2022-09-19 17:02
Соб.инф.
0
ՎԻՎԱ-ՄՏՍ-Ի ԵՎ ՍՈՐՍ ՀԻՄՆԱԴՐԱՄԻ ԳՈՐԾԸՆԿԵՐՈՒԹՅՈՒՆԸ ՇԱՐՈՒՆԱԿՈՒՄ Է ԴՐԱԿԱՆ ԱՐԴՅՈՒՆՔ ԱՐՁԱՆԱԳՐԵԼ
Վիվա-ՄՏՍ-ի և ՍՈՐՍ հիմնադրամի համագործակցության արդյունքում, հատուկ խնամքի անհրաժեշտություն ունեցող երեխաների մոտ արձանագրվում է դրական տեղաշարժ. բարելավվում է նրանց և ընտանիքների կյանքի որակը, թեթևանում է խնամող ծնողի հոգսաշատ առօրյան: Որոշ երեխաների մոտ ակնառու է մտավոր ու ֆիզիկական զարգացման դինամիկա, անձնական օգնականի ուղղորդմամբ հնարավոր է դառնում նրանց ինտեգրումը ներառական կրթության ու սոցիալացման գործընթացում: Անհատական օգնականների աջակցության շնորհիվ ընտանիքում կարողանում են նաև լուծել բազմաթիվ հարցեր՝ առողջական, կրթական, աշխատանքային, հասցնում են ժամանակ տրամադրել ընտանիքի մյուս անդամներին և փոքր ինչ հանգստանալ:
2016թ.-ից իրականացվող՝ «Անհատական-օգնականներ՝ հաշմանդամություն ունեցող երեխաների համար» ծրագիրը վերջին երկու տարիներին ընդլայնել է աշխարհագրությունը՝ ներառելով նաև Հայաստանի տարբեր մարզերի շահառուների:
Վանաձորցի տասներկուամյա Հայկը, որի մոտ ախտորոշված է ՄՈՒԿ (մանկական ուղեղային կաթված), հենաշարժողական խնդիր ունի: Հայկի խնամքը պահանջում է վերականգնողական չընդհատվող բուժում և հմտությունների զարգացման առօրյա աշխատանք: Եթե տարիներ առաջ այդ ծառայությունները հասանելի էին միայն Երևանում, ապա այժմ խնամքի և զարգացման աշխատանքն անհատական օգնականի աջակցությամբ կազմակերպվում է նաև մարզերում: Ծրագիրը շարունակում է պահանջված մնալ ոչ միայն միջին և ծանր հաշմանդամություն ունեցող երեխաների խնամքի, զարգացման ու սոցիալացման, այլև նրանց ընտանիքներին աջակցության առումով:
Վիվա-ՄՏՍ-ի և ՍՈՐՍ հիմնադրամի գործակցության շրջանակներում, Հայկը նոր ուսումնական տարին առավել հանգիստ և առանց լարվածության է դիմավորել: Վիրահատված մայրն արդեն կազդուրվել է և կարող է օգնել որդուն: Ընտանիքի համար բարդ ժամանակահատվածում, Հայկին օգնել է անհատական օգնականը՝ երիտասարդ Արգամը: Նա իր աջակցությունը չի սահմանափակել մասնագիտական տիրույթում: Ձևավորված մթնոլորտի շնորհիվ՝ Հայկը ոչ միայն աջակցող մասնագետ, այլև ընկեր է ձեռք բերել:
«Ուրախ եմ, որ անցած ամիսների ընթացքում կարողացանք նաև մարզերում աշխատատեղ ստեղծել: Առաջին անգամ արական սեռի թյութոր-մասնագետ ունեցանք, որը փայլուն կատարեց իր աշխատանքը: Սա հրաշալի նախադեպ է և օրինակ՝ բոլորիս համար: Հաջողված ընթացքի համար կարևոր է եղել մեր գլխավոր գործընկեր Վիվա-ՄՏՍ-ի դերը ոչ միայն ծրագրի իրականացման, այլև՝ տեխնիկական աջակցություն դրսևորելու առումով: Մարզերում անհատական աշխատանքային պլանների մշակումը և վերահսկողությունն իրականացվում է օնլայն ձևաչափով` Երևանում գտնվող փորձագետների աջակցությամբ: Դա հնարավորություն է տալիս անգամ հեռավոր բնակավայրերում գտնվելով՝ ներգրավվել մայրաքաղաքում ծավալվող աշխատանքներում և ստանալ մասնագիտական մեծ աջակցություն: Օգտվել ենք ժամանակակից տեխնոլոգիաների ընձեռած հնարավորությունից. տեսազանգ, կոնֆերանս քննարկումներ և այլն»,- ասել է ՍՈՐՍ հիմնադրամի հիմնադիր տնօրեն Մարինա Պարազյանը:
Հայկը հմտությունների զարգացմանն ուղղված վարժություններն անցել է իր համար ծրագրի փորձագետների կողմից մշակված անհատական պլանով: Մասնագետն աշխատել է հստակ ցուցումով՝ մանր մոտորիկայի, ինքնուրույնության, սոցիալացման ու ինքնաճանաչողության ուղղությամբ: Երեխան սիրում է շախմատ խաղալ, հետաքրքրաշարժ խաղերով զբաղվել, իսկ առարկաներից նախընտրում է մաթեմատիկան: Տուն-դպրոց-տուն ժամանակացույցից բացի, Հայկը մասնագետի ուղեկցությամբ նաև սպորտային դահլիճ է այցելել:
Թե երևանյան կուրսերից, թե Վանաձորում իրականացվող ծրագրի արդյունավետությունը գնահատում է մայրը՝ Լիլիթ Մխիթարյանը:
«Բավականին մեծ տարբերություն ունենք: Գալիս ենք դրական դինամիկայի: Ե՛վ խոսքի մեջ է զգացվում, և՛ վարքի, և՝ ֆիզիկականի: Արդեն հասել ենք քայլելուն. ինքնուրույն քայլեր է անում: Վերջին տարիներին ակտիվ մասնակցել ենք հիմնադրամի տարբեր ծրագրերին՝ ՍՈՐՍ տնակ զարգացման կենտրոն ենք հաճախել, որտեղ Հայկը զարգացման և վերականգնողական պարապմունքներին է մասնակցել: Իսկ ես աշխատանքային հմտություններ ու գիտելիք եմ ստացել ՍՈՐՍ-ի կարի արտադրամասում: Այս տարի ծրագրում եմ սոցիալական ձեռնարկատիրությամբ զբաղվել: Այս հարցում ևս անգնահատելի է անհատական օգնականի դերը: Նրանք դառնում են ավագ ընկեր մեր երեխաների համար»,-ասել է Լիլիթը:
Հայկն այս տարի ևս ընդգրկվել է ծրագրում, սակայն նրա հետ աշխատելու է այլ անհատական օգնական: Արգամը հրաժեշտ է տվել փոքրիկին, սակայն միայն ծրագրի շրջանակում:
* Տեսա(լուսա)նկարահանումն ու հրապարակումն իրականացվել են ծնողի համաձայնությամբ:
Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։
«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է 88 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com։
Галерея (5 фото)
ПОСЛЕДНИЕ ОТ АВТОРА
-
2024-04-19 10:43Каждое время выдвигает своих героев – подлинных и мнимых. Современники не всегда умеют их различить, и это оборачивается чувствительными потерями. Тем более что подлинные герои очень часто не любят, не умеют расписывать свои заслуги. Об этом скупо говорит их биография. К числу таких принадлежит подполковник Мартин Багдасарян, недавно отметивший 80-летие.
-
2024-04-17 17:52«Сегодня в 7 часов вечера я пойду к Шенгавитскому суду, где будет рассматриваться вопрос ареста Самвела Варданяна. По сути, Самвела мало того что подло избили, так еще и хотят засадить его по обвинению в разжигании ненависти», - написал на своей странице в Фейсбук эксперт по информационной безопасности Карен Вртанесян.
-
2024-04-17 17:48Политолог Карен Игитян пишет на своей странице в Фейсбук:
-
2024-04-17 13:13Полицейские, которые, замаскировавшись, допустили истязания находящегося под их надзором молодого человека, попытаются оправдаться и извиниться перед народом, но клеймо на репутации армянского полицейского останется, написал на своей странице в ФБ член Исполнительного органа РПА Артак ЗАКАРЯН, пожелав служителям правопорядка хоть немного подумать о завтрашнем дне.
ПОСЛЕДНЕЕ ПО ТЕМЕ
-
2023-09-18 18:43«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
-
2023-09-15 16:51Վիվա-ՄՏՍ-ում ավարտվել է «Viva University» («Վիվա Յունիվերսիթի») կրթական ծրագրի երկամսյա դասընթացը: Շրջանավարտների հերթական խումբը պատրաստ է ձեռք բերած փորձով ու գործնական գիտելիքով տեղ գտնել աշխատաշուկայում և լավագույն արդյունք գրանցել մասնագիտական ոլորտում: Ավարտական հավաստագիր ստացած 22 ուսանող մասնագիտական փորձ է ձեռք բերել երկու՝ տեղեկատվական տեխնոլոգիաների և վաճառքի ու բաժանորդների սպասարկման ոլորտում:
-
2023-09-06 18:03Տվյալների հավաքագրում և բազաների կառավարում, պլանավորում, զարգացում և աջակցություն…. Տարբեր նեղ մասնագիտական խմբերում ընդգրկված 15 ուսանող ՏՏ (տեղեկատվական տեխնոլոգիաների) ոլորտում գործնական գիտելիքներ ստանալու և հմտանալու իրական հնարավորություն է ունեցել Վիվա-ՄՏՍ-ում:
-
2023-09-05 17:35Վիվա-ՄՏՍ-ն իր հաճախորդներին առաջարկում է աշխատանքային հեռախոսահամարներից ստացված և կատարված զանգերի ամբողջական վերահսկման գործիք։ Վիվա-ՄՏՍ-ի առաջարկած՝ կորպորատիվ շարժական և ֆիքսված ծառայությունների նոր կոնվերգենտ լուծումը լայնորեն կիրառվում է շատ ոլորտներում, հատկապես այն ընկերությունների կողմից, որոնք ունեն հեռավար աշխատող ու շրջիկ աշխատակիցներ: