Երեկ ինձ թվում էր, որ իշխանությունն իր հրոսակախմբերին է կազմակերպված ուղարկելու, բայց ես ենթադրում եմ, որ մեր ներկայությունը զսպող դեր ունեցավ և իրենք հասկացան, որ հրոսակախմբերով Վեհարան գրավելու իրենց փորձը հաջողություն չի ունենալու, ուստի այսօր տեսնում եք, որ այստեղ հարյուրավոր, եթե ոչ հազարից ավելի ոստիկանական ուժ է կենտրոնացած։ Այս մասին այսօր՝ հունիսի 27–ին, Մայր Աթոռի դիմաց NEWS.am–ի հետ զրույցում նշեց «Հայաքվե» ազգային–քաղաքացիական միավորման հիմնադիրներից Ավետիք Չալաբյանը։

ԱԱԾ–ականներից մի քանիսը պահակակետի Մայր աթոռ Սուրբ Էջմիածնի պատուհանից մտան վեհարանի տարածք։  

Ես կարծում եմ միայն թուրքն էր ուզում ինձ ձերբակալել, եթե այստեղ ինձ պետք է ձերբակալեն, ուրեմն իրենք էլ են թուրք։ Այս մասին այսօր՝ հունիսի 27–ին, Մայր Աթոռում լրագրողների հետ զրույցում ասաց Դադիվանք վանական համալիրի նախկին վանահայր Տեր Հովհաննես քահանա Հովհաննիսյանը։

Շիրակի թեմի առաջնորդ Միքայել արքեպիսկոպոս Աջապահյանը չգնաց ԱԱԾ–ի հետ։ Նա ամենայն հայոց կաթողիկոս Գարեգին Երկրորդի հետ վերադարձավ վեհարան։ Մայր աթոռի վեհարանի մոտ գերլարված իրավիճակ է։  

Քիչ առաջ Մայր Աթոռի զանգերը ղողանջեցին։  

Հոգևորականներն իրեն հետագա գործողությունները կքննարկեն Վեհարանում։ Մայր աթոռ Սուրբ Էջմիածնում այդ մասին հայտարարեց Ամենայն հայոց կաթողիկոս Գարեգին Երկրորդը։

Շիրակի թեմի առաջնորդ Միքայել արքեպիսկոպոս Աջապահյանը պատրաստվում է գնալ իրավապահների հետ։ Նա այդ մասին հայտարարեց Մայր աթոռ Սուրբ Էջմիածնի բակում։

ՀՀ իշխանությունը մեր երկիրը դարձրել է գեոպոլիտիկ պայքարի կենտրոն։ Այս հայտարարությունն արել է կալանավորված գործարար Սամվել Կարապետյանը։ Նրա հերթական ուղերձը հրապարակվել է փաստաբանների միջոցով։

Սիրելիներ, Հայաստանի ողջ հոգևոր դասը պատրաստ է կալանավորվելու. բոլորս Մայր Աթոռում ենք, ֆեյսբուքյան իր էջում գրել է Մայր Աթոռ Սուրբ Էջմիածնի Արխիվի և Թանգարանների տնօրեն Ասողիկ աբեղա Կարապետյանը։