«ՊԱՏՄԱԿԱՆ» ԱՅՑ՝ «ԱՆՆԱԽԱԴԵՊ» ԱՐԴՅՈՒՆՔՆԵՐՈՎ
Լսե՞լ եք, թե ինչպես էր Հանրային հեռուստաալիքում գլուխ գովում մեր հպարտ Ալեն, Հայաստանի նախագահի պաշտոնակատար Սիմոնյանը: Իբր՝ իր պատվիրակության այցն ԱՄՆ աննախադեպ էր։ Պատմական։ Նման բան երբեք չի եղել նախկին իշխանությունների օրոք։ Ինքը հանդիպել է Ներկայացուցիչների պալատի խոսնակ Նենսի Փելոսիի հետ։ Նույնիսկ կա այցը հաստատող համատեղ լուսանկար...
ԱՅԴ ՄԱՐԴԻԿ ԱՅԴՊԵՍ ԷԼ ՈՉԻՆՉ ՉՀԱՍԿԱՑԱՆ, ՈՉԻՆՉ ՉՍՈՎՈՐԵՑԻՆ ՈՒ ՈՉ ՄԻ ԱՌՈՒՄՈՎ ՉՓՈԽՎԵՑԻՆ։ Հայաստանը նրանց օրոք դատապարտված է։ Շոուն սրանց համար առաջվա պես ամեն ինչ է։ Իսկ այ, մի հարցնող լինի Սիմոնյանին. «Ինչպիսի՞ն է այցի կոնկրետ արդյունքը»։
Քո այցից հետո վերադարձվե՞լ է թեկուզ մեկ ռազմագերի։ Հայաստանի տարածքից թեկուզ մեկ մետր նահանջե՞լ են ադրբեջանցի զինվորականները։ Թեկուզ մեկ հայ ընտանիք վերադարձե՞լ է Հադրութ։ Գուցե ամերիկացիները ժամանակակից սպառազինությո՞ւն են տրամադրել մեզ։ Ոչ, իհարկե։ Պարզապես բարեսիրտ Փելոսին լուսանկարվել է մեր Սիմոնյանի հետ։ Մեծահոգաբար ժպտալով։ Սա է Սիմոնյանի ԱՄՆ կատարած այցի ողջ պատմականությունն ու աննախադեպությունը։
Իսկ ինչո՞ւ է Ներկայացուցիչների պալատի խոսնակը հանկարծ բարյացակամ դարձել հայկական նոր իշխանության նկատմամբ։ Ինչո՞ւ ԱԺ «նախկին» խոսնակները չեն կարող պարծենալ ԱՄՆ Ներկայացուցիչների պալատի խոսնակի հետ լուսանկարներով։ Իրականում ամեն ինչ շատ պարզ է։ Կար Արցախի հիմնախնդիր, որը միջազգային հանրությունն ապարդյուն փորձում էր լուծել։ Նրա համար, մեծ հաշվով, միևնույնն էր, թե ինչպես կլուծվեր, միայն թե լուծվեր. թուլացվեր Ռուսաստանի ազդեցությունը, տարածաշրջանն ավելի կանխատեսելի դառնար, վերացվեր Արևմուտքի, այսպես ասած, ավելորդ գլխացավանքը։
«Նախկինների» օրոք դա դժվար էր անել։ «Նախկիններն» ամրապնդում էին բանակը, ինչն ինքնին մտահոգում ու նյարդայնացնում էր միաբևեռ աշխարհի կողմնակիցներին, «նախկինները» հրաժարվում էին հանձնել Արցախի շահերն ու իրավունքներ էին բանեցնում...
Բայց ահա եկան նորերը, փամփլիկները։ Ոչ միայն հանձնեցին Արցախը, այլև փաստացի հայտարարում են, որ կորսվածը վերադարձնելու հավակնություններ չունեն։ Ոչ միայն փլուզեցին բանակը, այլև փաստացի ասում են, որ այն վերականգնելու հավակնություններ չունեն։ Դե, թերևս միայն սահմանը կարողանա քիչ թե շատ հսկել։ Այլ կերպ վարվել Ալիևն արգելում է, իսկ փամփլիկները հեզ ու խոնարհ են։ Նույնիսկ Բանակի օրվա առթիվ չեն շնորհավորում, որպեսզի, Աստված մի՛ արասցե, Բաքվում նստած իրենց տերը չբարկանա։ Այ ոստիկանական ուժերը՝ դա ուրիշ բան: Այդտեղ հաստիքային միավորները պատրաստ են ավելացնել ու ավելացնել.
Վերջապես, նոր իշխանությունները պատրաստ են աչք փակել թե՛ Հայոց ցեղասպանության ճանաչման, թե՛ 44-օրյա պատերազմին Թուրքիայի մասնակցության վրա։ Պատրաստ են «թուրքական գոտի» անցկացնել իրենց երկրի միջով, ինչը կհանգեցնի Իրանի դերի թուլացման։ Չենք խուսում արդեն Ռուսաստանի մասին։
Ահա այսպիսի փամփլիկ ու խոնարհ նոր իշխանություններ։ Ուրեմն ինչո՞ւ չաջակցել նրանց, ու չթփթփացնել ուսին։ Այն բանի համար, որ ազատում են արևմտյան աշխարհին ավելորդ գլխացավանքից ու թուլացնում Ռուսաստանի և Իրանի ազդեցությունը տարածաշրջանում։ Իհարկե, հանուն դրա կարելի է և լուսանկարվել։ Ու նույնիսկ համբուրվել։ Մի մեծ բան չէ։
Իսկ գերինե՞րը: Իսկ գերիները՝ ի՞նչ։ Կհամբերեն, ինչպես ասում էր Փաշինյանը, կնստեն իրենց պատժաժամկետն ու դուրս կգան։ Իսկ Հայաստանի սահմանամերձ տարածքներում բնակռած ադրբեջանական ստորաբաժանումնե՞րը: Պա՜հ, մի մեծ բան չէ, մի քանի կիլոմետր՝ դես, մի քանիսը՝ դեն.... Գլխավորն այն է, որ Հայաստանը դարձել է կոմայի մեջ ընկած պետություն, անվնաս խոտ, որը ոչ մեկին ոչ մի նեղություն չի տալիս։ Բա էլ ո՞նց չկազմակերպեն Սիմոնյանի պատմական այցն ԱՄՆ՝ աննախադեպ արդյունքներով։
Հ.Գ.- Ահավասիկ, ի դեպ, Մեծ Բրիտանիայի և Հյուսիսային Իռլանդիայի Միացյալ թագավորության վարչապետ Բորիս Ջոնսոնը ուղերձ է հղել Նիկոլ Փաշինյանին՝ երկու երկրների միջև դիվանագիտական հարաբերությունների հաստատման 30-ամյակի կապակցությամբ: Ուղերձում Ջոնսոնը վերահաստատում է «Միացյալ Թագավորության աջակցությունը Հայաստանի ջանքերին՝ միջազգային համագործակցության միջոցով հասնելու խաղաղության, կայունության և բարգավաճման»: Ավելի ազնիվ կլիներ հավելել՝ Հայաստանի շահերի հաշվին... Կարծում ենք, շուտով Ալեն Սիմոնյանը պատմական այց կկատարի նաև Անգլիա, բնականաբար՝ նույնքան երևելի ու աննախադեպ արդյունքներով։
ПОСЛЕДНИЕ ОТ АВТОРА
-
2023-12-06 10:37651Европейская площадка мирных переговоров между Алиевым и Пашиняном приказала долго жить после отказа Алиева ехать в Гранаду. Алиев посчитал, что Европа небеспристрастна. Потом под угрозой оказалась и вашингтонская площадка переговоров: Байрамов не поехал туда что-то обсуждать с Мирзояном.
-
2023-12-05 11:081679Злая насмешка судьбы в том, что Первую карабахскую борьбу за свободу Арцаха, за его армянское существование выиграло поколение, воспитанное в Советском Союзе, вошедшее в сознательную жизнь при Советском Союзе. А сдало Арцах на уничтожение поколение, воспитанное в независимой Армении, вошедшее в сознательную жизнь во времена независимой Армении. Выиграло войну за справедливость поколение, воспитанное в «тоталитарном» государстве, проиграло поколение, взращенное государством «независимым».
-
2023-12-04 09:341003В чем преимущество Пашиняна над противостоящим ему политическим полем? Он играет на опережение. Он уже сегодня готовится ко внеочередным выборам. Что делает оппозиция? По преимуществу занята внутриполитическими и внутрипартийными разборками: кто, что, когда не так сказал, и не так сделал. Разбор полетов - дело, конечно, полезное, но сегодня не ко времени.
-
2023-12-01 09:401877Чем закончатся попытки Вашингтона убедить Ереван и Баку заключить мирный договор уже в декабре? Договор, который позволит Баку закрепить на бумаге завоеванное. То есть, получить подпись Еревана под отказом от защиты каких-либо прав Арцаха. Но Баку рассчитывает не только на это. Он еще и не прочь получить документ, который позволит ему в дальнейшем предъявлять и другие претензии к Армении. Самое реальное: вопрос «анклавов». Еще 8 сел хочет отобрать Азербайджан у Армении вдобавок к тому, что уже им контролируется.
ПОСЛЕДНЕЕ ПО ТЕМЕ
-
2022-01-17 20:541334Դե, ահա և կայացավ Քըլըչ-Ռուբինյան բանակցությունների առաջին փուլը։
-
2021-03-23 08:505616Փաշինյանի հայտարարությունն այն մասին, թե արտահերթ խորհրդարանական ընտրությունները տեղի կունենան հունիսի 20-ին, պաշտոնական տեսանկյունից առանձնապես ոչինչ չի նշանակում։ Ընտրարշավի ժամանակացույցը կարգավորվում է ԿԸՀ որոշումներով։ Բուն ընտրությունները նշանակվում են նախագահի կողմից, խորհրդարանի լուծարումից հետո։ Իսկ խորհրդարանը լուծարվում է, եթե երկու անգամ չի կարողանում վարչապետ ընտրել, երբ պաշտոնը թափուր է։
-
2019-08-15 13:04795Ամերիկահայ ճանաչված գիտնական, հայտնի ցեղասպանագետ Վահագն Դադրյանի (Տատրեան) աճյունը կետափոխվի Հայաստան,հայտնում է ԱԳՆ մամուլի ծառայությունը:
-
2019-08-14 20:11784ԱՄՆ Քենթուքի նահանգի կոնգրեսական Ջոն Յարմութը աջակցում է Հայոց ցեղասպանության ճանաչմանը, հայտնում է Ամերիկայի Հայ դատի հանձնախումբը: