Կայացել է ԵՏՀ նախարարների և հայ գործարարների հանդիպումը

Եվրասիական տնտեսական հանձնաժողովը հաղորդագրություն է տարածել՝ ԵՏՀ նախարարների և հայ գործարարների հետ հանդիպումից, տեղեկացնում է Panorama.am-ը:

Հաղորդագրության մեջ ասվում է.

«Եվրասիական տնտեսական հանձնաժողովի (ԵՏՀ) նախարարներ Անդրեյ Սլեպնևը, Տիմուր Շակսիլիկովը, Արտակ Քամալյանը, Գեղամ Վարդանյանը և Վիկտոր Նազարենկոն, ինչպես նաև ՀՀ էկոնոմիկայի նախարարի տեղակալ Վարոս Սիմոնյանը հոկտեմբերի 8-ին Հայաստանի էկոնոմիկայի նախարարությունում հանդիպել են հայ գործարար համայնքի ներկայացուցիչների հետ:

ԵՏՀ-ի և Հայաստանի էկոնոմիկայի նախարարության ներկայացուցիչները գործարարների հետ քննարկել են Եվրասիական տնտեսական միության (ԵԱՏՄ) գործունեության արդի խնդիրները, Միության ներսում կարգավորող միջավայրի բարելավման, ապրանքների, ծառայությունների, կապիտալի և աշխատուժի տեղաշարժի ազատության ապահովման, միության ներսում ընդհանուր շուկաների գործունեության խոչընդոտները հայտնաբերման և վերացմանը վերաբերող հարցեր:

Հանդիպման մասնակիցները առաջին հերթին բարձրացրել են ԵԱՏՄ շրջանակներում ուղևորափոխադրումները վերսկսելու անհրաժեշտության հարցը: Հանձնաժողովի ներկայացուցիչները հայտնեցին, որ այդ թեման վաղը կքննարկվի Միության երկրների կառավարությունների ղեկավարների կողմից:

Գործարարները մտահոգություն են հայտնել ապրանքների, առաջին հերթին դեղերի թվային պիտակավորման կապակցությամբ: Ինչպես նշել է ԵՏՀ Առևտրի նախարար Անդրեյ Սլեպնևը, Միության երկրներն իրավունք ունեն որոշում կայացնել մակնշման վերաբերյալ՝ անպայման նախատեսելով անցումային շրջան` բիզնեսը նոր պայմաններին հարմարեցնելու համար:

Հանդիպմանը լայնորեն քննարկվել է անդրսահմանային էլեկտրոնային առևտրի հարցը: Գործարար համայնքը տեղեկացվել է այս ոլորտը կարգավորելու հեռանկարների մասին: ԵՏՀ տեխնիկական կարգավորման նախարար Վիկտոր Նազարենկոն ուշադրություն հրավիրեց այս խնդրի այնպիսի կողմի վրա, ինչպիսին է արտադրանքի անվտանգությունը: Առաքված ապրանքները չեն անցնում համապատասխանության գնահատման անհրաժեշտ ընթացակարգեր, և, ըստ էության, ոչ ոք չի կարող երաշխավորել դրանց որակը և անվտանգությունը:

Հայ ձեռներեցները բարձրացրել են նաև ալկոհոլային արտադրանքի անվտանգության տեխնիկական կանոնակարգի ուժի մեջ մտնելու և ծխախոտի արտադրանքի տեխնիկական կանոնակարգերի մշակման հետաձգման հավանականության հարցը: Ուշադրության կենտրոնում էին նաև Միության ներքին շուկայում խոչընդոտները վերացնելու, ընդհանուր ֆինանսական շուկա ձևավորելու, արդյունաբերության և ագրոարդյունաբերական ոլորտում համատեղ նախագծեր իրականացնելու խնդիրները:

ՀՀ էկոնոմիկայի փոխնախարի տեղակալ Վարոս Սիմոնյանը շեշտել է, որ չնայած չորս «ազատությունների» սկզբունքին, Միության պետությունները հաճախ խոչընդոտներ են ստեղծում ներքին շուկայում: Ապրանքներին և բեռներին հետևելու արդյունավետ համակարգի ներդրումը թույլ կտա վերացնել արգելքները և չստեղծել նորեր»։