Последние новости

ԿՈՆԿՐԵՏ ՆՎԱՍՏԱՑՈՒՄ՝ ՎԵՐԱՑԱԿԱՆ ՀԵՏԱՔՐՔՐՈՒԹՅԱՆ ԴԻՄԱՑ

«ՀՀ վարչապետ Փաշինյանը բազմիցս ուշադրություն է հրավիրել այն փաստի վրա, որ նոյեմբերի 10-ի հայտարարությամբ Ադրբեջանը Նախիջևանի հետ կապող միջանցքի մասին խոսք չկա: 

Հայտարարության 9-րդ կետը տարածաշրջանի տրանսպորտային և տնտեսական ենթակառուցվածքների ապաշրջափակման մասին է և այս համատեքստում՝ նաև Ադրբեջանի Արևելյան մասի և Նախիջևանի Ինքնավար Հանրապետության միջև տրանսպորտային կապ հաստատելու», - «Արմենպրես»-ին հաղորդեց Հայաստանի վարչապետի մամլո քարտուղար Մանե Գևորգյանը:

Նա նշեց, թե Հայաստանը, իհարկե, հետաքրքրված է Ադրբեջանի տարածքով հայկական բեռների տեղափոխման հնարավորությամբ դեպի Ռուսաստանի Դաշնություն և Իրանի Իսլամական Հանրապետություն և հակառակ ուղղությամբ: «Հետաքրքրված ենք դեպի Ռուսաստանի Դաշնություն հայկական բեռների ավտոմոբիլային և երկաթուղային տրանսպորտի միջոցով տեղափոխման հնարավորությամբ, իսկ դեպի Իրանի Իսլամական Հանրապետություն՝ հատկապես երկաթուղային տրանսպորտով փոխադրումներով: Այս համատեքստում, բնականաբար, Հայաստանը պատրաստ է ապահովել հաղորդակցությունը Ադրբեջանի արևելյան մասի և Նախիջևանի Ինքնավար Հանրապետության միջև»,-հայտարարեց վարչապետի մամուլի խոսնակը։ Այնուամենայնիվ, ինչպես նշեց Գևորգյանը, այս հարցերի ամբողջական քննարկումը դժվար կլինի առանց նոյեմբերի 10-ի համատեղ հայտարարության 8-րդ կետի լիարժեք իրագործման, որով նախատեսվում է գերիների, պատանդների, այլ պահվող անձանց, զոհվածների մարմինների փոխանակում:

ԲԱՅՑ ԱՆՀՆԱՐ Է ԼՌԵԼ. այ, շատ հետաքրքիր է, թե ինչո՞ւ առանց հայտարարության 8-րդ կետի լիարժեք իրագործման «դժվար» չի եղել այն ամենը, ինչ տեղի էր ունենում անցած գրեթե երկու ամիսների ընթացքում մերթ Սոթքի շրջանում, մերթ Սյունիքում։ Չգիտես ինչու ադրբեջանական կողմը, GPS-ով զինված, գծում էր հայ-ադրբեջանական սահմանը, խլում բնակավայրերը, յուրացնում միջպետական ճանապարհների հատվածները, իսկ հայկական կողմից ոչ ոք չէր հիշում հայտարարության 8-րդ կետի մասին, ոչ ոք Բաքվի առջև պայման չէր դնում ռազմագերիների, պատանդների, զոհվածների աճյունների վերադարձի հարցը:

Շատ հետաքրքիր է նաև մեկ այլ բան. երբ Մանե Գևորգյանը խոսում է այն մասին, թե Հայաստանը հետաքրքրված է հայկական բեռների տեղափոխմամբ դեպի Ռուսաստան և Իրան, նա առհասարակ չնչին պատկերացում ունի՞, թե կոնկրետ որն է մեր հետաքրլրությունը և այդ ինչ բեռներ ենք մենք տեղափոխելու նշված ուղղություններով: Թեպետ, խոսքը միայն վարչապետի մամուլի խոսնակի մասին չէ։ Հայաստանում այդ մասին պատկերացում չունի իշխանական թիմից գործնականում ոչ ոք։ Սպանված տնտեսությունը, սպանված ներդրումային միջավայրը, սպանված արտադրական մասնահատվածը, արտահանման ծավալների շարունակական կրճատումը մեզ համար երրորդական կարևորության խնդրի են վերածել հաղորդակցության հարցը։

