Սև լճի տարածքում ադրբեջանցիները պատրաստվում են ձմեռվան` շինություն են կառուցում. Հակոբյան
Սև լճի տարածքում արդեն ադրբեջանցի զինվորները պատրաստվում են ձմեռվան` հիմնական շինություններ են կառուցում։ Ազգային ժողովում լրագրողների հետ զրույցում ասաց «Հայաստան» խմբակցության պատգամավոր Վահե Հակոբյանը` հավելելով, որ ամենաթողության հետևանք է սա։
Նրա խոսքով` նույն ամենաթողության հետևանքով էլ Որոտանի կողքը` ճանապարհի վրա, ադրբեջանցիները ոստիկանական անցակետ են դրել և իրանական բեռնատարերը կանգնեցնում՝ պետտուրք են գանձում։
«ԱԱԾ-ն հայտարարություն տարածեց այդ մասին՝ Որոտանն անվանելով ադրբեջանական անունով. սա ինչ է նշանակում, որ մեզ կամաց-կամաց սովորեցնում են, թե դա ադրբեջանակա՞ն տարածք է։ Էլ չասեմ` նորմալ չէ, որ ԱԱԾ-ն հայտարարություն է տարածում այն ժամանակ, երբ համացանցում արդեն տեղեկատվությունը տարածվել է։ Հասկանո՞ւմ եք, չէ, որ ադրբեջանական կողմը ցանկացած պահի պարզապես կարող է կտրի Կապանը»,–ասաց Հակոբյանը։
Նրա խոսքով` Սյունիքում բացի անվտանգային հարցերից, նաև տնտեսական խնդիր կա. հարցն այն է, որ 40 տոկոսից ավել ապրանքաշրջանառությունը կատարվում է Իրանի կողմից, և սա կարող է վտանգվել։ Հակոբյանը հավելեց` վստահ է, որ Իրանը կարձագանքի այս միջադեպին։
Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։
Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։
Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։
ПОСЛЕДНИЕ ОТ АВТОРА
-
2024-05-21 11:21
Действующая в Армении власть презираема не только врагом, но и собственным народом. Об этом 21 мая, выступая с трибуны парламента, заявил член фракции оппозиционного блока «Армения» Агван Варданян, передает Verelq.am.
-
2024-05-21 11:19
Официальный представитель Госдепартамента США Мэттью Миллер обвинил власти Ирана в произошедшей авиакатастрофе, в которой погибли президент ИРИ и глава МИД, передает Sputnik Армения.
-
2024-05-21 11:12
Российские войска в ночь и утром 21 мая нанесли удары по Харькову беспилотниками и ракетами, передает News.am.
-
2024-05-21 11:11
ЕС намерен начать официальные переговоры о вступлении Украины и Молдавии 25 июня, сообщает издание Politico со ссылкой на пять дипломатов. "Это дата проведения саммита Европейского совета", - говорится в сообщении издания на сайте, передает Sputnik Армения.