կապված են Գրիգորյանի և ՀԱԿ առաջնորդի շրջապատի հետ։ Չի բացառվում, որ զոհերի հարազատներին դատական նիստերի դահլիճից հեռացնելու հրահանգը բխել է Տեր-Պետրոսյանից…
Հիշեցնեմ, որ Սահմանադրական դատարանում ճգնաժամի գլխավոր նախաձեռնողը նույնպես Գրիգորյանն էր։ Բավական է մտաբերել Փաշինյանին հասցեագրված հայտնի նամակը՝ ՍԴ-ում տիրող իբր ողբալի իրավիճակի մասին։ Այսօր ՍԴ-ում իրավիճակն իսկապես ողբալի է։ Դեռևս հստակություն չկա, թե կմիաձուլվեն արդյոք ՍԴ-ն ու Վճռաբեկ դատարանը միասնական Գերագույն դատարանի, երկրորդ նախագահի գործով դատավարության նկատմամբ հետաքրքրությունը նվազագույն է, «Մարտի 1»-ի գործի քննության նկատմամբ հասարակության մեջ առկա է համատարած անվստահություն։ Նիկոլը դարձել էր Գրիգորյան-Խաչատրյան տանդեմի պատանդը, սակայն հիմա նրա ձեռքերն ազատ են…
Հիշեցնեմ, որ Գրիգորյանին սատարում են ՀԱԿ-ն ու Տեր-Պետրոսյանը, իսկ Խաչատրյանի թիկունքում կանգնած է սորոսական գվարդիան. չէ՞ որ ՀՔԾ-ի պետի եղբայր Դավիթը երկար տարիներ եղել է Բաց հասարակության հիմնադրամի առաջին դեմքերից մեկը։ Գրիգորյանի հասցեին Փաշինյանի վերջին արտահայտությունները կասկած չեն թողնում, որ վարսերցի տանդեմն այլևս բարեհաճություն չի վայելում։
ПОСЛЕДНИЕ ОТ АВТОРА
-
2024-04-25 11:24Лидер Европейской партии Тигран Хзмалян на днях сообщил, что последний раз лидеры неформальной внепарламентской коалиции встречались с Пашиняном в сентябре прошлого года. В кулуарах власти активно циркулируют слухи о том, что партии - бывшие члены неформального альянса больше не просят лидера правящего режима о встречах… Ранее эти встречи имели место на регулярной основе, лидеры карликовых сил выступали с предложениями, задавали Пашиняну вопросы. Сегодня эти деятели предпочитают дистанцироваться от персоны главаря режима и даже выступают с публичной критикой в адрес властей.
-
2024-04-25 10:30Спектакль с ревизией построенных и отремонтированных школ Пашинян недавно повторил в Лори, где снова дергал перед телекамерами крючки для вешалок, пробовал на прочность ворота на футбольном поле, давал ценные советы учителям по организации учебного процесса.
-
2024-04-24 10:02"Пашинян провалил все программы, с которыми ГД пришла к власти в 2021 г., а потому после подписания соглашения о мире с Алиевым он обязан подать в отставку и провести досрочные выборы в парламент", - заявил зампредседателя АНК Левон ЗУРАБЯН. По его словам, человек в кресле премьер-министра утратил контроль над текущими процессами, включая тот, который призван привести к миру между Арменией и Азербайджаном.
-
2024-04-23 11:14Создание новой политической силы (сначала движения, потом партии) под руководством бывшего министра обороны генерала Аршака Карапетяна вызвало столь затяжную истерию агитпропа власти, что нет ничего удивительного в том, что он не приехал на съезд собственной партии, а приветствовал его участников по видеосвязи. Сознавая, что сама по себе фигура экс-министра не выглядит устрашающей (ему приписали заглавную роль в так называемой 5-й колонне РФ), к Карапетяну приблизили персону экс-руководителя Службы судебных приставов генерала Миграна Погосяна ("Кетрони Мигран"), который давно уже объявлен в розыск и находится в бегах.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։