Այո, ճանապարհների ապաշրջափակումը պետք է Հայաստանին՝ որպես տասնամյակներ շարունակ տրանսպորտային շրջափակման մեջ գտնվող երկրի։ Բայց ակնհայտորեն ոչ այն աստիճան, որ դա արվի ամեն գնով։ Տարածքային և այլ ահռելի ու ցավոտ զիջումների գնով։ Կրկնում եմ, հաղորդակցության ուղիների ապաշրջափակման արդյունքում հայկական կողմի, նրա տնտեսության համար հնարավոր շահաբաժինների մասին ոչ ոք, ոչ մի հայ պաշտոնյա երկու ամսվա ընթացքում կոնկրետ ոչինչ չի ասել։ Էկոնոմիկայի նախարարի զառանցալի մտքերը՝ թուրքական նավահանգիստներից ու ադրբեջանական շուկայից օգտվելու հնարավորության մասին, բնականաբար, հաշվի մեջ չեն։ Խոսքը հնարավոր ապաշրջափակման արդյունքում տնտեսական առավելությունների հստակ ու կոնկրետ գնահատման մասին է։

Եվ այդուհանդերձ Մանե Գևորգյանի հայտարարությունն արժանի է հատուկ ուշադրության՝ կապված մեկ այլ հանգամանքի հետ։  Բանն այն է, որ եռակողմ հայտարարության էության, հաղորդակցական խնդիրների և հայկական տրանսպորտային հետաքրքրությունների մասին նրա վերամբարձ ճառից ընդամենը մի քանի ժամ առաջ Ադրբեջանի նախագահը հերթական ցասումնալից ուղերձը հղեց Երևանին։  Ալիևին զայրացրել էր այն փաստը, որ Հայաստանի արտգործնախարարը մեկնել է Ստեփանակերտ։  «Ինձ հաղորդեցին, որ Հայաստանի արտգործնախարար Արա Այվազյանը այցելել է Խանքենդի։ Դու ի՞նչ գործ ունես այնտեղ։ Թող Հայաստանը չմոռանա պատերազմը։ Հիշեք, որ երկաթե բռունցքը տեղում է: Այդ այցերին պետք է վերջ դրվի։ Նախազգուշացնում ենք, որ եթե կրկին ձեռնարկվեն այդպիսի սադրիչ քայլեր, Հայաստանը է՛լ ավելի կզղջա դրա համար»,- ասաց Ալիևը 2020 թվականի արդյունքներին նվիրված խորհրդակցության ժամանակ: Նրա խոսքերով, օտարերկրյա ոչ մի քաղաքացի չի կարող մտնել այդ գոտի առանց Բաքվի թույլտվության։ Միջազգային ոչ մի կազմակերպություն, բացի Կարմիր խաչից, չի կարող գնալ այնտեղ։ «Առաջին անգամ մենք նրանց զգուշացրել ենք ԱԳՆ-ի միջոցով։ Սրանից հետո նախազգուշացումն այլ կերպ կարվի»,- ընդգծել Է նախագահը։

Իհարկե, Ալիևը բնավ առաջին անգամ չէ, որ սպառնում է մեզ ու հոխորտում։ Սակայն տվյալ դեպքում նաև իրավունքներ է վերապահում իրեն, պարզապես արգելելով Հայաստանի արտգործնախարարին մեկնել Ստեփանակերտ։ Իսկ ի պատասխան Երևանից հնչում է վարչապետի մամուլի խոսնակի ծվծվոցը, այն էլ ՝ տարածաշրջանի տրանսպորտային-հաղորդակցական հեռանկարներին վերաբերող ողորմելի բովանդակությամբ։ Նկատեք, Ալիևը արգելում է հայ պաշտոնյաներին, և ընդհանրապես, ըստ էության՝ Հայաստանի բոլոր քաղաքացիներին և ոչ միայն նրանց այցելել Ստեփանակերտ, իսկ իրեն Հայաստանի ղեկավար համարող անձնավորությունը պարզապես ջուր է առել բերանը։ Եվ այդ նվաստացմանը Երևանը Մանե Գևորգյանի շուրթերով պատասխանում է տարածաշրջանում հաղորդակցության ուղիների վերաբերյալ համատեղ հայտարարության կետերին հղումներ անելով։ Նա նույնիսկ չի խոսում այն մասին, որ այդ կետերից ոչ մեկը հիմք չի տալիս Ալիևին արգելել մեզ մեկնել Ստեփանակերտ։

Այս ամենը տեղի է ունենում Փաշինյան-Ալիև-Պուտին ձևաչափով Մոսկվայում կայանալիք հանդիպման նախաշեմին։ Եվ կարելի է պատկերացնել նվաստացման աստիճանը, որ սպասվում է Հայաստանին հունվարի 11-ին։ Թեև, ակնհայտ է, որ քանի դեռ Երևանը ներկայացնում է դավաճանն ու կապիտուլյանտը, Ալիևը չի դադարի ճոճել «երկաթե բռունցքը», տնօրինել հայ պաշտոնյաների այցերի ժամանակացույցն ու Երևանից ստանալ այն ամենը, ինչ կցանկանա։ Ի վերջո, եթե ոչ ոք նույնիսկ ոչ թե չի դիմադրում, այլև բանավոր էլ չի առարկում, ապա ինչո՞ւ պիտի չսպառնա։

Основная тема:
Теги:

    ПОСЛЕДНИЕ ОТ АВТОРА

    • НА ЧУЖОМ НЕСЧАСТЬЕ СЧАСТЬЯ НЕ ПОСТРОИТЬ
      2022-07-28 10:33
      3736

      Тысяча крупнейших налогоплательщиков Армении за январь-июнь 2022 года выплатили в госбюджет республики налогов на сумму более 722 млрд 325 млн драмов, сообщает Комитет по госдоходам (КГД) РА, передает АРКА. По данным КГД, за отчетный период суммы, собранные непосредственно налоговыми органами, превысили 613 млрд 72 млн драмов, а таможенными органами собрано более 109 млрд 253 млн драмов. Лидирует в списке Зангезурский медно-молибденовый комбинат (выплаченные налоги – около 104,8 млрд драмов), на втором месте - ЗАО "Газпром-Армения" (более 33 млрд драмов), замыкает первую тройку Grand Tobacco (более 20 млрд драмов). Как говорится в пресс-релизе, список опубликован на основании критериев, установленных решением действующего правительства от 23-го июня текущего года, в частности, в него включены государственные и общинные управленческие ведомства.

    • В ЛОГИКЕ ИМПОРТОУСИЛЕНИЯ
      2022-07-27 09:58
      3577

      Замминистра экономики Арман Ходжоян представил Евразийской экономической комиссии потребности Армении в отдельных видах сельскохозяйственной продукции за 2022 год.

    • ЦЕНА АРМЯНСКОЙ АМНЕЗИИ – €7,7 МЛН ВМЕСТО €2,6 МЛРД?
      2022-07-26 09:40
      1926

      Европейский союз выделит Армении 7,7 миллиона евро на реализацию программы реформ. Об этом пишет RT, в распоряжении которого оказался соответствующий документ, передает Sputnik Армения. Отмечается, что Еврокомиссия профинансирует проект по реализации и мониторингу соглашения о партнерстве с Арменией. Речь идет о содействии реализации Соглашения о всеобъемлющем и расширенном партнерстве между Арменией и ЕС. Кроме того, как отмечается в документе, проект будет способствовать программным инициативам и коммуникациям делегации ЕС в Армении. Программа рассчитана на четыре года. Объем финансирования составит €7,7 млн.

    • ЕВРОЦЕННОСТИ ПРОПАХЛИ ГАЗОМ
      2022-07-25 11:39
      3838

      «На этот момент не могу сказать, что в Армении есть лица, имеющие статус политического заключенного. Конечно, есть арестованные, некоторые уже на свободе, но не будем спешить с выводами, подождем и посмотрим, какие решения будут приняты», - заявила глава делегации ЕС в Армении, посол Андреа Викторин в беседе с корреспондентом Oragir.news, передает NEWS.am.






    ПОСЛЕДНЕЕ ПО ТЕМЕ

    • ՈՏՔԴ ՔԱՐԻ՞Ն ԱՌԱՎ, ՑԱՏԿՈՏԱՆ
      2021-09-20 20:21
      2297

      Փաշինյանին քոթակեցին հերթական անգամ։ Այս անգամ հրապարակային ճիպոտահարման եղանակով դաստիարակչական այդ հաճելի առաքելությունը հանձն առավ Թուրքիայի նախագահ Ռեջեփ Էրդողանը։ Ուղևորվելով ՄԱԿ-ի Գլխավոր ասամբլեայի նստաշրջան, որտեղ մտադիր է հանդես գալ ճառով, Էրդողանը պատմեց լրագրողներին, որ Փաշինյանը Վրաստանի վարչապետի միջոցով իրեն խնդրել է գաղտնի հանդիպման մասին: Էրդողանն ասաց, որ ինքը դեմ չէ հանդիպել և նույնիսկ բացել սահմանները, բայց դրա համար Հայաստանը պետք է որոշակի քայլեր կատարի, մասնավորապես՝ Ադրբեջանի համար միջանցք բացի դեպի Նախիջևան։ Իսկ այդ դեպքում՝ ինչո՞ւ լավություն չանել Փաշինյանին. հանդիպել և նույնիսկ դիվանագիտական հարաբերություններ հաստատել ...

    • ՓԱՇԻՆՅԱՆԻ ՄՈՍԿՈՎՅԱՆ ԱՅՑԻ ԱՐԴՅՈՒՆՔՆԵՐԸ
      2021-07-08 18:57
      3330

      Փաշինյանի Մոսկվա կատարած այցի արդյունքները միանգամայն հասկանալի են։ Թե ինչպես է պետության մի ղեկավարը հրապարակավ շնորհավորում բարեկամ այլ պետության ղեկավարին ընտրություններում հաղթելու կապակցությամբ։ Հաջողություններ, բարգավաճում մաղթում բարեկամ ժողովրդին: Հույս է հայտնում խորացնելու երկու երկրների հարաբերությունները։ Համատեղ աշխատելու իրենց պատրաստակամությունը՝ ի շահ երկու երկրների։ Դե, մոտավորապես այսպես։

    • ՎԱՐՉԱՊԵՏԸ ՎԱ-ԲԱՆԿ Է ԳՆՈՒՄ
      2021-03-23 08:50
      5418

      Փաշինյանի հայտարարությունն այն մասին, թե արտահերթ խորհրդարանական ընտրությունները տեղի կունենան հունիսի 20-ին, պաշտոնական տեսանկյունից առանձնապես ոչինչ չի նշանակում։ Ընտրարշավի ժամանակացույցը կարգավորվում է ԿԸՀ որոշումներով։ Բուն ընտրությունները նշանակվում են նախագահի կողմից, խորհրդարանի լուծարումից հետո։ Իսկ խորհրդարանը լուծարվում է, եթե երկու անգամ չի կարողանում վարչապետ ընտրել, երբ պաշտոնը թափուր է։

    • ՀԱՄԱՏԱՐԱԾ ՍԿԱՆԴԱԼ. «ԲՈԻՆԳԻՑ» ՄԻՆՉԵՎ «ԻՍԿԱՆԴԵՐ»
      2021-02-25 18:50
      5766

      Հայաստանում Ռուսաստանի դեսպանությունը Sputnik Արմենիայի հարցումով մեկնաբանել Է Ստեփանակերտի ադրբեջանական «Խանքենդի» անվան հիշատակումը Ղարաբաղ առաքված մարդասիրական օգնության վերաբերյալ դիվանագիտական ներկայացուցչության պաշտոնական հաղորդագրության մեջ: Ավելի վաղ դեսպանատան ֆեյսբուքյան էջում, հղում կատարելով ՌԴ ԱԻՆ-ին, զետեղվել էր պաշտոնական մամլո հաղորդագրություն, որտեղ կար հետևյալ ձևակերպումը. «... Ընդհանուր առմամբ Ստեփանակերտ/Խանքենդի է հասցվել մոտ 50 տոննա բեռ»: «Մենք ուշադրություն ենք դարձրել, որ հրապարակումը անմիանշանակ է ընդունվել։ Քանի որ շահագրգռված չենք, որ ինչ-որ լարվածություն առաջանա, հրապարակման տեքստը ճշգրտվել է։ Պաշտոնական մամլո հաղորդագրության հղումը կցված է հրապարակմանը»,- ասել է դեսպանատան մամուլի քարտուղար Ալեքսանդր Գուչկովը։