2021-11-24 21:08
Марина МКРТЧЯН
0
«ՄԵԶ ՍՊԱՍՎՈՒՄ Է ԻՐԱԴԱՐՁՈՒԹՅՈՒՆՆԵՐԻ ՍՐԸՆԹԱՑ ԶԱՐԳԱՑՈՒՄ»
Խոշտանգում՝ ստով
Արցախի դեմ թուրք-ադրբեջանական ագրեսիայի մասին ստի 44 օրերը հիմնովին ու տևականորեն խարխլեցին հայ հասարակության վստահությունը պաշտոնական տեղեկատվության նկատմամբ: Մայիսի 12-ին Սյունիքի մարզ զավթիչների ներխուժման մասին հասարակությունը տեղեկացավ «Վերածնվող Հայաստան» կուսակցության առաջնորդ, նախկին մարզպետ Վահե Հակոբյանից: Նրա խոսքերից հայտնի դարձավ նաև զավթած դիրքերում օկուպանտների տեղակայման մասին։ Գործող մարզպետ Մելիքսեթ Պողոսյանը պնդում էր, թե ադրբեջանցիները «մոլորվել են»։ Ասենք, վերջինս մարզպետ է դարձել «հեղափոխությունից» հետո, իսկ մինչ 2018-ի ապրիլ ամիսը Մելիքսեթը հովիվ էր։
Դատելով սոցցանցերում օգտատերերի արձագանքից, հիմնավոր վերստուգման են ենթարկվել պաշտոնական հաղորդագրությունները նոյեմբերի 14-16-ի իրադարձությունների վերաբերյալ, որոնց արդյունքում մենք կորցրել ենք ռազմավարական կարևորության 4 դիրքեր, որոնք թշնամու առջև ճանապարհ են բացում դեպի Սիսիան: Պաշտոնական ատյանների այն հայտարարությունից անմիջապես հետո, թե «դիրքային պատերազմին» հաջորդել է հարաբերական անդորրը, ահազանգ ստացվեց Գեղարքունիքի մարզի Նորաբակ համայնքի ուղղությամբ հայկական դիրքերի գնդակոծման մասին, ինչի հետևանքով զոհվեց ժամկետային 19-ամյա զինծառայող:
Մարդիկ չեն հավատում, թե իշխանությունը շահագրգռված է նոյեմբերի 16-ի մարտական գործողությունների արդյունքում անհայտ կորածների որոնման և գերեվարվածների վերադարձի հարցում: 44-օրյա պատերազմում գերեվարվածների և անհայտ կորածների ծնողները չեն հավատում, թե ռեժիմը ջանքեր է գործադրում իրենց որդիներին վերադարձնելու և գտնելու ուղղությամբ: Հիշո՞ւմ եք Փաշինյանի այն արտահայտությունը, թե գերիները կարող են և համբերել 1-2 ամիս։ Իսկ հայ զինվորների աճյուննե՞րը՝ ամառվա շոգին պոլիէթիլենային պարկերով նետած դիահերձարանի հատակին։ Իսկ իսրայելական դրոննե՞րը Հանրապետության հրապարակի գիշերային երկնքում՝ անկախության 30-ամյակի տոնակատարության օրը: Զոհված զինվորների ծնողները նայում էին դրանց Եռաբլուրի բարձունքից՝ հասկանալով, որ նույնպիսի դրոններ են սպանել իրենց երեխաներին 44-օրյա պատերազմի ժամանակ…
2018-ի գարնան իշխանափոխությունից հետո ռեժիմը բառացիորեն խեղդեց հայ հասարակությանը ստի մեջ։ Սկզբում ժողովրդին խոշտանգում էին երկրորդ նախագահ Ռոբերտ Քոչարյանի և մի խումբ անձանց կողմից 2008-ի մարտի 1-ին սահմանադրական կարգի տապալման մասին ստերով, միաժամանակ թլսորելով շարքային քաղաքացիների գլուխը հայրենական արտադրության մեքենաների և կենցաղային տեխնիկայի ձեռնարկությունների շուտափույթ բացման մասին հեքիաթներով։ Այնուհետ հիմարացնում էին հասարակությունը այն թեզով, թե բանակցությունների արդյունքներով ձեռք բերված որոշումը «պետք է ընդունելի լինի Հայաստանի, Արցախի և Ադրբեջանի ժողովուրդների համար», հետո հարբած Փաշինյանը ուղիղ եթերում սպառնաց նրանց, ովքեր կհամարձակվեն կասկածի տակ առնել գերագույն գլխավոր հրամանատարի իր հմտությունները։
Խայտառակ կապիտուլյացիայից հետո նա ստեց երկրի ամենաբարձր ամբիոնից, թե բանակցությունների ընթացքում պետության նախկին ղեկավարները շոշափել են Շուշին հանձնելու թեման։ Կապիտուլյանտի այդ սուտը հերքեց Հայաստանի ԱԳՆ-ն, հաղորդելով, որ Շուշիի թեման բանակցությունների ընթացքում չի շոշափվել ոչ մի անգամ…
Փաշինյանի ստերի անթոլոգիան լի է հարյուրավոր հրեշավոր օրինակներով, սակայն յուրաքանչյուր իշխանություն վստահության իր լիմիտն ունի և մի օր այն սպառվում է։ Չնայած քարոզչությունն ուժգնացնելու համար ձեռնարկվող աննախադեպ միջոցներին՝ նոյեմբերի 16-ից հետո ռեժիմը, ըստ էության, զուր է կոկորդ պատռում. Փաշինյանին հաստատ չեն հավատում նույնիսկ սեփական թիմի անդամները։ Բոլորն էլ հասկանում են, որ ցանկացած պահի կարող են հայտնվել պաշտպանության նախկին նախարար Դավիթ Տոնոյանի վիճակում, որը սպասում էր նոր նշանակման, իսկ փոխարենը ստացավ բանտախուց։ Տոնոյանը շատերին է ասել, որ իրեն նոր պաշտոն են խոստացել։ Ստացվում է, որ Փաշինյանը նրան էլ խաբեց, մինչդեռ ժամանակին ամենամտերիմ թիմակիցներ էին…
Ընդդիմադիր ուժերը պատրա՞ստ են համախմբման
Հիմքեր կան ենթադրելու, որ համատարած անվստահության մթնոլորտը շատ շուտով կփոխարկվի զանգվածային նոր ակցիաների՝ ռեժիմի հրաժարականի պահանջով։ Նոյեմբերի 22-ին մեկնարկել են վերկուսակցական «Ազատագրական շարժման» ակցիաները՝ ժողովրդին այն փաստաթուղթը ներկայացնելու պահանջով, որը Փաշինյանը մտադիր է ստորագրել, և որը միանգամայն ընդունելի է համարում հայկական շահերի տեսանկյունից: Նոյեմբերի 23-ին ակցիաները շարունակվեցին Հանրապետության հրապարակում և մայրաքաղաքի կենտրոնական փողոցներում: Կազմակերպիչների դերում հանդես են եկել «5165» կուսակցության առաջնորդ Կարին Տոնոյանը, «Զարթոնք» կուսակցության առաջնորդ Արա Զոհրաբյանը, «Կամք» շարժման առաջնորդ Վահագն Չախալյանը, խորհրդարանի նախկին պատգամավոր Սոֆյա Հովսեփյանը և այլք:
Խորհրդարանի առջեվ «Ազատագրական շարժման» ակցիային աջակցեցին «Հայաստան» և «Պատիվ ունեմ» խմբակցությունների պատգամավորները: Ստորագրման պատրաստ փաստաթուղթը հրապարակելու պահանջի հետ մեկտեղ, մասնակիցները բարձրաձայն հնչեցնում էին անառարկելի ճշմարտությունը, որ ռեժիմի պարագլուխը մշտապես ստում է, և նրան չի կարելի հավատալ…
Չնայած մասնակիցների ոչ մեծ թվաքանակին՝ «Ազատագրական շարժման» ակցիաները վկայում են, որ հասարակության ակտիվ հատվածը պատրաստ է փողոցային պայքարի։ Պատգամավոր Վահե Հակոբյանի կանխատեսմամբ՝ «մեզ սպասվում է իրադարձությունների սրընթաց զարգացում, շատ շուտով իրավիճակը շեշտակի կփոխվի, ինչին մեծապես կնպաստի Դիմադրության շարժումը, որը մեր աչքի առաջ համաժողովրդական մասշտաբներ է ստանում»:
Այդուհանդերձ հարկ է նշել, որ նոյեմբերի 22-23-ի ակցիաների կազմակերպիչները կապ չունեն Դիմադրության շարժման հետ, նրանք իրենց անվանում են ազգային-ազատագրական պայքարի մասնակիցներ և, ինչը ցուցանշական է, շեշտը չեն դնում Փաշինյանի հրաժարականի պահանջի վրա... Լոկ առա՞յժմ:
Փաշինյանը հասկանում է, որ իր իշխանությունը մազից կախված է
Աճող լարվածությունն ինչ-որ կերպ լիցքաթափելու համար ռեժիմի քարոզչամեքենան շրջանառության մեջ է դրել թարմ թեզն այն մասին, թե Ռոբերտ Քոչարյանն ու ՀՅԴ-ն հայ ժողովրդին տանում են պետականության կորստի ճանապարհով՝ դեպի Ռուսաստան-Բելառուս միութենական պետություն։
Հակակոռուպցիոն կոմիտեում Սերժ Սարգսյանի հարցաքննությունը՝ որպես մեղադրյալի, ևս մեկ ապացույցն էր այն փաստի, որ ռեժիմի պարագլուխը փորձում է երկրորդ անգամ խաղարկել երկրորդ և երրորդ նախագահների խաղաքարտը։ Այս փորձը վկայում է այն մասին, որ Փաշինյանն իրեն լիովին հաշիվ է տալիս, որ իր իշխանությունը մազից է կախված։ Կապիտուլյանտը խուճապահար է, գիտակցելով, որ այն խաղը, որում իրեն հատկացված էր «հարբած ծաղրածուի» (Ալիևի բնորոշումը) և թուրք-սորոսական խամաճիկի դերը, մոտենում է ավարտին:
Պատահական չէ, որ Փաշինյանի աչքին դավադրություններ են երևում, իսկ ԶԼՄ-ներ արտահոսած տեղեկությունները ՊՆ աշխատակիցների հարցաքննության մասին՝ նրանց խոսակցությունների գաղտնալսումից հետո, լոկ ամբողջացրեց կապիտուլյանտի դիմանկարը՝ 7 մլն դոլար արժողությամբ գաղտնալսող սարքի գնման խորապատկերին։
Նիկոլին այնքան է զայրացրել այն, թե ինչ են իր մասին խոսել ու ինչպես են իրեն անվանել Պաշտպանության նախարարության աշխատողները, որ հրամայել է «բացատրական» աշխատանք տանել նրանց հետ։ Աշխատակիցներին կանչել են ուր որ հարկն է և պահանջել հրապարակավ հրաժարվել իրենց արտահայտություններից։ Այս փաստը հայտնվեց ԶԼՄ-ների էջերում, նախարարությունից հաջորդեց հերքումը, որին ոչ ոք չհավատաց։ Արծրուն Հովհաննիսյանի ստերից հետո ՊՆ-ի հաղորդագրություններին հավատում են միայն այն դեպքում, եթե դրանք հաստատվում են այլ աղբյուրներից ստացվող տեղեկությամբ: Ասում են, որ այդ գերատեսչությունը դեռևս փնտրում ու չի կարողանում մամուլի նոր խոսնակ գտնել իր համար…
ПОСЛЕДНИЕ ОТ АВТОРА
-
2024-04-18 11:18Ровно 20 лет назад (12 апреля 2004 г.) на проспекте маршала Баграмяна полиция разогнала акцию оппозиции, которая больше напоминала народные гуляния под музыку. Потом противники Роберта Кочаряна годами говорили о том, что вооруженные дубинками малиновые береты выбежали из помещения паспортного контроля парламента. Спикера Артура Багдасаряна сразу обвинили в пособничестве карательным действиям, полицейских годами уличали в превышении силы по разным эпизодам, все европейские посольства осудили действия властей, а лидер партии "Национальное единение" Арташес Гегамян рассказал в интервью американской радиостанции "Свобода" о том, как полицейской ударил его дубинкой по спине…
-
2024-04-18 10:10Европа готова предоставить РА вооружения оборонительного характера, которыми невозможно воевать, зато они сгодятся для разгона массовых акций с требованием отставки Пашиняна. Обещанные в Брюсселе миллионы рассчитаны на поступление в течение 4 лет, хотя в 2026 г. в РА должны состояться очередные парламентские выборы. Нет ни малейшей гарантии, что по их итогам Пашинян вернется в кресло премьер-министра, ибо ГД может сформировать большинство в новом парламенте только ценой тотальных фальсификаций и массового надругательства над волеизъявлением граждан.
-
2024-04-17 12:38Карен Саркисян, который представляется социологом-аналитиком, сказал в эфире одного из телеканалов власти: "Пришло время закрыть какой-то там "Дом Достоевского" и "Дом русской книги"". Лидер карликовой партии христианских демократов Левон Ширинян в эфире другого телеканала власти объявил, что "армянам следует избавиться от всего истинно русского", например, от писателя Достоевского, который был "настоящим русским". На Украине пошли дальше господина социолога, там просто сожгли книги на русском языке, а Достоевский никогда не был "настоящим русским", отец великого писателя был литовцем по фамилии Достаускас.
-
2024-04-16 11:0126 апреля 2018 г. с трибуны митинга на площади Республики Пашинян произнес знаковую фразу: "Или я буду избран премьером по требованию и предложению народа, или в Армении, вообще, не будет избран премьер-министр!" 6 лет спустя эта фраза звучала бы так: "Или я останусь на посту премьера Армении, или не будет самой Армении!"
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։