2023-09-05 17:35
Соб.инф.
0
ՎԻՎԱ-ՄՏՍ-Ը ԳՈՐԾԱՐԿՈՒՄ Է ԿՈՐՊՈՐԱՏԻՎ ՇԱՐԺԱԿԱՆ ԵՎ ՖԻՔՍՎԱԾ ԾԱՌԱՅՈՒԹՅՈՒՆՆԵՐԻ ՆՈՐ ԿՈՆՎԵՐԳԵՆՏ ԼՈՒԾՈՒՄ՝ ԲԻԶՆԵՍԻ ՀԱՄԱՐ
Վիվա-ՄՏՍ-ն իր հաճախորդներին առաջարկում է աշխատանքային հեռախոսահամարներից ստացված և կատարված զանգերի ամբողջական վերահսկման գործիք։ Վիվա-ՄՏՍ-ի առաջարկած՝ կորպորատիվ շարժական և ֆիքսված ծառայությունների նոր կոնվերգենտ լուծումը լայնորեն կիրառվում է շատ ոլորտներում, հատկապես այն ընկերությունների կողմից, որոնք ունեն հեռավար աշխատող ու շրջիկ աշխատակիցներ:
Վիրտուալ ԱՀԿ-ի «Վիրտուալ ավտոմատ կայան» պատմության միջոցով շարժական կատարված կամ դրանց վրա ստացված զանգերին կարելի հետևել, եթե շարժական հեռախոսահամարն ընդգրկված է Վիվա-ՄՏՍ-ի Smart Business կորպորատիվ սակագնային պլաններ շարժական փաթեթներից մեկում։
Նոր լուծումը թույլ է տալիս վերահսկել ոչ միայն գրասենյակի աշխատողների՝ քաղաքային հեռախոսներով կատարած զանգերը, այլ նաև այն աշխատակիցների (սուրհանդակների, վարորդների, վաճառքի ներկայացուցիչների, տնայց կատարող մասնագետների և ուրիշների) զանգերը, որոնք աշխատում են գրասենյակից դուրս և պարբերաբար խոսում են հաճախորդների հետ բջջային հեռախոսով:
Կորպորատիվ շարժական փաթեթի հեռախոսահամարից օգտվելը թույլ է տալիս կազմակերպություններին խուսափել ռիսկային իրավիճակներից. օրինակ` երբ աշխատակիցը զանգահարում է հաճախորդին անձնական համարից, վերջինս հաճախ հետ է զանգահարում այս համարին արդեն այն ժամանակ, երբ աշխատակիցը ազատվել է աշխատանքից և աշխատանքի է անցել մրցակից կազմակերպությունում։ Վերը նշված իրավիճակը կանխելու համար՝ կորպորատիվ շարժական փաթեթի համարները փոխանցվում են նոր աշխատակիցներին, ինչը թույլ է տալիս, որ հաճախորդները շարունակեն զանգահարել ընկերություն:
Վիրտուալ ԱՀԿ-ում FMC (Fixed Mobile Convergence) տեխնոլոգիայի ներդրման շնորհիվ կորպորատիվ հեռախոսահամարները այժմ կարող են միացվել վիրտուալ ԱՀԿ-ին, որպեսզի ընկերության ներկայացուցիչների (օրինակ՝ վաճառքի և առաջխաղացման մենեջերների և այլն) հետ բջջային հեռախոսով բոլոր խոսակցությունները արտացոլվեն ծառայության պատմության և վիճակագրության մեջ: Նման զանգերի ձայնագրությունները կարելի է լսել վեբ-ինտերֆեյսում և վիրտուալ ԱՀԿ բջջային հավելվածում, փոխանցել գործընկերներին, իսկ API-ի միջոցով՝ ավելի քան 50 CRM և այլ համակարգերի: Նախկինում այս գործառույթները հասանելի էին միայն ստացիոնար հեռախոսների կամ սմարթֆոնի միջոցով ստացված կամ կատարված զանգերի համար:
FMC-ն նաև ավելի հարմար է դարձնում աշխատանքային գործընթացները՝ թույլ տալով աշխատակիցներին բջջային հեռախոսներից զանգահարել ընկերության ներքին հեռախոսահամարներին: Հաճախորդից զանգ ստանալիս աշխատողն էկրանին տեսնում է զանգահարողի համարը և կարողանում է հետ զանգահարել ընկերության գլխավոր համարից՝ բջջային հեռախոսի միջոցով: Այս դեպքում հաճախորդը կտեսնի այն համարը, որին նա հենց նոր զանգահարել է, և դա կմեծացնի մենեջերի հետ զրույցի կայացման հավանականությունը:
«Կորպորատիվ հեռախոսահամարների միացումը վիրտուալ ԱՀԿ-ին պահանջված նորույթ է ոչ միայն մեր հաճախորդների, այլև Հայաստանի բազմաթիվ այլ ընկերությունների համար: Այժմ ղեկավարներին ավելի հեշտ կլինի կառավարել բոլոր աշխատակիցների, այդ թվում՝ հեռավար մենեջերների և աշխատանքի շրջիկ բնույթ ունեցող աշխատակիցների զանգերը. նրանց բոլոր զանգերը տեսանելի կլինեն զանգերի պատմության մեջ՝ անկախ նրանից, թե որ սարքից են դրանք կատարվել կամ ստացվել», - ասել է Վիվա-ՄՏՍ-ի գլխավոր տնօրեն Արմեն Ավետիսյանը։
Վիվա-ՄՏՍ-ի վիրտուալ ԱՀԿ-ի հնարավորությունների մասին առավել մանրամասն տեղեկություններ կարելի է ստանալ https://pbx.mts.am կայքում:
Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։
ПОСЛЕДНИЕ ОТ АВТОРА
-
2024-04-25 11:58"Нет турецко-азербайджанскому фашизму! – пишет на своей странице в Фейсбук доктор политических наук, историк Армен Айвазян.
-
2024-04-25 11:12Открытое письмо В связи с необходимостью оказания экстренной медицинской помощи Рубену Варданяну руководители ряда общественных организаций Арцаха и Армении обратились с открытым письмом к президенту Международного Комитета Красного Креста госпоже Мирьяне Сполярич-Эггер.
-
2024-04-24 15:39Кавказ - не место слабых людей, здесь невозможно демонстрировать слабость и при этом выживать. Об этом заявил Sputnik Армения духовный пастырь Берда Арам Мирзоян.
-
2024-04-24 10:21Научно-образовательная общественная организация "Армянский проект", основанная группой армянских ученых и экспертов, распространила заявление, в котором призывает ответственные за судьбу Армении политические силы взглянуть в лицо реальности нависшей над нашей тысячелетней государственностью угрозы, разработать механизмы для урегулирования разногласий между собой и обеспечения реальной политической консолидации, со своей стороны обещая внести свою лепту в вопрос предложения таких механизмов, возможности их применения и реализации.
ПОСЛЕДНЕЕ ПО ТЕМЕ
-
2023-09-18 18:43«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
-
2023-09-15 16:51Վիվա-ՄՏՍ-ում ավարտվել է «Viva University» («Վիվա Յունիվերսիթի») կրթական ծրագրի երկամսյա դասընթացը: Շրջանավարտների հերթական խումբը պատրաստ է ձեռք բերած փորձով ու գործնական գիտելիքով տեղ գտնել աշխատաշուկայում և լավագույն արդյունք գրանցել մասնագիտական ոլորտում: Ավարտական հավաստագիր ստացած 22 ուսանող մասնագիտական փորձ է ձեռք բերել երկու՝ տեղեկատվական տեխնոլոգիաների և վաճառքի ու բաժանորդների սպասարկման ոլորտում:
-
2023-09-06 18:03Տվյալների հավաքագրում և բազաների կառավարում, պլանավորում, զարգացում և աջակցություն…. Տարբեր նեղ մասնագիտական խմբերում ընդգրկված 15 ուսանող ՏՏ (տեղեկատվական տեխնոլոգիաների) ոլորտում գործնական գիտելիքներ ստանալու և հմտանալու իրական հնարավորություն է ունեցել Վիվա-ՄՏՍ-ում:
-
2023-08-30 16:58Սոցիալական ո՞ր հարթակներից են օգտվում «UNLIM» սակագնային պլանի բաժանորդները Վերջերս Վիվա-ՄՏՍ-ը թողարկել է «UNLIM» կանխավճարային սակագնային պլանը՝ անսահմանափակ ինտերնետ նախընտրող բաժանորդների համար: Սակագնային պլանը օրեցօր ավելի լայն տարածում է գտնում բաժանորդների շրջանում: Պարզենք, թե ինչ առավելություններ է ընձեռում «UNLIM» սակագնային պլանը: