Последние новости

Սերժ Սարգսյա․ ԱՐՑԱԽԻ ԲՆԱԿԻՉՆԵՐԻ ԻՆՔՆՈՐՈՇՄԱՆ ԻՐԱՎՈՒՆՔԸ ԱՌԵՎՏՐԻ ԱՌԱՐԿԱ ՉԻ ԿԱՐՈՂ ԼԻՆԵԼ (ՏԵՍԱՆՅՈՒԹ)

Բանակն ու դիվանագիտական կորպուսը, որոնք երեք տարվա ընթացքում հիմնովին փլուզվել են պոպուլիստական ռեժիմի կողմից, չկարողացան դիմակայել ադրբեջանական ագրեսիային, «XXI դարի գլոբալ մարտահրավերները. միջկուսակցական հարթություն» թեմայով միջազգային միջկուսակցական տեսակոնֆերանսին հայտարարել է ՀՀ երրորդ նախագահ, ՀՀԿ նախագահ Սերժ Սարգսյանը։

 

 

«Մենք ապրում ենք մի ժամանակաշրջանում, երբ կորոնավիրուսի համավարակի պատճառով քննություն ենք հանձնում պատմության և մեր սերունդների առջև: Մեր երկրների միլիոնավոր քաղաքացիներ պայքարում են կյանքի իրենց իրավունքի համար, և մեր պետական համակարգերը պարտավոր են դեմքով շրջվել դեպի քաղաքացիներն ու ապացուցել իրենց արդյունավետությունը։

Ավաղ, այս իրավիճակում ոչ բոլոր երկրների ժողովուրդներին են բաժին ընկել բանիմաց, պատասխանատու և արդյունավետ ղեկավարներ։ Նախքան կորոնավիրուսը՝ աշխարհի բազմաթիվ երկրներ, այդ թվում Հայաստանը, ախտահարվեցին ծայրաստիճան վտանգավոր մեկ այլ վիրուսով. պոպուլիզմի վիրուսով։ Սա մեծ ցավով եմ նշում, քանի որ իմ երկիրը առ այսօր իր վրա զգում է դիլետանտ-պոպուլիստների ապաշնորհ կառավարման ծանր հետևանքները, և կորոնավիրուսը մեզ բաժին ընկած բնավ միակ փորձությունը չէր», - նշել է ՀՀ երրորդ նախագահը։

Նա ընդգծել է՝ անցած տարվա սեպտեմբերի 27-ին մենք լայնամասշտաբ ագրեսիայի ենթարկվեցինք Ադրբեջանի կողմից, որին անմիջականորեն և անթաքույց սատարում էին Թուրքիան և Մերձավոր Արևելքից բերված վարձկանները։

«Պատերազմը, որտեղ կիրառվում էին միջազգային իրավունքով արգելված զինատեսակներ, աղետալի հետևանքներ ունեցավ իմ ժողովրդի համար՝ խլելով հազարավոր երիտասարդների կյանքեր, անօթևան թողնելով տասնյակ հազարավոր մարդկանց, թշնամական գերության մեջ նետելով մեր հարյուրավոր հայրենակիցների, որոնց գերակշիռ մասին Ադրբեջանը մինչ օրս, պատերազմից ավելի քան մեկ տարի անց, պահում և խոշտանգումների է ենթարկում Բաքվի բանտերում։ Օգտվելով Հայաստանում գործող թուլակամ և պոպուլիստ իշխանության վարքագծից, ինչպես նաև շահագրգիռ արտաքին ուժերի թողտվությունից, որոնք երեք տարի առաջ որոշակի նպատակներով օգնեցին նրանց իշխանության գալ հայտնի տեխնոլոգիաների միջոցով, Ադրբեջանն այսօր էլ ոտնձգություններ է կատարում Հայաստանի Հանրապետության ինքնիշխան տարածքի նկատմամբ, ահաբեկում սահմանամերձ բնակավայրերի խաղաղ քաղաքացիներին, սադրում ռազմական բախումներ և շարունակում գերեվարել նոր զինվորների։

Հայաստանը դարձել է մի երկիր, որի օրինակով քաղաքագիտությունը կարող է ուսումնասիրել տգետ պոպուլիստների կառավարման կործանարար հետևանքները։

Բանակն ու դիվանագիտական կորպուսը, որոնք երեք տարվա ընթացքում հիմնովին փլուզվել են պոպուլիստական ռեժիմի կողմից, չկարողացան դիմակայել ադրբեջանական ագրեսիային։ Եվս մեկ անգամ վերահաստատում եմ, որ սա ոչ թե մեր ժողովրդի, այլ հանցավոր անպատասխանատու դեմագոգների խմբի պարտությունն է», - ասել է Սերժ Սարգսյանը։

    ПОСЛЕДНИЕ ОТ АВТОРА

    • "ЛАЗАРЕВСКИЙ КЛУБ" ВНОВЬ ПОДДЕРЖИВАЕТ РУССКОЯЗЫЧНЫЕ СМИ АРМЕНИИ
      2022-01-19 13:26
      148

      Российско-армянские отношения, формировавшиеся веками на основе глубокого проникновения исторических, духовных и культурных связей, единых цивилизационных взглядов и стремления наших народов сохранить мир, сегодня подвергаются серьезным испытаниям.

    • КЛИЕНТЫ АМЕРИАБАНКА МОГУТ ВОСПОЛЬЗОВАТЬСЯ APPLE PAY
      2022-01-18 15:38
      540

      Клиенты Америабанка с сегодняшнего дня могут использовать более обеспеченный, безопасный и надежный платежный инструмент Apple Pay. Это поможет им избежать передачи своей платежной карты другим людям, прикосновения к кнопкам платежного терминала или обмена наличными, сообщили в пресс-службе банка.

    • АРДШИНБАНК ПРЕДОСТАВЛЯЕТ КЛИЕНТАМ APPLE PAY
      2022-01-18 12:21
      592

      Более безопасный и конфиденциальный способ оплаты с помощью iPhone и Apple Watch Ардшинбанк предлагает своим клиентам Apple Pay более безопасный, надежный и конфиденциальный способ оплаты, который поможет им избежать передачи данных своей платежной карты другим лицам, а также физического касания кнопок или обмена наличными, и использует возможности iPhone для защиты каждой транзакции.

    • Газета "Голос Армении" отныне будет выходить по средам
      2022-01-17 19:53
      629

      Уважаемые читатели! Сообщаем, что отныне бумажная версия газеты "Голос Армении" будет выходить не по вторникам, как раньше, а по средам.






    ПОСЛЕДНЕЕ ПО ТЕМЕ