«ԳԱ»-ի քաղաքական մեկնաբանն է 2002 թվականից։
Կրթությամբ պատմագետ է, աշխատել է «Ռեգնում», «Նոյան տապան» գործակալություններում, «Երկիր» թերթի գլխավոր խմբագիր։
Թեմատիկան. հոդվածներ ներքին և արտաքին քաղաքականության մասին, վերլուծություն, հրապարակախոսություն, ակնարկներ, պատմվածքներ։ Մամուլում ռուս-հայկական հարաբերությունների լուսաբանման համար 2004 թվականին գրանցվել է «Ռուսկի միր» մրցանակաբաշխության հաղթողների ցանկում։
Խորհրդարանական ընդդիմությունը հաջորդ շաբաթ նախաձեռնել է Ազգային ժողովի արտահերթ նիստ: Թեման՝ պետական սահմանի սահմանազատման և սահմանագծման հարցերը։ Որպես զեկուցողներ հրավիրում են Մհեր Գրիգորյանին և Արարատ Միրզոյանին, որպեսզի վերջիններս բացատրեն, թե ինչու են իշխանությունները մտադիր Ադրբեջանին հանձնել հայկական ստորաբաժանումների կողմից այսօր վերահսկվող տարածքները:
Հայաստանում արգելեցին Վլադիմիր Սոլովյովի հաղորդումները։ Ամեն ինչ տրամաբանական է և հասկանալի։ Բոլորին է հայտնի Սոլովյովի և նրա հյուրերի անչափ հարգալից վերաբերմունքը Հայաստանի և Արցախի նկատմամբ։ Եվ հայտնի է նաև Սոլովյովի ու նրա հյուրերի, մեղմ ասած՝ ոչ այնքան հարգալից վերաբերմունքը Նիկոլ Փաշինյանի ու իր թիմի նկատմամբ: Դե, ուրեմն Սոլովյովի հաղորդումները պետք է արգելել. չէ՞ որ իշխող թիմի համար ամենևին կարևոր չէ, թե ինչ է մտածում Սոլովյովը Արցախի մասին, նրանց համար կարևոր է, թե ինչ է մտածում Սոլովյովը իրենց մասին։ Իսկ քանի որ հենց սեփական սիրելի կերպարների հետ է իշխող կուսակցությունը նույնացնում իր պայքարը «հանուն ինքնիշխանության», ապա Սոլովյովին պետք է արգելել հենց հիմա։ Չէ՞ որ ապրիլին սպասվում են ներքաղաքական և արտաքին քաղաքական լուրջ գործընթացներ, իսկ Փաշինյանի վարկանիշը... Լավ, բարձրաձայն չխոսենք տխուր բանի մասին:
ՌԴ ԱԳ նախարար Սերգեյ Լավրովը պատմել է հայրենիքից արցախցիների հեռանալու շրջանում Նիկոլ Փաշինյանի և Վլադիմիր Պուտինի զրույցի մասին: Փաշինյանը Պուտինին հարցրել է, թե ինչու նա ճակատագրի քմահաճույքին թողեց արցախցիներին, ինչին Պուտինը պատասխանել է, որ այդ ինքը՝ Փաշինյանն է որոշել, որ արցախցիներն այլ տարբերակ չեն կարող ունենալ, բացի Ադրբեջանի քաղաքացիությունից:
Համացանցում տեսանյութ է շրջում, որում Փաշինյանի հերթական սուրհանդակ Ստյոպա Սաֆարյանը Ոսկեպարի բնակիչներին պատմում է վերջնագրի մասին, որ Նիկոլին ներկայացրել է Իլհամ Ալիևը. հայտնի 4 գյուղերը՝ հարակից տարածքներով, ապրիլին պետք է հանձնվեն Ադրբեջանին: Այլապես պատերազմ կլինի։ Նշենք, որ ավելի վաղ Ոսկեպարում արդեն հասցրել էր լինել Նիկոլի մյուս հաճկատարը՝ Լևոն Շիրինյանը, որը հայտնի է իր բացահայտ ռուսատյացությամբ։ Եկել էր նույն առաքելությամբ. համոզելու բնակիչներին, թե սահմանամերձ տարածքների հանձնումն անխուսափելի է…
Նիկոլ Փաշինյանը Տավուշում համոզում էր սահմանամերձ շրջանի բնակիչներին աջակցել իրեն «ինքնիշխանության համար պայքարում», հանուն որի էլ հոժարակամ և ժպիտով համաձայնեց հանձնել Ադրբեջանի պահանջած չորս գյուղերը։ Օգտագործեց մտրակի ու քաղցրաբլիթի մեթոդը։ Նրանց, ովքեր տներ կամ հողեր են կորցնելու, բնակարաններ խոստացավ Իջևանում։ Իբր՝ հանգիստ ապրեք ձեզ համար։ Դա քաղցրաբլիթն էր։ Մտրակը սպառնալիքների տեսքով էր, թե Թուրքիան ու Ադրբեջանը պատերազմ կսկսեն։ Բնակիչները, և ոչ միայն Տավուշի, արդեն վաղուց են հասկացել, որ Փաշինյանի դեմն առնել չի լինի։ Որովհետև միայն նոր զիջումներով կարելի է ստիպել մարդկանց, որ մոռանան ավելի վաղ կորցրածը։ Այսօր Փաշինյանի ու իր քարոզչական թիմի մատուցմամբ մենք խոսում ենք «ընդամենը» 4 գյուղերի մասին։
Դժվար ասել, թե կոնկրետ երբ է սկսվել այդ գործընթացը։ Բայց ակտիվ փուլ մտավ, պետք է ենթադրել, Հայաստանի վարչապետ Նիկոլ Փաշինյանի կնոջ՝ Աննա Հակոբյանի անցած տարվա սեպտեմբերի 6-ին Կիև կատարած այցից հետո, որի նպատակը մասնակցությունն էր «առաջին տիկնանց և պարոնանց» մի ինչ-որ գագաթնաժողովի։ Թեև դե յուրե դաշնակից երկրի առաջին տիկնոջ այդպիսի այցը դժվար թե դուր գար Ռուսաստանին, որի ռազմական ստորաբաժանումներն այդ պահին դեռ խաղաղ կյանք էին ապահովում Լեռնային Ղարաբաղում. մինչ Արցախի դեմ Ադրբեջանի ագրեսիան մնացել էր 13 օր։
Չնայած իշխող կուսակցության հակառուսական քարոզչությանը, վերջին սոցիոլոգիական հարցման տվյալները վկայում են, որ հանրապետության քաղաքացիների մեծամասնությունը դեմ է Ռուսաստանի հետ հարաբերությունների խզմանը: Հայաստանում Gallup International Association-ը ներկայացնող Արամ Նավասարդյանը տեղեկացրել է, որ փետրվարի 26-28-ին անցկացված հարցման համաձայն՝ հարցվողների 58%-ը համարում է, որ Ռուսաստանի հետ հարաբերությունների խզումը չի համապատասխանում հայոց պետության շահերին:
Սերգեյ Լավրովը Թուրքիայում դիվանագիտական համաժողովի ընթացքում բանակցություններ է վարել Թուրքիայի արտգործնախարար Հաքան Ֆիդանի հետ: Բացի ամենից՝ քննարկվել է նաև հայ-ադրբեջանական կարգավորումը։ Սերգեյ Լավրովը բանակցություններ է վարել նաև Ադրբեջանի ԱԳ նախարար Ջեյհուն Բայրամովի հետ: Բացի ամենից՝ քննարկվել է նաև հայ-ադրբեջանական կարգավորումը։ Իսկ այ Արարատ Միրզոյանի հետ հայ-ադրբեջանական կարգավորման շուրջ քննարկումներ Լավրովը չի ունեցել, ինչը շատ բանի մասին է վկայում։
ՌԴ ԱԳՆ-ի մի ամբողջ խոսնակ՝ Մարիա Զախարովան, ձեռնամուխ եղավ հերքելու Նիկոլ Փաշինյանին։ Այդ թվում նաև նրա հայտարարությունը Փարիզում՝ առ այն, թե իբր Ռուսաստանի պաշտոնական անձինք վերջերս բացահայտ կոչ են արել Հայաստանի ժողովրդին ելնել փողոց ու տապալել իր՝ Նիկոլ Փաշինյանի իշխանությունը։ Զախարովան պատասխանեց, որ ռուսաստանյան պաշտոնական անձանց կողմից նման կոչեր չեն եղել ո՛չ Փաշինյանի, ո՛չ Հայաստանի նախկին իշխանությունների, ո՛չ էլ որևէ այլ երկրի ընտրված իշխանությունների նկատմամբ։
Հայոց ներկայիս իշխանության ևս մեկ սիրելի կախարդական բառը դիվերսիֆիկացիան է։ Է՛լ ավելի կախարդական հասկացություն է անվտանգության դիվերսիֆիկացիան: