Մակինյան․ Անդրանիկ Մակարյանը տվյալ իրավիճակում գործել է ճիշտ
ՀՀ ԶՈՒ ուժերի պատրաստության գլխավոր վարչության պետ, Գլխավոր շտաբի պետի տեղակալ Անդրանիկ Մակարյանն իրեն առաջադրված մեղադրանքը չի ընդունում։ Այս մասին News.am-ի հետ զրույցում ասաց Մակարյանի փաստաբան Ամրամ Մակինյանը։
Հիշեցնենք, որ Անդրանիկ Մակարյանին մեղադրանք է առաջադրվել ՀՀ ՔՕ 376 հոդվածի 3-րդ մասով (անփույթ վերաբերմունքը ծառայության նկատմամբ)։ Նա մեղադրվում է 60-հոգանոց զորքի անհետ կորելու մեջ։
Անդրանիկ Մակարյանի նկատմամբ խափանման միջոց է ընտրվել ստորագրություն՝ չհեռանալու մասին։
«Ո՞րն է այն անհրաժեշտությունը, որ ամիսներ առաջ տեղի ունեցած քննչական գործողությունների մասին նորից թարմացում է կատարվում, հիմա ինչի՞ց են ուզում շեղել հանրությանը՝ սևեռելով պարոն Մակարյանի վրա»,- հռետորական հարց հնչեցրեց Մակինյանը։
Փաստաբանը հայտնեց, որ Մակարյանը մանրամասն ցուցմունք է տվել նախաքննական մարմնին. «Պարոն գեներալը մանրամասն ցուցմունք է տվել այդ օպերացիայի վերաբերյալ, որի մանրամասները ես չեմ կարող ներկայացնել»։
Մակինյանը շեշտեց, որ Մակարյանին առաջադրված մեղադրանքը բացարձակ անհեթեթություն է. «Այն առարկայազուրկ է և չբխող՝ տվյալ իրավիճակում առկա փաստական հանգամանքներից։ Պարոն գեներալին առաջադրված մեղադրանքը փաստազուրկ է։ Մեղադրանքի տակ չկան փաստեր, որոնք կվկայեն Մակարյանի տվյալ արարքում մեղավորության մասին։ Պարոն Մակարյանը համոզված է, որ իր մեղավորությունը չկա»։
Անդրադառնալով «Ժողովուրդ» օրաթերթի այն հրապարակմանը, որ Մակարյանը հայտնել է՝ վրիպում է տեղի ունեցել, ուղեկցողը շփոթվել է, անփույթ է եղել, և նաև ասել, թե ինքն ինքնագլուխ այդ հրամանը չի տվել, Մակինյանն ասաց.
«Մակարյանն ասել է, որ շփոթմունք է՝ զոհված զինծառայողների ծնողների հետ հանդիպման ընթացքում։ Շփոթմունքը պայմանավորված չի եղել Մակարյանի գործողություններով։ Մակարյանը նշել է, որ տվյալ իրավիճակում գործել է ճիշտ»։
Ամրամ Մակինյանը նշեց, որ ինքն այս գործընթացը դիտարկում է քաղաքական իշխանությունների կողմից՝ որպես մեղավորների նշանակման գործընթաց։
ПОСЛЕДНИЕ ОТ АВТОРА
-
2025-07-18 20:14
Исполняющий обязанности директора ЗАО "Электрические сети Армении" Давид Казинян сообщил журналистам, что ни одно из последних 11 дел, открытых Комиссией по регулированию общественных услуг (КРОУ), не связано с отключениями электроэнергии.
-
2025-07-18 20:07
Властям Армении могли понадобиться голоса 6800 сотрудников "Элсетей Армении" на предстоящих в 2026 году выборах, сказал журналистам исполняющий обязанности директора ЗАО "Электрические сети Армении" Давид Казинян.
-
2025-07-18 20:03
Экс-депутат парламента Армении Рубен Акопян задержан. Об этом Sputnik Армения сообщили в Следственном комитете.
-
2025-07-18 20:02
С 21 июля Армению накроют теплые тропические воздушные массы, сообщил заместитель главы Центра гидрометеорологии и мониторинга Гагик Суренян.