Հայկական Արցախի հարցը կարող է կրկին օրակարգ վերադառնալ Քաղաքագետ Բենիամին Մաթևոսյանն Alpha News-ի եթերում «Վերնագիր» հեղինակային հաղորդման ընթացքում ներկայացրել է թեմայի շուրջ մասնագիտական վերլուծություն, որում մասնավորապես ասվում է.  

Վերջերս տարածված տեղեկություններն այն մասին, թե ԱԱԾ-ն բացահայտել է 2021թ. ապրիլին Սյունիքում տեղի ունեցած հայտնի իրադարձությունների հրահրողին և կազմակերպչին, հասարակական շոշափելի արձագանք չհարուցեցին, մինչդեռ ակնհայտ է, որ ուշացած «բացահայտման» մասին տեղեկություններն ի հայտ եկան բնավ ոչ պատահականորեն։ Եվ այսպես, 2021 թվականի ապրիլին Փաշինյանը մեկնեց Սյունիք, որտեղ բախվեց հայտնի «սյունյաց ողջույնին», այլ կերպ ասած՝ 44-օրյա պատերազմից, 5 հազար զոհ տալուց և Արցախի Հանրապետության տարածքի 75 տոկոսը հանձնելուց հետո իշխող վերնաշերտի պարագլխին դիմավորեցին, մեղմ ասած, առանց խանդավառության։ «Նիկոլ՝ դավաճա՛ն» կարգախոսով ցույցերը Մեղրիում ու Ագարակում կազմակերպված չէին թվում, ամենայն հավանականությամբ՝ խոսքը տարերային զանգվածային ակցիաների մասին էր, սակայն Փաշինյանը հրամայեց բացահայտել հրահրողներին, և 4 տարի անց «հրահրողին» հայտնաբերեցին։

Արցախի նախկին պետնախարար Ռուբեն Վարդանյանը դադարեցնում է հացադուլը։ Նա ընտանիքի հետ հեռախոսազրույցի ընթացքում երկու ձայնային ուղերձ է փոխանցել. մեկը հրապարակվում է այսօր, մյուսը խնդրել է հրապարակել կիրակի: Նա նաև հայտնել է, որ հաջորդ անգամ կխոսի միայն դատական եզրափակիչ նիստում, բայց միայն այն դեպքում, եթե այնտեղ լինեն միջազգային ներկայացուցիչներ: Այսօրվա ձայնային ուղերձում նա մասնավորապես նշում է, որ իր հացադուլը ոչ միայն բողոքի, այլև անարդար դատավարության և ընդհանուր իրավիճակի վրա ուշադրության հրավիրելու միջոց էր:  

Մայր Աթոռի հոգևոր խորհրդի կարևոր հայտարարությունը, տասնյակ հազարավոր մեր հայրենակիցների՝ անարդարությունից ճչացող, բայց անելիքը հստակ չիմացող ձայնը, և հարյուր հազարների սպասումը այսօրվա ԵԽ քվեարկությունից ինձ ստիպում են պարզ ասել. եթե չստեղծենք աշխատանքի լուրջ մեքենա, այդ ջանքերը ոչ մի օգուտ չեն տալու։

2018թ-ից առ այսօր, շարունակվում է Հանրապետական կուսակցության դեմ իրականացվող քաղաքական հետապնդումների արշավը: Մարդիկ դատարաններում, կամ իրավապահ համակարգի թիրախում են հայտնվում հիմնականում այն բանի համար, որ շարունակում են իրենց պայքարը Հանրապետականի շարքերում՝ լինելով կուսակցության անդամ կամ համակիր:

Այն, ինչ տեղի է ունենում Սիրիայում վերջին մի քանի օրերին, հերթական անգամ ցնցեց աշխարհը։ Սպանված խաղաղ բնակիչների, այդ թվում՝ կանանց ու երեխաների դիակների սարսափելի տեսագրությունները, «ընդդիմության դեմ պայքարի» պատրվակով զանգվածային մահապատիժների մասին հաղորդագրությունները, անպաշտպան մարդկանց նվաստացման ու ծանակման տեսարանները կրկին հանգեցրին կրոնական փոքրամասնությունների, այդ թվում՝ քրիստոնյաների սպանությունները դադարեցնելու պահանջով տարատեսակ հայտարարությունների և կոչերի անօգուտ ու ակնհայտորեն ուշացած տարափի:

Տարբեր բաղադրությամբ կաթնամթերքն առանձին դարակներում դնելը ճիշտ է. սպառողը պետք է հստակ իմանա, թե ինչ է գնում։ Sputnik Արմենիայի հետ զրույցում այս մասին ասաց Կաթնամթերք արտադրողների միության նախագահ Խաչատուր Պողոսյանը։

«Չցուցահանդես»՝ նկարիչների ու արտադրողների, «չհամերգ» երաժիշտների համար: Այսպես է Արման Նուռը կարճ ներկայացնում փետրվարին Արաբական Միացյալ Էմիրությունների Ռաս Ալ-Խայմայում կայացած «Made by Armenians» ցուցահանդեսը, որտեղ Հայաստանը ներկայանալու լավ հնարավորույթուն ուներ, սակայն, նրա խոսքով, հակառակն արեց` խայտառակ եղավ։

Հայկական կոնյակի հիմնական շուկան ԵԱՏՄ–ն է, ուր արտահանվում է ՀՀ–ում արտադրված կոնյակի 93 տոկոսը, իսկ մնացած 7 տոկոսը սպառվում է Հայաստանում ու աշխարհի այլ երկրներում։ Sputnik Արմենիայի հետ զրույցում այս մասին ասաց Խաղողագործների միության նախագահ Արտակ Սարգսյանը` անդրադառնալով ՀՀ իշխանությունների նախաձեռնությանը` հայկական կոնյակն անվանափոխել Armenian brandy–ով։

Տասներորդ տարին անընդմեջ Ամերիաբանկը ճանաչվում է լավագույն ներդրումային բանկը Հայաստանում՝ ըստ Global Finance ամսագրի: Մրցանակաբաշխության հաղթողները գնահատվել և ընտրվել են ամսագրի խմբագրական թիմի և ոլորտի փորձագետների կողմից մի շարք չափանիշների հիման վրա, այդ թվում` բանկային հավելվածները, մասնաբաժինը շուկայում, գործարքների թիվը և ծավալը, սպասարկման որակը, շուկայի իրավիճակին արձագանքելու կարողությունը, նորարարությունը, գնային քաղաքականությունը, տեղաբաշխված արժեթղթերի շարժը երկրորդային շուկայում, ինչպես նաև համբավը շուկայում:

Ռուս–ուկրաինական կոնֆլիկտի հանգուցալուծման ուղղված քայլերը որոշակի մարտահրավերներ են պարունակում ՀՀ տնտեսության համար։ Sputnik Արմենիայի հետ զրույցում այս տեսակետը հայտնեց Tvyal.com վերլուծական հարթակի ղեկավար Աղասի Թավադյանը` մեկնաբանելով կոնֆլիկտի` ՀՀ տնտեսության վրա 2022-24թթ–ին ունեցած ազդեցությունն ու դրա հնարավոր փոփոխությունը։

Հայաստանի պետական պարտքի չափը կազմում է 12 մլրդ դոլար, իսկ տոկոսների վճարման առումով երկրի ֆինանսական բեռը վերջին տարիներին աճել է 10 անգամ։ Այս մասին հայտարարեց Հայաստանի նախկին վարչապետ Հրանտ Բագրատյանը՝ Դեմոկրատական կուսակցության կազմակերպելիք հանրահավաքին նվիրված մամուլի ասուլիսի ժամանակ։