Քաղաքագետ. Երկու և կես տարի է` մեր երկիրը կառավարում է դավաճանական բնույթի նոր ռեժիմը

Հայաստանի ղեկավարն արդեն սեփական շուրթերով անուղղակիորեն, բայց բացահայտ հաստատում է, որ Ադրբեջանն իր վրա կոմպրոմատ ունի և սպառնում պատասխան կոմպրոմատներով, Facebook-ում գրել է քաղաքագետ Հայկ մարտիրոսյանը՝ անդրադառնալով Նիկոլ Փաշինյանի ելույթին։

«Դժվար, թե դրանք իր մոտ առկա են, իսկ այն, որ ընդունում է Ադրբեջանի մոտ եղածների հանգամանքը և ուղղակիորեն թշնամի երկրին կոչ անում դրանք չհրապարակել` հաստատում է երկու օր առաջ իմ արած պնդումը, որն, իհարկե, մեր հասարակության այն սպեցիֆիկ մտահորիզոն ունեցող զանգվածի կողմից դարձյալ թշնամաբար ընդունվեց:

Հիմա իրենց մարդ-աստվածն է այդ փաստն ընդունում և դա իմ այն կանխատեսումն էր, որի չիրականանալու անկեղծ և ծածուկ հույսեր ես ունեի:

Հ.Գ. Հետաքրքիր է, որ տերպետրոսյանական դավաճանական պլանի շուրջ իրենց հետ գաղտնի բանակցելու մասին Ադրբեջանի հայտարարությանն արձագանքեց միայն այդ հայտարարության երկրորդ գլխավոր դերակատարը` Արսեն Խառատյանը: Առավել հետաքրքիր է, որ Խառատյանն ազնվորեն հայտարարեց, որ իր պաշտոնավարման օրոք ոչ մի բան չի բանակցել ադրբեջանցիների հետ: Բայց ադրբեջանցիները պնդում էին, որ Փաշինյանը նրան բանակցելու է ուղարկել պաշտոնը թողնելուց հետո միայն: Այդպիսով, Խառատյանը խելացի հնարք կատարելով` հերքում է` խոսելով միայն իր պաշտոնավարման շրջանի մասին ու դրանով, փաստորեն, առավել հաստատում ադրբեջանական կողմի հայտարարության ցավալի փաստականությունը:

Երկու և կես տարի է` մեր երկիրը կառավարում է, ըստ էության` դավաճանական բնույթի նոր ռեժիմը: Իսկ մենք դեռ քնած ենք ու քնած ...», - գրել է քաղաքագետը, տեղեկացնում է Aysor.am-ը: