Գեորգի Կուտոյանի ինքնասպանության գործով վարույթը կասեցվել է
ԱԱԾ նախկին տնօրեն Գեորգի Կուտոյանի մահվան դեպքի առթիվ հարուցված քրեական գործի վարույթը կասեցվել է։ Այս մասին «Փաստինֆո»-ի հարցին ի պատասխան հայտնեց ՔԿ տեղեկատվության և հասարակայնության հետ կապերի բաժնի պետ Ռիմա Եգանյանը։
Հիշեցնենք, որ 2020թ հունվարի 17-ին Երևանի Պարույր Սևակի փողոցի բազմաբնակարան շենքերից մեկում` իր բնակարանում, հյուրասենյակի բազմոցի վրա հայտնաբերվել է Գեորգի Կուտոյանի դին` հրազենային վնասվածքով: Դեպքի առթիվ հարուցվել է քրեական գործ ՀՀ քրեական օրենսգրքի 110-րդ հոդվածի 1-ին մասով՝ ինքնասպանության հասցնելու հատկանիշներով։ Դեպքի վայրում՝ բազմոցի դիմաց առկա փոքր սեղանի վրա հայտնաբերվել է 35 հատ կրակված պարկուճ և 6 հատ գնդակ, հյուրասենյակի հատակին հայտնաբերվել է 7 հատ պարկուճ, 1 հատ գնդակ, իսկ հյուրասենյակի հարևանությամբ գտնվող խոհանոցի հատակին հայտնաբերվել է ևս 3 գնդակ: Իսկ Կուտոյանի աջ ոտքի մոտ՝ հատակին, հայտնաբերվել է Glock տեսակի ատրճանակ առանց փամփուշտի: Ըստ պաշտոնական վարկածի՝ դեպքից առաջ՝ 2019 թվականի դեկտեմբերի վերջերին կրակել իր տան պատերին։
ՔԿ-ից «Փաստինֆո»-ին հայտնեցին, որ ՀՀ քննչական կոմիտեի հատկապես կարևոր գործերի քննության գլխավոր վարչությունում՝ ՀՀ ԱԱԾ նախկին տնօրեն Գեորգի Կուտոյանի մահվան դեպքի առթիվ հարուցված քրեական գործի նախաքննությունը կասեցվել է ՀՀ քրեական դատավարության օրենսգրքի 31-րդ հոդվածի 1-ին մասի 1-ին կետով, այն է՝ հայտնի չէ անձը, որը գործով պետք է ներգրավվի որպես մեղադրյալ:
ПОСЛЕДНИЕ ОТ АВТОРА
-
2024-05-17 13:14
Просмотр спутниковых снимков выявил, что азербайджанская сторона сравняла с землей церковь Сурб Амбарцум (Святого Вознесения) в городе Бердзоре. До разрушения она была полностью покрыта настилом.
-
2024-05-17 13:12
16 мая состоялось заседание инициативной группы партии «Гражданский договор», которое вел председатель правления, премьер-министр Армении Никол Пашинян.
-
2024-05-17 13:10
Предпринимается попытка переложить ответственность на жителей села. Об этом Баграт Србазан заявил в беседе с журналистами, комментируя события, происходящие в Кираце.
-
2024-05-17 13:09
Полиция перешла к старым злобным методам, написал в Facebook адвокат Сергей Арутюнян.