2021-05-04 17:27
Рубен МАРГАРЯН
0
ՈՆՑ ՈՐ ՊԵՏՔ է, ԱՅՆՊԵՍ ԷԼ ԱՄՐԱՑՆՈՒՄ Է…
Խորհրդարանում երեկ տեղի ունեցած մի բանավեճ չէր կարող չմտահոգել։ Երբ վարչապետը պատասխանում էր պատգամավոր Թագուհի Թովմասյանի այն հարցին, թե ինչու չի ամրապնդվում սահմանը Վայոց ձորում, Գեղարքունիքում, Սյունիքում։ Հատկապես վերջին երկու մարզերում, որոնք սահմանամերձ են դարձել Նիկոլ Փաշինյանի մեղքով։
Ի՞ՆՉ ՊԱՏԱՍԽԱՆԵՑ ՓԱՇԻՆՅԱՆԸ: Դե, նախ, թե իբր՝ դու ո՞վ ես, որ ես քեզ հաշվետու լինեմ։ Դու ընդհանրապես այստեղ շուտով պետական գաղտնիքները կմատնես... Բայց դա կես դժբախտությունն է։ Շատ ավելի վատթար է, որ պատասխանի էությունն այն էր, թե՝ քո գործը չէ՛ դա, սահմանամերձ շրջանների անվտանգության խնդիրը։ Ասել է թե՝ ոնց որ պետք է, այնպես էլ ամրացնում ենք սահմանամերձ տարածքները։ Քիթդ մի՛ խոթիր։
Ոչինչ չի՞ հիշեցնում։ Ճիշտ նույն կերպ էր Փաշինյանը պատերազմից առաջ պատասխանում ընդդիմության այն հարցին, թե ինչ է քննարկվում բանակցությունների սեղանի շուրջ։ Իբր, դա ձեր ընդդիմադիր գործը չէ՝ իմանալ, թե ինչ ենք քննարկում։ «Ինչ որ պետք է, էն էլ բանակցում ենք»,- ասում էր Փաշինյանը վստահ տեսքով։ Թե իբր՝ բանակցում եմ, ելնելով իմ կետից, այլ ոչ թե այն տխուր ժառանգությունից, որ ինձ թողել են«նախկինները»... Եվ երբ նրան ասում էին, թե՝ ձևեր մի թափիր, շարունակիր նախկին ուղեգիծը, պնդիր, որ կատարվեն Վիեննայի և Սանկտ Պետերբուրգի պայմանավորվածությունները, Փաշինյանը քմծիծաղում էր։ Ինչ որ պետք է, այն էլ բանակցում էր նա…
Արդեն հասկանալի է, թե ինչ էր բանակցում... Այդ ժամանակ բանակցություններն արդեն խուլ փակուղի էին մտցվել։ Ընդ որում ոչ կառուցողական էր համարվում հենց հայկական կողմը։ Արդյունք չտվեցին նաև Փաշինյանի ու Ալիևի էմիսարների գաղտնի հանդիպումները, և Ադրբեջանը ողջ թափով պատրաստվում էր պատերազմի, պայմանավորվում «Բայրաքթարների» գնման մասին։ Արդյունքում բանակցությունները, որոնք Նիկոլը «ոնց որ պետք է, այնպես էլ վարում էր իր կետից» և որոնք հույժ գաղտնի էր պահում, հանգեցրին մեծ պատերազմի։
Այսինքն Նիկոլը պարզապես հերթական անգամ ստում էր, երբ ասում էր, թե գիտի, թե ինչի շուրջ բանակցել։ Ինչպես որ ստում էր, երբ պատերազմից առաջ, ի պատասխան գաղտնի բանակցությունների առկայության մասին Ալիևի խոսքերի, ասում էր, թե այնպիսի՜ կոմպրոմատ ունի Ալիևի դեմ, որ եթե ինքը՝ Նիկոլը, անկեղծանա, դա հուզումներ կառաջացնի Ադրբեջանում... Առ այսօր լռում է մեր սուտլիկը։ Չի ուզում, երևի, հուզումներ առաջացնել Ադրբեջանում, մեր մարդասերը։
Իրականում բանակցություններ «Փաշինյանի կետից» եթե անգամ ընթանում էին, ապա ընթանում էին արդեն միայն Փաշինյանին Ալիևի հասցեագրած փակ նամակի հունով, որը միջնորդի միջոցով փոխանցվել էր նրան Դուբայում, ինչի մասին վերջերս հայտնեց Արթուր Վանեցյանը։ Այն մասին, թե ինչ է եղել այդ նամակում, ինչ թիվ ու քանի զրոյով, դեռ հայտնի չէ…
