2021-09-06 19:14
Ашот АРАМЯН
0
ՊԱՐԵՆԱՅԻՆ... ՎՏԱՆԳ, կամ՝ ԱՌԱՍՊԵԼՆԵՐ ՓԱՇԻՆՅԱՆԻ ՀԱՄԱՐ «ՈՍԿԵ» 2019 ԹՎԱԿԱՆԻ ՄԱՍԻՆ
Օրերս Հայաստանի վիճակագրական կոմիտեն հրապարակեց «Պարենային ապահովություն և աղքատություն» հերթական զեկույցը այս տարվա առաջին կիսամյակի վերաբերյալ, որից պարզ է դառնում, որ պարենային անվտանգության կամ սննդամթերքով ինքնապահովվածության մակարդակը Փաշինյանի կառավարման ընթացքում լրջորեն զիջել է դիրքերը:
Մենք արդեն ավելի քան 3 տարի շարունակ կառավարական աշխատասենյակներից ամեն տեսակի պատմություններ ենք լսում գյուղատնտեսության զանգվածային սատարման ծրագրերի մասին, ընդ որում՝ կարևոր ու ընդարձակ ոլորտը կարգավորող պետական մարմնի (գյուղնախարարության) բացակայության պայմաններում: Ագրարային մասնահատվածի համար կիսապատասխանատու էկոնոմիկայի նախարար Վահան Քերոբյանը քիչ է մնում թուքը շաղ տա, երբ հափշտակված պատմում է կաթի գետերի ու մեղրածոր ափերի մասին, որոնք ուր որ է իրականություն են դառնալու օրհնյալ Հայոց աշխարհում։ Իսկ ի՞նչ վիճակ է իրականում։
Իրականում, ինչպես վկայում է հիշյալ վիճակագրական տեղեկագիրը, մեր երկրում 2018 թվականից հետո՝ դրա առավել քան կասկածելի «հեղափոխական» պտուղներով, կրճատվել են ռազմավարական կարևորագույն մշակաբույսերի ցանքատարածությունները, նվազել է խոշոր եղջերավոր անասունների գլխաքանակը, իսկ պարենամթերքի ներկրումն, ընդհակառակը, այնպիսի մասշտաբներ է ընդունել, որ տպավորություն է ստեղծվում, թե բոլոր գյուղացիներին նստեցրել են ջուլհակի հաստոցի առջև կամ հսկիչ կարգել գյուղերի սահմաններին, ինչում էլ տեսնում է գյուղացու աշխատանքի գլխավոր նպատակը նախարար Քերոբյանը:
Սկզբի համար անդրադառնանք ցանքատարածություններին, որոնք նախքան «թավշե հեղափոխությունը» Հայաստանում կազմում էին ավելի քան 242 հազար հեկտար։ Արդեն մեկ տարի անց՝ 2019-ին, ցանքատարածքները կրճատվեցին մինչև 228 հազար հեկտարի, իսկ 2020-ին՝ մինչև 223 հազարի: Ի դեպ, այս նյութում հատուկ ուշադրություն դարձրեք 2019 թվականի՝ իշխանությունների կողմից սիրված և մշտապես հիշատակվող տարվա տարբեր ցուցանիշներին, որը, իրենց ասելով, իրենց կառավարման փոքրիշատե հանգիստ միակն տարին էր, երբ դեռ չկար ո՛չ պատերազմ, ո՛չ համավարակ: Մինչդեռ վիճակագրությունը պնդում է, որ նույնիսկ այդ բարենպաստ պայմաններում Փաշինյանի թիմը հաջողացրեց ապականել նախկին իշխանությունների կողմից ձեռք բերված ցուցանիշների գերակշիռ մասը։
Այսպես, եթե 2018-ին հացահատիկային ու լոբազգի մշակաբույսերի ցանքատարածությունները հասնում էին ավելի քան 130 հազար հեկտարի, ապա ինչպես Փաշինյանի համար «ոսկե» 2019-ին, այնպես էլ 2020-ին դրանք կրճատվել են, հասնելով 122 հազար հեկտարից էլ ցածր թվանիշի։ Մասնավորապես, եթե 2018-ին ցանել են գրեթե 67 հազար հեկտար ցորեն, ապա հաջորդ տարիներին այդ ցուցանիշը 60 հազար հեկտարից էլ պակաս է եղել: Կարտոֆիլ աճեցվում էր ավելի քան 22 հազար հեկտար տարածքում, մինչդեռ 2019-ին և 2020-ին կորսվել է 1,5 հազար հեկտար։
Ապիկար իշխանությունը իր «սիրելի» 2019 թվականին կրճատել է խոշոր եղջերավոր անասունների գլխաքանակը, 591 հազարից հասցնելով 571 հազարի։ Մասնավորապես, կովերի գյխաքանակը մինչ օրս զիջում է 2018-ի ցուցանիշին։
Սեփական արտադրության սննդամթերքի առկայության նվազումը չէր կարող չհանգեցնել դրա ներկրման աճի։ Համեմատենք 2020 թվականի համապատասխան ցուցանիշները 2019-ի հետ: Այսպես, ցորենի ներկրումը 252 հազար տոննայից կտրուկ աճել է մինչև 350 հազար տոննայի, մակարոնեղենը՝ 11 հազարից 14 հազար տոննայի, շաքարը՝ 20 հազարից 43,5 հազար տոննայի, բուսայուղը՝ 28 հազարից 30,6 հազար տոննայի:
Ամենազարմանալին այն է, որ «հեղափոխական» իշխանության գալուց հետո ինչ-որ տեղ կորավ նախորդ տարիներին ձեռք բերված ամբողջական ինքնաբավությունը որոշ կարևոր մթերքների առումով։ Օրինակ, Հայաստանը սկսել է գրեթե երեք անգամ ավելի շատ ձու ներկրել։ Ինչ վերաբերում է պտուղ-բանջարեղենին, ապա եթե 2019 թվականին երկիր է ներկրվել 85 հազար տոննա (որից 2,25 հազար տոննան՝ բոստանային), ապա արդեն հաջորդ տարի՝ 96 հազար տոննա (որից գրեթե 5 հազար տոննան՝ բոստանային)։
ПОСЛЕДНИЕ ОТ АВТОРА
-
New2024-04-29 11:54Кто в здравом уме передает контроль над магистралями другому государству? Правительство Пашиняна пытается внушить нам, что речь идет всего лишь о небольших территориальных уступках в Тавуше, которые, как было сказано и во многих других случаях, не имеют для Армении ключевого значения. Вспомним якобы "непритязательный" Шуши, "бесхозные" заснеженные вершины Ишханасара, "бесхозное" озеро Сев Лич…
-
New2024-04-29 11:14"ГА" уже несколько раз обращался к загадочной истории взлета, начиная с ноября прошлого года, промышленности Армении, которая годами находилась в депрессивном состоянии. Промкомплекс по итогам 1-го квартала этого года продемонстрировал двузначный рост на уровне 130,4% и стал настоящим локомотивом армянской экономики…
-
2024-04-27 11:51Самый дешевый билет в Топ-1000 налогоплательщиков стоит 70 млн драмов Опубликованный 25 апреля Комитетом госдоходов Армении перечень тысячи крупнейших налогоплательщиков страны по итогам января-марта этого года простирается от захватившей лидерство компании-импортера модных гаджетов Mobile Center Art (выплатила в госбюджет в общей сложности чуть более 19,9 млрд драмов - в основном по линии НДС) до замкнувшей топ-1000 малоизвестной фирмы "Си Кью Джи Ай МА" с выплатой в госказну менее 70 млн драмов…
-
2024-04-27 10:37Как вчерашние пламенные "революционеры" превратились в сытых бюргеров Как выяснилось на заседании правительства 25 апреля, Тавуш для властей является полигоном не только для территориальных сокращений, но и полем для экспериментов в сфере образования. Возможно, представленный министром образования, науки, культуры и спорта Жанной Андреасян пилотный проект, по которому выпускные экзамены в школах области станут основой, с учетом полученных баллов, для вступительных экзаменов в вузы, призван подчеркнуть трогательную заботу властей о тавушских школьниках выпускных классов, выступив, по замыслу властей, своеобразной, хотя и жалкой, компенсацией территориальных потерь страны…
ПОСЛЕДНЕЕ ПО ТЕМЕ
-
2019-05-16 12:23Ռուսական կողմն օրեր առաջ հայտարարեց՝ Հայաստանից երկու ընկերությունների կողմից ներկրված ձկներում մկնդեղի ավելցուկ կա։ Թե ինչ է արվել ձկան այդ խմբաքանակի հետ ռուսական կողմը չի տեղեկացրել։