Մեհդի ՍՈԲՀԱՆԻ․ ՊԵՏՔ Է ՀՈՒՅՍԸ ԴՆԵՍ ՄԻԱՅՆ ՔԵԶ ՎՐԱ ԵՎ ՊԱՇՏՊԱՆԵՍ ՔՈ ԱՆՎՏԱՆԳՈՒԹՅՈՒՆԸ
Միջազգային համակարգի անգլուխ աշխարհում, որտեղ միջազգային կազմակերպությունները անտեսում են մյուս անդամների իրավունքները, իսկ իշխանության մեջ գտնվողները աչք են փակում, պետք է հույսը դնել միայն քեզ վրա և պաշտպանել սեփական շահերն ու անվտանգությունը։ Այս մասին ապրիլի 16-ին լրագրողների հետ հանդիպման ժամանակ հայտարարեց Հայաստանում Իրանի արտակարգ և լիազոր դեսպան Մեհդի Սոբհանին։
«Վերջին մի քանի ամիսների ընթացքում Սիոնիստական ռեժիմը բազմիցս ահաբեկչական հարձակումներ է իրականացրել Սիրիայում իրանական դիրքերի և իրանցի մի շարք ռազմական խորհրդատուների դեմ։
Մենք բազմիցս զսպվածություն ենք ցուցաբերել, քանի որ չենք ձգտում մեծացնել լարվածությունը Արևմտյան Ասիայում:
Սակայն Սիոնիստական ռեժիմը, կարծես, սխալ ազդանշաններ է ստացել և անցյալ շաբաթ ԱՄՆ-ի արտադրության հրթիռային հարձակումներ է իրականացրել Դամասկոսում մեր երկրի դեսպանատան վրա, հարձակում միջազգային իրավունքի դեմ, որը հանգեցրել է պաշտոնական դիվանագիտական անձնագրեր ունեցող մեր յոթ ռազմական խորհրդականների մահվան:
Տարածաշրջանում լարվածության և պատերազմի տարածումը կանխելու համար մենք կոչ արեցինք շտապ գումարել ՄԱԿ-ի Անվտանգության խորհրդի նիստ։
Սակայն ԱՄՆ-ի, Ֆրանսիայի և Անգլիայի խոչընդոտների պատճառով Անվտանգության խորհուրդը նույնիսկ հայտարարություն չարեց՝ դատապարտելով ագրեսիան և հարձակումները անձեռնմխելի վայրերի վրա։ Միջազգային իրավունքը անտեսվեց, և կրկին բացահայտվեցին արևմտյան երկրների երկակի ստանդարտները։
Մենք տասը օր մենք սպասեցինք դիվանագիտական ջանքերի՝ Սիոնիստական ռեժիմի դեմ պատժիչ միջոցները դատապարտելու և դիտարկելու համար:
Տարօրինակ է, որ նույն արևմտյան երկրները, կապվելով մեզ հետ, չդատապարտելով Սիոնիստական ռեժիմի կողմից միջազգային կանոնների խախտումը, մեզ զսպվածության կոչ արեցին։
«Վերջին մի քանի ամիսների ընթացքում Սիոնիստական ռեժիմը բազմիցս ահաբեկչական հարձակումներ է իրականացրել Սիրիայում իրանական դիրքերի և իրանցի մի շարք ռազմական խորհրդատուների դեմ։
Մենք բազմիցս զսպվածություն ենք ցուցաբերել, քանի որ չենք ձգտում մեծացնել լարվածությունը Արևմտյան Ասիայում:
Սակայն Սիոնիստական ռեժիմը, կարծես, սխալ ազդանշաններ է ստացել և անցյալ շաբաթ ԱՄՆ-ի արտադրության հրթիռային հարձակումներ է իրականացրել Դամասկոսում մեր երկրի դեսպանատան վրա, հարձակում միջազգային իրավունքի դեմ, որը հանգեցրել է պաշտոնական դիվանագիտական անձնագրեր ունեցող մեր յոթ ռազմական խորհրդականների մահվան:
Տարածաշրջանում լարվածության և պատերազմի տարածումը կանխելու համար մենք կոչ ենք արել շտապ գումարել ՄԱԿ-ի Անվտանգության խորհուրդը։
Սակայն ԱՄՆ-ի, Ֆրանսիայի և Անգլիայի խոչընդոտների պատճառով Անվտանգության խորհուրդը նույնիսկ հայտարարություն չարեց՝ դատապարտելով ագրեսիան և հարձակումները անձեռնմխելի վայրերի վրա։ Միջազգային իրավունքը անտեսվեց, և կրկին բացահայտվեցին արևմտյան երկրների երկակի ստանդարտները։
Սիոնիստական ռեժիմի դեմ պատժիչ միջոցները դատապարտելու և դիտարկելու համար մենք սպասեցինք տասը օր դիվանագիտական ջանքերի:
Տարօրինակ է, որ նույն արևմտյան երկրները, կապվելով մեզ հետ, չդատապարտելով Սիոնիստական ռեժիմի կողմից միջազգային կանոնների խախտումը, մեզ զսպվածության կոչ արեցին։
Այդ իսկ պատճառով Իրանը այլ ելք չուներ, քան պաշտպանել իր շահերը, և Իրանի զինված ուժերը կիրակի առավոտյան գործողություններ իրականացրեցին օկուպացված տարածքում գտնվող թիրախների դեմ։ Մեր հարձակումները սահմանափակ էին և ուղղված էին միայն այն կենտրոնների վրա, որտեղից ռազմական հարձակումներ էին իրականացվում մեր և Դամասկոսում մեր դեսպանատան դեմ։
Ի տարբերություն Սիոնիստական ռեժիմի, որը սպանում է երեխաներին, մենք չենք հարձակվել որևէ քաղաքացիական կենտրոնի վրա՝ ներառյալ հիվանդանոցները, հասարակական վայրերը, դպրոցներն ու համալսարանները կամ սովորական քաղաքացիները: Մեր գրոհները շատ դիպուկ էին, և մենք հասանք մեր նպատակներին։
Գործողությունները կատարվել են ՄԱԿ-ի հռչակագրի 51-րդ հոդվածի և պաշտպանության մեր օրինական և բնական իրավունքի հիման վրա։
Ցավոք, մեր օրինական և իրավաչափ պատասխանից հետո որոշ եվրոպական և արևմտյան պետություններ Իրանի օրինական պաշտպանությունը ներկայացրել են որպես ագրեսիվ քայլ, ինչը նշանակում է հող նախապատրաստել Սիոնիստական ռեժիմի նոր արկածախնդրության համար։
Անհնար է մի կողմից կոչ անել նվազեցնել լարվածությունը, մյուս կողմից՝ թույլ տալ երեխաներին սպանող ռեժիմին տարածաշրջանը վերածել պատերազմական գոտու»,- նշել է դիվանագետը։
Թեհրանը հարեվանների անվտանգությունն իր անվտանգությունն է համարում
Հայաստանի և Ադրբեջանի միջև լարվածությունը նվազեցնելու կարևոր գործոններ են երկխոսությունն ու դիվանագիտությունը, ինչպես նաև ազգային ինքնիշխանության հարգումը և միջազգայնորեն ճանաչված սահմանների և միջազգային իրավունքի անձեռնմխելիությունը,- հայտարարեց Իրանի դեսպանը։
Նրա գնահատմամբ, պատերազմը երբեք խնդիրներ չի լուծել: «Մենք դժգոհ ենք տարածաշրջանում լարվածության հնարավոր աճից։ Lարվածության աճը վնասում է տարածաշրջանի ժողովուրդներին, ինչպես նաև Հայաստանի և Ադրբեջանի հարևաններին։ Մենք երկու կողմերին կոչ ենք անում պահպանել հանգստություն, կոչ ենք անում զսպվածություն ցուցաբերել և շարունակել երկխոսությունը խաղաղության շուրջ»,- նշել է դեսպանը։
Նա հավելել է, որ Իրանը հարևանների անվտանգությունն իր անվտանգությունն է համարում։
Մեր մտահոգությունն այն է, որ Հայաստանն ու ողջ Կովկասը չվերածվեն աշխարհաքաղաքական մրցակցության դաշտի
Մեր մտահոգությունն այն է, որ Հայաստանն ու ողջ Կովկասը չվերածվեն աշխարհաքաղաքական մրցակցության դաշտի և որ Հայաստանի արտաքին հարաբերությունների զարգացումը տեղի չունենա այլ երկրների հաշվին։ Հայաստանի իշխանությունները մեզ հայտնեցին, որ արտաքին քաղաքականության դիվերսիֆիկացումն ուղղված չէ Իրանի հետ հարաբերությունների դեմ ասել է Մեհդի Սոբհանին՝ պատասխանելով News.am-ի թղթակցի՝ Եվրահանձնաժողովի ղեկավարի և ԱՄՆ պետքարտուղարի հետ Հայաստանի վարչապետի ապրիլի 5-ին Բրյուսելում կայացած հանդիպման մասին հարցին։
«Մենք լավ, ռազմավարական հարաբերություններ ենք հաստատել Հայաստանի հետ։ Մենք շարունակելու ենք այս ուղղությամբ, հարաբերությունների զարգացման ուղղությամբ»,- նշել է նա։
Մեհդի Սոբհանին հավելել է, որ Հայաստանի իշխանությունները իրանական կողմին ասել են, որ հանդիպումը բացառապես տնտեսական նպատակներով է եղել, և որ այն նպատակ է ունեցել նաև աջակցություն ստանալ Լեռնային Ղարաբաղի ժողովրդի համար։
«Հայաստանի իշխանությունները հայտնել են, որ այս հանդիպումն ուղղված չէ որևէ երրորդ երկրի դեմ։ Նրանք ասել են, որ հանդիպման նպատակը եղել է Հայաստանի տնտեսությունը հզորացնելը և Ղարաբաղից տեղահանվածների համար աջակցություն ստանալը։
Մենք դեմ չենք Հայաստանի իշխանությունների՝ տնտեսությունը զարգացնելու և Լեռնային Ղարաբաղից տեղահանվածների խնդիրները լուծելու ջանքերին։ Տնտեսական խնդիրների լուծման ուղիներ գտնելը Հայաստանի իրավունքն է»,- նշել է դեսպանը։
Անհնար է անտեսել սահմանների մասին Իրանի ամենաբարձրաստիճան պաշտոնյայի խոսքերը
Մեր կարմիր գծերը չեն փոխվել, միջազգայնորեն գծված սահմանների փոփոխությանը դեմ է արտահայտվել Իրանի բարձրաստիճան պաշտոնյան, և սա չի կարելի անտեսելб- հայտարարեց Հայաստանում Իրանի արտակարգ և լիազոր դեսպանը։
«Մենք կտրականապես դեմ ենք աշխարհաքաղաքական ցանկացած փոփոխության և միջազգայնորեն ճանաչված սահմանների փոփոխությանը։
Եթե կան սահմանային խնդիրներ, ապա դրանք պետք է լուծվեն երկխոսության միջոցով՝ հիմնված ընդհանուր ընկալումների, ինչպես նաև երկրների ազգային ինքնիշխանության և տարածքային ամբողջականության հարգման վրա։ Մենք կողմնակից ենք միջազգայնորեն ճանաչված սահմանների ճանաչման խաղաղ ճանապարհին»,- նշել է դեսպանը։
Հարավային Կովկասում անկայունության գործոններից մեկը Իսրայելի ռեժիմն է
Հարավային Կովկասում անկայունության գործոններից մեկը Իսրայելի ռեժիմն է,- հայտարարեց Մեհդի Սոբհանին։
«Այս վարչակարգը, բացի տարածաշրջանում միլիտարիզմ զարգացնելու փորձից, փորձում է նաև լարվածություն ստեղծել Իրանի և տարածաշրջանի երկրների միջև»,- ընդգծել է նա։
Նրա խոսքով՝ եթե ինչ-որ տեղ ռազմատենչություն է զարգանում, դա մեծացնում է բախումների վտանգը։ «Իսկ բախումների թվի աճը հանգեցնում է ապակայունացման և սպառնում է անվտանգությանը։ Սա ազդում է տարածաշրջանի ժողովուրդների, ինչպես նաև Իրանի վրա։ Ակնհայտ է, որ ռեժիմը փորձում է լարվածություն ստեղծել Իրանի և տարածաշրջանի երկրների միջև, քանի որ այս ռեժիմը մեր թշնամին է»,- ասել է Մեհդի Սոբհանին։
Դեսպանը հույս է հայտնել, որ տարածաշրջանի ժողովուրդներն այնքան խոհեմ են, որ բախումներ չեն սկսի տարածաշրջանի ոչ մի երկրի հետ։
«Արտաքին քաղաքականության մեջ խոհեմությունն այն է, որ հարևանների և այլ երկրների հետ հարաբերությունները պետք է երկարաժամկետ դիտարկվեն: Կարծում եմ, որ տարածաշրջանի երկրները նման ըմբռնում ունեն, և նրանք տարածաշրջանի կյանքը չեն ենթարկի Սիոնիստական ռեժիմի արկածախնդրությանը»,- հավելել է դիվանագետը։
Հայաստանը Իրանի շնչուղին դեպի հյուսիս
Կապի ոլորտը Հայաստանի և Իրանի միջև համագործակցության կարևորագույն ոլորտներից է,- հայտարարեց Հայաստանում Իրանի արտակարգ և լիազոր դեսպանը։
«Հայաստանն Իրանի շնչուղին է դեպի հյուսիս և Սև ծով, իսկ Իրանը Հայաստանի համար Իրանի շնչուղին է դեպի հարավ, դեպի Պարսից և Օմանի ծոցեր, դեպի Հնդկաստան»,- հավելեց նա։
Դեսպանը պարզաբանեց, որ Իրանը Հայաստանը դիտարկում է ոչ միայն որպես երեք միլիոնանոց շուկա, այլև որպես հարթակ, որի միջոցով կարող է մուտք գործել ԵԱՏՄ երկրների 200 միլիոնանոց շուկա։
Հայաստանը ԵԱՏՄ միակ երկիրն է, որի հետ Իրանը ընդհանուր ցամաքային սահման ունի, հիշեցրել է նա։
Ղարաբաղյան 2-րդ պատերազմում հայ զինվորներին իսրայելական զենքով էին սպանում
Երևանում որոշ եվրոպական դեսպանատներ թվիթերյան իրենց էջերում հայերենով և պարսկերենով տարածում են իրենց երկրների ղեկավարների միակողմանի և ոչ ճիշտ դիրքորոշումը Իրանի իրավական պատասխանի վերաբերյալ (Իսրայելին - խմբ.),- հայտարարեց Մեհդի Սոբհանին։
«Նրանք ցանկանում են հայ ժողովրդին ենթարկել իրենց կեղծ քաղաքականության ազդեցությանը և վարկաբեկել Իրանը հայկական հասարակական կարծիքում։ Ես նրանց խորհուրդ եմ տալիս դադարեցնել այս կեղծավորությունը և չփորձել Հայաստանին ներքաշել իրենց աշխարհաքաղաքական հակամարտությունների մեջ։
Այստեղ գիտեն, որ Սիոնիստական ռեժիմը Հարավային Կովկասում անկայունության հիմնական գործոններից մեկն է, և որ Ղարաբաղյան երկրորդ պատերազմում հայ զինվորներն իսրայելական զենքից էին զոհվում։
Երկակի ստանդարտների քաղաքականության միջոցով տարածաշրջանում կայունություն ապահովելն անհնար է: Ձեր պահվածքը և ձեր անտրամաբանական աջակցությունը չար ռեժիմին բացարձակ չարիքը դարձնում են սովորական:
Եթե կայունություն եք փնտրում, ազնիվ եղեք։ Ահաբեկչությունը լավ կամ վատ չէ: Այս ընտրողական մոտեցումը միայն խրախուսում է Սիոնիստական ռեժիմի արկածախնդրությունը և տարածաշրջանը տանում դեպի պատերազմ։
Իրանի քաղաքականությունը հիմնված է խաղաղության և բարեկամության առանցքի վրա: Մեր ուղերձը տարածաշրջանին և ամբողջ աշխարհին խաղաղություն, անվտանգություն և առաջընթաց է բոլոր երկրների համար։
Հարևանության քաղաքականությունն Իրանի գլխավոր առաջնահերթություններից է»,- նշել է դեսպանը։
News.am-ի նյութերով
