Սամվել Մարտիրոսյան․ Մի՛ մուտքագրեք ձեր գաղտնաբառն ամեն անհայտ հղումով
Տեղեկատվական անվտանգության հարցերով փորձագետ Սամվել Մարտիրոսյանը օգտատերերին զգուշացրել է, որ Հայաստանում մեծ թվով «Ինստագրամ» ու «Ֆեյսբուք» հաշիվներ են կոտրվում։ Փորձագետը հուշել է՝ ինչպես է պետք վարվել սեփական պրոֆիլներն անվտանգ պահելու համար։ Նա հորդորել է լուրջ մոտենալ հարցին։
«Ցավոք, ես չէի պատկերացնում Հայաստանում «Ինստագրամ» ու «Ֆեյսբուք» պրոֆիլների կոտրվելու մասշտաբները։ Աննկարագրելի քանակի հաշիվներ են կոտրվում։ Ու անընդհատ, դադար չկա։
Մարդիկ ահավոր անլուրջ են մոտենում իրենց հաշիվների անվտանգությանը։ Մարդը կարող է մեծ գումարներ ներդնել, խանութ ստեղծել «Ինստագրամում» ու մեկ րոպեում այն կորցնել, քանի որ չի մտածում անվտանգության մասին։ Ոնց որ իրական կյանքում խանութ բացես, բայց ոչ միայն դուռը փական չունենա, տո դուռ էլ չդնես։
Դպրոցական երեխեքի հաշիվները տոննաներով կոտրում են, նամակագրությունները դնում՝ բաց, խայտառակ ֆոտոշոփեր անում և այլն, և այլն, և այլն․․․
Կոտրված հաշիվը հետ բերելը շատ բարդ է, հիմնականում անհնարին։ Բախտի հարց է։ Դրա համար ավելի լավ է գործը դրան չհասցնեք։
Մի՛ մուտքագրեք ձեր գաղտնաբառն՝ ամեն անհայտ հղումով։ Մի՛ մասնակցեք անհասկանալի մրցույթների։ Մի՛ հավատացեք, որ բան եք շահել։ Մի՛ հավատացեք ամեն մի վախենալու նամակի՝ իբր «Ֆեյսբուքից» կամ «Ինստագրամից»։ Եթե գաղտնաբառն եք մուտքագրում, տասն անգամ համոզվեք, որ հասցեն հենց սոցցանցինն է, այլ ոչ թե նման մի բան։ Դժվա՞ր է․ լուրջ, չեմ հասկանում։
Եթե կոտրել են, փորձեք այս հղումներով։ Ու հույս չունենաք, որ փողով ինչ֊որ «բարի» հաքերներ ձեզ հետո կօգնեն, եթե չստացվի վերականգնել։
«Ֆեյսբուքը» վերականգնելու համար․ https://www.facebook.com/hacked
«Ինստագրամը» վերականգնելու համար․ https://help.instagram.com/149494825257596...», - գրել է Սամվել Մարտիրոսյանը, տեղեկացնում է Aysor.am-ը։
ПОСЛЕДНИЕ ОТ АВТОРА
-
2022-01-25 19:27198Об этом сообщает Госслужба по чрезвычайным ситуациям МВД Карабаха.
-
2022-01-25 18:31222Председатель Комитета защиты свободы слова Ашот Меликян подвел на пресс-конференции во вторник итоги 2021 года и сообщил, что налицо ухудшение отношения к СМИ.
-
2022-01-25 18:28273Авиация ВС Армении пополнилась современными многофункциональными новыми вертолетами, которые предназначены для выполнения десантных, огневых, транспортных и санитарных задач, сообщает пресс-служба армянского оборонного ведомства.
-
2022-01-25 17:58282Строительство 23-километровой трассы Квешети - Коби через Крестовый перевал в объезд лавиноопасного участка на Военно-грузинской дороге вошло в активную фазу, сообщили «Интерфаксу» в министерстве регионального развития Грузии.