Մինչդեռ Նիկոլը պատկառելի բանակցային ժառանգություն էր ստացել, երբ Հայաստանը միջնորդների հետ միասին պնդում էր, որ գործարկվեն հրադադարի պահպանման լրացուցիչ միջոցներ։ Բայց քանդելը կառուցելուց հեշտ է. Փաշինյանն ամեն ինչ շատ արագ փոշիացրեց։
Եվ ահա ներկայումս վարչապետի պաշտոնակատարն ասում է, թե՝ ձեր գործը չէ, ինչպես է սահմանն ամրացվում։ Ոնց որ պետք է, այնպես էլ ամրացվում է, իբր, Ադրբեջանի համար անտեսանելի աշխատանք է ընթանում անվտանգության միջոցների ուղղությամբ, որոնց մասին դուք չգիտեք և չպետք է իմանաք։ Եվ հասկանում ես, որ այդ խոսքերի հետևում ոչինչ չկա։ Ոչի՛նչ։
Այո, կա ՀԱՊԿ-ը, կա ռուսական ռազմաբազան և նրա հենակետերը Սյունիքում։ Կա Հայաստանի անվտանգության համակարգը, որը Նիկոլը ժառանգել է նախկին իշխանություններից։ Բայց դժվա՞ր է արդյոք փլուզել այդ ժառանգությունը ճիշտ այնպես, ինչպես փլուզեց բանակցային գործընթացը։ Եվ հետո ասել, թե ամեն ինչում մեղավոր են «նախկինները», որոնք 30 տարվա ընթացքում կառուցել են միայն մեկ աշխատող համակարգ. կազմակերպված կոռուպցիայի համակարգը։ Իսկ ինքը՝ ի՞նչ։ Ի՞նչ կարող էր ինքը հասցնել 3 տարում։ Նա արդեն իսկ խոսում է այդ մասին։
ПОСЛЕДНИЕ ОТ АВТОРА
-
2024-05-18 12:21Конечно, сложная задача сковырнуть Пашиняна с кресла премьера. Возглавляемое архиепископом Багратом Движение готовит вторую волну массовых протестов, но каковы возможные результаты? Рассмотрим некоторые сценарии.
-
2024-05-14 12:30Лидер Движения "Тавуш во имя родины", лидер народных протестов против режима Пашиняна архиепископ Баграт сегодня пойдет на Третий участок - некогда "логово" ереванского электората Пашиняна. Говорить с людьми, слушать их. Делать то, чего не сделала привилегированная структурированная оппозиция, которая любит ворчать на "несознательность народа".
-
2024-05-10 14:07Ох, сколько же протоколов об административных правонарушениях составит сегодня никчемная власть против участников народных протестов! Та самая власть, которая позиционирует себя народной, но так и не желающая признавать, как она надоела народу. Своей постоянно ложью. Своей последовательной сдачей интересов армянской государственности.
-
2024-05-09 13:20Была надежда, что визит Никола Пашиняна в Москву позволит изменить нежелательный ход событий если не на желательный, то, по крайней мере, на менее нежелательный. Не случилось. Визит Пашиняна в Москву не привнес позитива, если под этим понятием иметь в виду нормализацию армяно-российских отношений. Путин и Пашинян, выйдя после непродолжительных с учетом накопившихся тем и проблем переговоров, даже не смотрели друг на друга…, не то, чтобы обменяться парой словечек для телекамер.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-08 08:59Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ: