Երևանի ավագանու ընտրություններից առաջ և անցած տարի Երևանի քաղաքապետի պաշտոնանկությունից հետո Հայաստանի իշխող «Քաղաքացիական պայմանագիր» կուսակցությունը 2022 թվականի սեպտեմբերին Երևանի փոխքաղաքապետի պաշտոնում նշանակեց ՀՀ նախկին փոխվարչապետ Տիգրան Ավինյանին։ Ավելի ուշ Ավինյանը դարձավ Հայաստանի մայրաքաղաքի փաստացի քաղաքապետ՝ 2023 թվականի մարտին քաղաքապետի հրաժարականից հետո՝ մինչև 2023 թվականի սեպտեմբերին քաղաքապետի պաշտոնում նրա պաշտոնապես ընտրվելը։ Այս մասին «Freedom House» իրավապաշտպան կազմակերպությունը նշել է իր «Nations in Transit 2024» տարեկան զեկույցում։

Կրթության և գիտության ոլորտում վերահսկողության դաշնային ծառայությունը (Ռոսոբրնադզոր) չի բացառում միգրանտների համար քննությունների բալային համակարգի փոփոխությունը և քննության մեջ բանավոր խոսքի ստուգման ներառումը։ Տեղեկությունը, հղում անելով գերատեսչության մամուլի ծառայությունը, հայտնել է ՌԲԿ-ն:

Ուկրաինային լրացուցիչ ֆինանսավորման օրինագիծը, որը ներկայացրել է ԱՄՆ Ներկայացուցիչների պալատի խոսնակ Մայք Ջոնսոնը, առաջարկում է Ուկրաինային հատկացնել 60,84 միլիարդ դոլար՝ Ռուսաստանի ագրեսիային հակազդելու գործում նրան աջակցելու համար, այդ թվում՝ 23,2 միլիարդ դոլար՝ ամերիկյան զենքի պաշարները համալրելու համար:

Արդեն հաջորդ շաբաթվանից համայնքների ներկայացուցիչները ներգրավված կլինեն աշխատանքային խմբում: Այս մասին ասել է ՀՀ վարչապետ Նիկոլ Փաշինյանը Տավուշի Կիրանց համայնքում գյուղացիների հետ հանդիպմանը։

ՀՀ վարչապետ Նիկոլ Փաշինյանի կարծիքով՝ վերջին 30 տարում մենք տարածաշրջանում ապրել ենք «բեսպրեդելի» պայմաններում, ու եկել է ժամանակն այն ավարտելու, օրենքի գերակայություն հաստատելու ոչ միայն մեր երկրում, այլև տարածաշրջանում։ Այդ մասին նա հայտարարել է երեկ Տավուշի մարզի Կիրանց գյուղում՝ բնակիչների հետ հանդիպման ժամանակ։

«Բարեբախտաբար, հունվարին ԵԽԽՎ-ում ադրբեջանական պատվիրակությանը մերժեցին հաստատել իրենց լիազորությունները, ինչը Լեռնային Ղարաբաղում էթնիկ զտումների ուղղակի հետևանք էր»,- Alpha News-ին ասել է Լեռնային Ղարաբաղի վերաբերյալ մի շարք բանաձևերի հեղինակ, Իռլանդիայից Եվրախորհրդի խորհրդարանական վեհաժողովի (ԵԽԽՎ) անդամ սենատոր Փոլ Գավան:

2023 թվականին Ռուսաստան կոնյակի հիմնական մատակարարներն են եղել Հայաստանն ու Վրաստանը։ Դրա մասին հայտարարել է ՌԴ ալկոհոլային և ծխախոտային շուկայի վերահսկման ծառայության ղեկավար Իգոր Ալյոշինը: Ըստ Интерфакс-ի՝ նա նշել է, որ կոնյակի ներմուծման մեջ Հայաստանի մասնաբաժինը կազմել է 61,7%, իսկ Վրաստանինը՝ 22,5%։

ՔՊ-ական պատգամավոր Հակոբ Ասլանյանին վիրավորելու համար ձերբակալված Սամվել Վարդանյանի նկատմամբ Երևանի ընդհանուր իրավասության քրեական դատարանը դատավոր Ժորա Չիչոյանի նախագահությամբ որոշեց կիրառել տնային կալանք ու 7 մլն դրամ գրավ խափանման միջոցները։

Եվրամիության արտաքին գործերի և անվտանգության քաղաքականության հարցերով բարձր հանձնակատար Ժոզեպ Բորելը Ուզբեկստանում ԵՄ դեսպանի պաշտոնում առաջադրել է Հարավային Կովկասում և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարի թեկնածությունը։ Դրա մասին հայտնել է Եվրոպական արտաքին կապերի ծառայությունը (EEAS):