Ինչ մեխանիզմով են ահաբեկչական խմբերը հասնում Արցախ
Մուհհռաբ Մուհամմադ Ալ Շխերին հայտնել է, որ իրենց հրաման է եղել հարձակվել Արցախի կոնկրետ հայկական գյուղի վրա, գրավել դրանք, սպանել գյուղում գտնվող բոլոր բնակիչներին, քաղաքացիական և զինվորական անձանց, իրականացնել հրկիզումներ, պայթեցումներ և ապակայունացնել տարածաշրջանը:
ՀՀ գլխավոր դատախազությունը նոր մանրամասներ է հրապարակել Արցախի պաշտպանության բանակի կողմից հայտնաբերված սիրիացի ահաբեկիչ 1975թ. ծնված Մուհհռաբ Մուհամմադ Ալ Շխերին առաջադրված մեղադրանքից։
Ըստ մեղադրանքի` նյութական հատուցում ստանալու դիմաց վերջինը հավաքագրվել է Սիրիայում և Թուրքիայի տարածքով տեղափոխվել Ադրբեջան` այդ երկրի զինված ուժերի կազմում ռազմական գործողություններին մասնակցելու, Արցախի Հանրապետության խաղաղ բնակչության դեմ նախապատրաստված հանցագործությանը մասնակցելու համար։
Նախաքննության ընթացքում բացահայտվել է նաև վարձկան գրոհայինների հավաքագրման մեխանիզմը։ Տվյալ դեպքում դա իրականացվել է Սիրիայում «Աբու Հուսեյն 23» անունով անձի միջոցով՝ նյութական հատուցում (2000 ԱՄՆ դոլարին համարժեք թուրքական լիրա) ստանալու դիմաց:
Վարձկանները կենտրոնացվում են կոնկրետ ճամբարներում, տվյալ դեպքում՝ Քիլիս քաղաքի հարակից տարածքում, որտեղ հավաքագրվածներից կատարվում է ռազմական գործողությունների կատարմանն ունակ անձանց ընտրությունը:
Գերեվարված ահաբեկիչը ներառվել է «Ալ Ամշաթ» խմբավորման մեջ, որի ղեկավար Աբու Համշայի համակարգմամբ ընտրված անձինք` խմբերով, առանց անձը հաստատող փաստաթղթերի, Թուրքիայի սահմանապահ ուժերի գիտությամբ և թույլտվությամբ, տեղափոխվել են Թուրքիայի տարածք, Թուրքիայի քաղաքացիական օդանավակայաններ, որտեղ ոստիկանների թույլտվությամբ առանց որևէ խոչընդոտի հատել են հսկվող անցակետերը, նստել քաղաքացիական ինքնաթիռներ և Թուրքիայի զինված ուժերի զինվորականների ուղեկցությամբ քաղաքացիական ինքնաթիռներով տեղափոխվել Ադրբեջան:
Ադրբեջանում ևս զինված ուժերի ուղեկցությամբ, առանց անձնագրերը ստուգելու, օդանավակայանից տեղափոխվել են Ադրբեջանի՝ հատուկ նման խմբավորումների տեղակայման համար նախատեսված ռազմական օբյեկտներ։
Այստեղ նրանց տվել են Ադրբեջանի զինված ուժերի տարբերանշանով համազգեստ և զենքեր։ Այսինքն` ահաբեկչական խմբավորումների անդամներին, վարձկաններին դարձրել են Ադրբեջանի զինված ուժերի բաղկացուցիչներ՝ նրանցից ձևավորելով ստորաբաժանումներ:
Մուհհռաբ Մուհամմադ Ալ Շխերիի դեպքում այդ ստորաբաժանումը կազմված է եղել 250 հոգուց, ղեկավարել է «Սուլթան Մուրադ» խմբավորման ղեկավար կամ անդամ Աբու Համշան: Նրանք տեղակայվել են առանձին ռազմական օբյեկտում, որտեղ արդեն իսկ տեղակայված են եղել նույն խմբավորման 18 անդամներ:
Հոկտեմբերի 29-ի վաղ առավոտյան 250 անդամներից կազմված «Սուլթան Մուրադ» խմբավորումն Ադրբեջանի զինված ուժերի զինծառայողների ուղեկցությամբ հարձակում եմ գործել Արցախի Հանրապետության տարածքում գտնվող գյուղերից մեկի ուղղությամբ:
«Ահաբեկչական խմբավորման անդամներից, վարձկաններից ձևավորված և Ադրբեջանական բանակի մաս դարձված այդ ստորաբաժանումները ըստ ստացած հանձնարարության ուղղակիորեն ներգրավվում են Արցախի հանրապետության դեմ ռազմական գործողությունների մեջ»,– եզրահանգում է անում ՀՀ գլխավոր դատախազությունը։
Ընդ որում, այսօրինակ խմբավորումներին հրաման է տրվում ոչ միայն մասնակցելու Արցախի պաշտպանության բանակի դեմ ռազմական գործողություններին, այլև իրականացնելու ահաբեկչական բնույթի, մարդկության դեմ ուղղված ռազմական հանցագործություններ:
Մուհհռաբ Մուհամմադ Ալ Շխերին իր ցուցմունքում հայտնել է, որ իրենց տրված է եղել հրաման հարձակվել Արցախի կոնկրետ հայկական գյուղի վրա, գրավել այն, սպանել գյուղում գտնվող բոլոր բնակիչներին, քաղաքացիական և զինվորական անձանց, իրականացնել հրկիզումներ, պայթեցումներ և ապակայունացնել տարածաշրջանը:
Այս հրամանն իրականացնել տվյալ դեպքում չի հաջողվել միայն այն պատճառով, որ խմբավորումը հանդիպել է Արցախի պաշտպանության բանակի դիմադրությանը և ստիպված եղել նահանջել, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
2024-03-29 14:25
Турецкие амбиции продолжают представлять угрозу для России, и все возможные риски и сценарии российским руководством учитываются. Об этом заявил российский политолог Максим Васьков на конференции в Ереване, организованной Аналитическим центром стратегических исследований и инициатив.
-
2024-03-29 14:21
Порог беспошлинных онлайн-покупок в Армении с 1 апреля снизится более чем вдвое, до уровня ЕАЭС. Об этом напоминает пресс-служба Комитета госдоходов республики.
-
2024-03-29 14:16
Следственный комитет Армении проводит одновременные обыски примерно по четырем десяткам адресов, расследуя дело о нападении на отделение полиции в ереванском районе Нор Норк. Об этом сообщил Sputnik Армения пресс-секретарь СК Гор Абрамян.
-
2024-03-29 14:13
Политика Азербайджана нацелена на то, чтобы получить побольше пленных. Об этом заявила юрист, представитель РА в ЕСПЧ Сирануш Саакян в ходе обсуждения в Американском университете Армении, подчеркнув, что Баку использует вопрос в политических целях.