Последние новости

ՃԻՇՏ ԿԼԻՆԵՐ ՍՓՅՈՒՌՔԸ ՆԵՐԱՌԵԼ ՀԱՅԱՍՏԱՆԻ ԿՅԱՆՔԻ ՄԵՋ

Արդեն 15 տարի է, ինչ մարսելցի մեր հայրենակից Կարեն ԽՈՒՐՇՈՒԴՅԱՆԸ բարձր է պահում Հայոց եռագույն դրոշը Ֆրանսիայում: Եվ դա պատահական չէ: Կարենի Վիքիպեդիայի էջում կենսագրության, կրթության, գործունեության, կյանքի հիմնական փուլերի մասին տեղեկությունից բացի նշված են նրա բազմաթիվ ուսուցիչների անունները, որոնցից յուրաքանչյուրը` դպրոցում, պարարվեստի ոլորտում, համալսարանների իրավաբանական ֆակուլտետներում իր կարևոր դերն է ունեցել Կարենի բազմակողմանի զարգացման մեջ, կերտելով իրենից պարող, ուսուցիչ իրավաբան, բանաստեղծ, գրող, թարգմանիչ, հասարակական գործիչ և, վերջապես, հայրենասեր:

БЫЛО БЫ ВЕРНО ВОВЛЕЧЬ ДИАСПОРУ В ЖИЗНЬ АРМЕНИИԿԱՐԵՆ ԽՈՒՐՇՈՒԴՅԱՆԸ գիտակցում է մանկավարժության կարեվորությունը, հատկապես օտար երկրում, որտեղ մեծ է ուծացման և ազգային արմատներից կտրվելու վտանգը: Ֆրանսիա տեղափոխվելուց հետո նա գրեթե անմիջապես ակտիվ աշխատանք ծավալեց Մարսելի «Խաչատուր Աբովյան» վարժարանում, որի ղեկավարությունը ստանձնեց 2016 թ. և կարողացավ աշակերտների թիվը 8-ից հասցնել 200-ը: Կարենի քրտնաջան աշխատանքի շնորհիվ կիրակնօրյա վարժարանի ծրագիրը հարստացավ զանազան առարկաներով: Այսօր այն ներառում է հայոց լեզու, գրականություն, եկեղեցու պատմություն, երգ, այդ թվում երգչախմբային, ազգային պար, դաշնամուր, նկարչություն, շախմատ առարկաները: Այս ծավալուն աշխատանքը վարժարանի ամբողջ կոլեկտիվը իրականացնում է մեծ նվիրատվությամբ, որպեսզի փոքրիկ Հայաստանը վառ մնա Ֆրանսիայի սրտում:

«Մենք ամեն ինչ անում ենք, որ մեր երեխաները ոչ միայն բազմակողմանի զարգացման հնարավորություն ունենան, այլև առաջին հերթին հայ մնան, - նշեց Կարեն Խուրշուդյանը: - Որպես Սփյուռքի ներկայացուցիչ` ես իմ պարտքն եմ համարում պահպանել և փոխանցել սերունդներին հայոց պատմությունը, մշակույթը, լեզուն, անել ամենինչ, որպեսզի նրանք ապրեն խաչքարերն ու Արարատը հիշելով: Հսկայական Ֆրանսիայում՝ իր 70 միլիոն բնակչությունով, դժվար է պահպանել ազգային ինքնությունը, բայց ես փորձում եմ փոխանցել աշակերտներին իմ ամբողջ սերը դեպի մեր հայրենիք, խոսում եմ հայկական արմատները պահպանելու կարևորության մասին և նրանց մեջ հայրենասիրություն սերմանում»:

Կարենը վերջերս այցելեց Հայաստան, որտեղ ներկայացրեց իր առաջին գիրքը՝ «Աստծո Ոստան» բանաստեղծությունների և պոեմների ժողովածուն: Այն լույս է ընծայել «Արմավ» հրատարակչությունը: Գրքի շապիկին՝ ճերմակ Արարատն է և հունական՝ հաղթանակի աստվածուհի Նիկեի մարմարե քանդակը: Ըստ հեղինակի, այս ձևավորումը նպատակ ունի հայ ժողովրդին ավելի մոտեցնել ապագա հաղթանակին, որին Կարենը անվերապահորեն հավատում է:

«Ես ծնվել եմ Էջմիածին-Վաղարշապատ քաղաքում, ավարտել եմ թիվ 1 դպրոցը, որն այժմ կրում է մեծն Մեսրոպ Մաշտոցի անունը: Գերազանց ավարտել եմ Արմավիրի և Երևանի Հյուսիսային համալսարանների իրավաբանական ֆակուլտետները: Հետո եղել եմ ՀՀ ԳԱԱ փիլիսոփայության, սոցիոլոգիայի և իրավունքի ինստիտուտի ասպիրանտ-հայցող: Դպրոցական տարիներին ուսանել եմ պարարվեստի դպրոցում, հաղթել տարբեր մրցույթներում: Այնուհետև հանդես եմ եկել «Զվարթնոց» համույթի կազմում, իսկ երբ համույթի ղեկավար Իրինա Սարուխանյանը մեկնեց ԱՄՆ ես փոխարինեցի իրեն, - իր մասին պատմեց Կարեն Խուրշուդյանը: - Պարային ծրագրերով տեղափոխվեցի Ֆրանսիա, որտեղ դարձա հայկական համայնքի մի մասնիկ մաեստրո Վանուշ Խանամիրյանի շնորհիվ: Նա ներկայացրեց ինձ որպես հայկական պարերի նոր ուսուցիչ: Վ.Խանամիրյանը նաև պահանջեց, որպեսզի ես շարունակեմ իր գործը և Ֆրանսիայում բեմադրեմ իր հեղինակային պարային համարներից մեկը՝ «Էշխեմետը»: Այս բեմադրությունը մեծ հաջողություն ունեցավ ոչ միայն Ֆրանսիայի տարբեր քաղաքներում, այլ նաև Բուլղարիայում, Շվեյցարիայում և այլ երկրներում:

Карен ХуршудянՍերը գրականության հանդեպ Կարենի հոգում ծագեց դեռ պատանի տարիներին: Դա, ասես, գաղտնի մի աշխարհ էր՝ թաքնված ուրիշներից, նրա անձնական տարածքը, որտեղ մուտքը խստորեն սահմանափակ էր: Առաջին քայլերը պոեզիայում նա արեց դեռ դպրոցի և հետո համալսարանի տարիներին, ստեղծելով ընկերներին և ուսուցիչներին նվիրված ակրոստիքոսներ: Ֆրանսիայում Կարենը շարունակում էր գրել, բայց կրկին իր համար: Մի անգամ մի դեպք ստիպեց նրան լուրջ խորհել Աստծուց իրեն տրված այս շնորքի մասին: Երբ մի քանի տարի առաջ Ֆրանսիայում չընդունվեց Հայոց ցեղասպանությունը ժխտելու համար քրեական պատժի մասին օրենքի նախագիծը, Կարենը վրդովվեց և իր ձեռագիր տետրերից մեկը նետեց բուխարի: Թուղթը բռնկվեց, և հանկարծ բացվեց մի էջ, որտեղ Կարենը հասցրեց կարդալ հետևյալ տողը՝ «Թող ինձ էլ ներվի այս մեղքը»: Նույն օրը նա հասկացավ, որ պետք է լուրջ զբաղվի գրականությամբ:

Խուրշուդյանի բանաստեղծությունները հասու դարձան ընթերցողին անցյալ տարի, երբ սկսվեց քովիդային համաճարակը: Բոլորի պես տանը փակված, նա որոշեց հրապարակել իր պոեզիայի նմուշներից: Բանաստեղծությունները մեկ առ մեկ սկսեցին հայտնվել իր ֆեյսբուքյան էջում, օրեցօր ավելի շատ ընթերցողներ ձեռք բերելով: Ի վերջո, Կարեն Խուրշուդյանի պոեզիան, ինչպես երևանյան շնորհանդեսին նշեց ՀՀ ԳԱ թղթակից անդամ, բանասիրական գիտությունների դոկտոր, պրոֆեսոր Աելիտա Դոլուխանյանը, հավաքել է իր մեջ «ամբողջ աշխարհի թթխմորը»:

«Ինձ ոգեշնչեցին տարբեր երկրների պատմությունները, մշակույթը, խորհրդանիշները՝ Հայաստանի, Ֆրանսիայի, Եգիպտոսի, Հնդկաստանի, Հունաստանի և այլն: «Սամոթրասի Նիկա» պոեմում ես վերհանեցի Նիկեյի մարմարե արձանի պատմությունը, որը 1863 թ. Սամոթրակիա կղզում հայտնաբերել է ֆրանսիացի Շառլ Շամպուազոն: Այժմ այն գտնվում է Լուվրում: Մարմարե Նիկեն կարծես հավերժ մի կերպար է, ստեղծված սերունդներին ոգեշնչելու և նոր իդեալներ ստեղծելու համար: Իմ մեկ այլ բանաստեղծություն` «Աբովյան, Ոդիսական մեր հայոց» կյանքի հավերժության մասին է: Աբովյանը կենդանի է, քանի դեռ աշխարհում կան հայեր և հայոց լեզու, - բացատրեց Կարենը, նշելով, որ, ըստ Ա. Դոլուխանյանի, այս բանաստեղծությունը պետք է ներառվի դպրոցական և համալսարանական «Հայ գրականություն» դասագրքերում, որպեսզի սերունդներ կրթի: - «Ապրիլ, դու մեր Գողգոթան ես» պոեմում ես ընթերցողին տանում եմ դեպի այն ​​գաղափար, որ 1915 թ. Հայոց ցեղասպանությունը խաչելության սար է դարձել մեր ժողովրդի համար: Ես հնարավորություն ունեցա զրուցելու Մեծ եղեռնը վերապրածներից որոշների հետ: Ցավոք, նրանցից երկուսն այլևս մեզ հետ չեն, բայց ես ուրախ եմ, որ նրանց պատմությունները հասցրեցի գրի առնել»:

Կարեն Խուրշուդյանի երկու բանաստեղծություններ՝ շնորհիվ կոմպոզիտոր Մարինե Գյուլումյանի արդեն երգերի են վերածվել: Ընթացքում Է Միլենա Մութաֆյանի երգը՝ գրված «Աստծո Ոստան» գրքի բանաստեղծություններից մեկի բառերով: Երգերն արդեն հնչել են անվանի երգիչների կատարմամբ: Ի դեպ, Կ.Խուրշուդյանի երկրորդ գիրքն արդեն տպարանում է, երրորդը խմբագրման ընթացքում: Չի բացառվում, որ շուտով Կարեն Խուրշուդյանը իր նոր գրքերի շնորհանդեսը կազմակերպի:

«Իմ բոլոր գրքերը պետք է լույս տեսնեն Հայաստանում, հետո նոր կներկայացվեն Սփյուռքում և, իհարկե, Մարսելի մեր վարժարանում: Ես երջանիկ եմ, որ մասն եմ կազմում այս հոյակապ կրթական օջախի, որտեղ բոլորը՝ տարեց թե երիտասարդ սիրում և հարգում են միմյանց, գնահատում են միմյանց աշխատանքը: Մենք բոլորս սպիտակ ձիերով Ավարայրի Վարդաններ ենք, պատրաստ մեր գիտելիքներն ու փորձը փոխանցելու մատաղ սերնդին, նրանց դաստիարակելով հայեցի՝ ազգային հայացքների, մտածողություն և կրթության տեր: Համոզված եմ. եթե այսօր վար դնեմ ղեկավարի մանդատը, վարժարանը մեկ է կշարունակի զարգանալ, քանզի ես կարողացա այն ճիշտ ուղու վրա դնել: Իմ երկարաժամկետ ծրագիրն է այս կիրակնօրյա կրթօջախը դարձնել ամենօրյա՝ ամեն ինչ կախված է լուրջ ֆինանսական ներդրումներից: Սահմանափակ պետական ​​սուբսիդիան բավարար է դեռ միայն մեկօրյա վարժարանի նվազագույն ծախսերը ապահովելու համար»:

Արցախյան երկրորդ պատերազմի առաջին օրվանից Կարեն Խուրշուդյանը լծվել է նաև հայրենանպաստ այլ աշխատանքի՝ մարդասիրական օգնություն ուղարկելուն Արցախից բռնի տեղահանված հայրենակիցներին, զոհված և վիրավոր զինվորների ընտանիքներին: Չարաբաստիկ սեպտեմբերի 29-ից սոցիալական ցանցերում նա առաջնագծի և թիկունքի համար օգնության կոչ արեց, հավաքելով այս գործի շուրջ բազում ֆրանսահայերի: Իր սոցցանցերի բազմաթիվ ընկերները անտարբեր չմնացին իրենց պատմական հայրենիքում տեղի ունեցածի նկատմամբ: Ըստ Կարենի, ուղարկում էին ով ինչ կարող էր՝ հայ զինվորներին անհրաժեշտ դեղեր, հեռադիտակներ, ուսապարկեր, քնապարկեր և այլն, կազմակերպում էին իրերի առաքումը Երևան: Ֆրանսիայում հայերից ոմանք բանկերից վարկեր էին վերցնում `Հայաստանին և Արցախին օգնելու համար:

«ԱՆՉԱՓ ՇՆՈՐՀԱԿԱԼ ԵՄ ԲՈԼՈՐԻՑ, ՈՎ ԱՆԳԱՄ ԳԻՇԵՐՆԵՐԸ՝ Ֆրանսիայում պարետային ժամի և համաճարակի պայմաններում, հազարավոր կիլոմետրեր էին կտրում ամեն ինչ մեզ հասցնելու համար՝ առաջին անհրաժեշտության իրերից սկսած մինչև տուփեր, օգնում էին փաթեթավորել օգնությունը և ուղարկել Հայաստան: Շնորհակալություն Ֆրանսիայի տեղական իշխանություններին, որոնք նույնպես օգնեցին բեռնափոխադրման հարցերում: Միասին մենք կարողացանք մեր ժողովրդի կողքին լինել այդ դժվար օրերին», - ասաց Կարեն Խուրշուդյանը և շարունակեց. «Ես շատ եմ ուզում, որ այս միասնությունը ավելի հզորանա թե Հայաստանում, թե Սփյուռքում, որը այսօր, ցավոք, բաժանված է երկու հիմնական մասի՝ ներկայացուցչական մարմնի և իրական համայնքի: Մենք շատ ջանքեր ենք գործադրում օգնելու ԽՍՀՄ փլուզումից հետո Ֆրանսիա գաղթած մեր հայրենակիցներին, որպեսզի իրենք իրենց արժանի տեղը գտնեն Սփյուռքում: Այնուամենայնիվ, ես ամեն անգամ արցունքներով եմ դիմավորում մեր վարժարան եկած նոր հայ երեխաների: Չէ՞ որ իրենք կտրվում են հայրենիքից: Ես շատ եմ ուզում մի օր սերիալների փոխարեն տեսնել եթերում հայրենասիրական հաղորդումներ, սփյուռքի մասին հաղորդաշարեր, որոնք կներկայացնեն իրական կյանքը օտարության մեջ: Հուսամ դա կօգնի կանխել մեր ժողովրդի արտագաղթը»:

Կարեն Խուրշուդյանը նշեց, որ իր առաքելությունը դեռ Մարսելի հետ է կապված, որտեղ նա առաջնորդեց հայությունը և տարավ ազգային ինքնության պահպանման համար պայքարի ճանապարհով:

«Ես կցանկանայի տեսնել Հայաստանում նոր իշխանության ինստիտուտի ձևավորումը՝ ազգային համագումարի, կոնգրեսի տեսքով, - ասաց Կարենը, - որպեսզի տարբեր երկրներում Հայաստանի հյուպատոսություններում և դեսպանություններում կատարվեն ընտրություններ, և ամեն 30-50 հազար հայաբնակ օջախներում ընտրվեն կոնգրեսականներ, ՀՀ ԱԺ-ի և կառավարության հետ ձևավորեն ՀՀ Կոնգրեսը, որը լինի բարձրագույն կոնսուլտատիվ օրգան և Սփյուռքից ոչ միայն ֆինանսներ, աշխատատեղ կամ ներդրում ակնկալի, այլև օգնի Սփյուռքին դառնալ Հայոց պետության ռեալ մասնակից և պետության համար պատասխանատվություն կրող։ Հայաստանն էլ իր հերթին պետք է մեծ ներդրումներ անի համայնքներում իրենց հզորացնելու, այնտեղ ազգային դպրոցներ բացելու համար։ Միայն համայն հայոց միասնության դեպքում մենք կկարողանանք բարձունքների հասնել և հաղթանակներ արձանագրել»:

Основная тема:
Теги:

    ПОСЛЕДНИЕ ОТ АВТОРА

    • «МАМИНЫ ПЛАТЬЯ» НА ОТКРЫТОМ ДЕФИЛЕ
      2024-03-28 10:53

      Месяц женских праздников, который в Армении отмечается с 8 марта по 7 апреля, не прошел незамеченным со стороны ереванской Школы искусств им. Христофора Кушнаряна. Воспитанники студии изобразительного искусства  вместе с педагогами решили по-своему порадовать мам и других представительниц своих семей и подготовить для них подарок, способный покорить оригинальностью, новизной, непредсказуемостью и любовью.

    • ХУДОЖНИК, ЧЬЯ ДУХОВНОСТЬ НЕ ИМЕЛА ГРАНИЦ
      2024-03-28 10:35

      Имя Аршалуйса Чифликяна вошло в историю разных сфер Армении. Живопись, театр, поэзия, драматургия – несмотря на разброс профессиональных интересов, этот талантливый человек блистал в каждой из них, сумев занять собственную нишу и обрести свой особенный почерк. Приглашением окунуться в одну из сторон его дарования стала выставка в Союзе художников Армении, организованная при поддержке руководства СХ и по инициативе семьи Чифликян. Экспозиция приурочена к 110-летию художника и собрала на своей площадке свидетельства многогранности его дарования лишь в одной сфере – изобразительном искусстве. Она, хоть и припозднилась немного (Чифликян родился 9 сентября 1913 г.), все же вылилась в долгожданную встречу широкой публики с творчеством этого самобытного мастера. На выставке можно увидеть как живописные и графические работы Чифликяна в разных жанрах, так и сценографические, которые потрясают образностью, характерностью и завершенностью.

    • ВЫСТАВКА ПАМЯТИ СПАРАПЕТА ВАЗГЕНА САРКИСЯНА
      2024-03-27 10:33

      В Музее истории Армении открылась экспозиция, посвященная памяти Вазгена Саркисяна - видного военного и политического деятеля, внесшего большой вклад в становление армянской армии и сыгравшего важную роль в победном исходе первой Карабахской войны 1992-94 гг. Выставка организована совместно с Домом-музеем Вазгена Саркисяна и приурочена к 65-летию со дня его рождения, который отмечался 5 марта.

    • ПРИКЛЮЧЕНИЯ ИНДИЙЦА В АРМЕНИИ
      2024-03-26 09:31

      «Жизнь, Любовь, Вино» - так назвал свою книгу об Армении молодой индийский предприниматель и писатель, один из авторов издательства Penguin Harper-Collins Арджун Кришна Лал. В новом сборнике он объединили истории и приключения, которые произошли с ним за два года жизни в Армении, - стране, которую Арджун уже считает своим домом. Презентация прошла в столичном Доме книги «Зангак» в присутствии друзей писателя, членов его семьи, прибывших специально к этому событию в Ереван, представителей индийской общины Армении и всех, кто причастен к выходу в свет этого красочного издания.  Книгу «Жизнь, Любовь, Вино» представлял сам Арджун - на армянском языке, с которого и началось его вхождение в незнакомый, интригующий, отличный от многих стран, но в чем-то схожий с Индией армянский мир.






    ПОСЛЕДНЕЕ ПО ТЕМЕ

    • ՓԱՇԻՆՅԱՆԻ ԿԱԴՐԱՅԻՆ ԽԱՂԱԹՂԹԵՐԻ ՏՐՑԱԿԸ
      2020-09-19 10:30

      Էքսպատներն իշխանության մեջ. տղաներ Չիկագոյից, Օռլովից ու Գլենդեյլից և մեկ աղջիկ Կոպենհագենից Հայաստանի ներկայիս վարչարարների մեծամասնությանը միանգամայն հիմնավորված կարելի է անվանել «չիկագոեցի տղաներ» (իսկ Քաղաքացիական ավիացիայի կոմիտեի նախագահ Տաթևիկ Ռևազյանի պարագայում՝ «աղջիկներ»), քանի որ այդ սահմանումը գործածության մեջ է մտել արմատական բարեփոխումների ընթացքում մարդկանց զրկանքները հաշվի չառնող «շոկային թերապիայի» հայեցակարգի հեղինակ Միլթոն Ֆրիդմանի կողմնակից տնտեսագետների բնորոշման համար։

    • ՍՊԻՏԱԿ ԵՎ ԲԵՅՐՈՒԹ. ԱՂԵՏԻ ԵՐԿՈՒ ԳՈՏԻ՝ ՄԵԿ ՃԱԿԱՏԱԳԻ՞Ր
      2020-08-07 18:15

      Անբաժան զուգահեռներ Հայաստանում և Լիբանանում տեղի ունեցած աղետների միջև «Դու ինչ է, մտադիր ես մեկնել Բեյրո՞ւթ». Հոլիվուդյան այս հանրահայտ հումորային կաղապարը, որպես կանոն, ուղղված էր բազմազան հանդերձավորմամբ գերբեռնված, իսկ երբեմն էլ նաև զինված ամերիկացիներին, որոնք ընդամենը պատրաստվում էին որսի գնալ, մեկնել քաղաքից դուրս կամ մանր քրեական հաշվեպարզումի։

    • Հայ զինվորականի պատվին
      2019-07-25 16:17

      ԱՄՆ-ի Ռազմածովային ուժերի հրամանատարությունը իր նոր ռազմական նավը (Arleigh Burke-class guided missile destroyer) կանվանի հայկական ծագումով ամերիկացի հայտնի զինվորական Փոլ Իգնաթիուսի (Իգնաթոսյան) պատվին: Այս մասին հաղորդում է ԱՄՆ-ի Պաշտպանության նախարարության պաշտոնական կայքը:

    • Կարասին. Հայերը մի մասն են կազմում Ռուսաստանի բազմազգ պետության
      2019-07-23 11:29

      Կայացել է Սփյուռքի գործերի գլխավոր հանձնակատար Զարեհ Սինանյանի և ՌԴ ԱԳ նախարարի տեղակալ, պետքարտուղար Գրիգորի Կարասինի հանդիպումը։ Այն տեղի է ունեցել Զարեհ Սինանյանի` Ռուսաստան կատարած աշխատանքային այցի շրջանակներում: Հանդիպմանը ներկա էր ՌԴ-ում ՀՀ-ի դեսպան Վարդան Տողանյանը: