FORBES-Ի ԽՈՀԱՐԱՐԱԿԱՆ ՍՅՈՒՆԱԿԱԳԻՐԸ՝ ԵՐԵՎԱՆՅԱՆ ԽՈՀԱՆՈՑԻ ՆՐԲՈՒԹՅՈՒՆՆԵՐԻ ՄԱՍԻՆ
Forbes-ի խոհարարական սյունակագիր Լիզա Զիմերմանը այցելել է Երևան և կիսվել տեղի խոհանոցի մասին իր տպավորություններով։ Նրա գրառման թարգմանությունը ներկայացնում ենք հակիրճ տարբերակով։
«Երևանը խոհարարական հաճույքների երկիր է։ Այստեղի խոհանոցում գերակշռում են թարմ խոտաբույսերը և տեղական պանիրները: Տեղացիները սիրում են այդ համադրությունը փաթաթել լավաշի մեջ և ուտել:
Խորովածը ևս տեղական խոհանոցի կարևոր խորհրդանիշներից է, որը անմոռանալի կդարձնի երեկոն: Այն հաճախ պատրաստվում է խոզի մսից։ Քանի որ Հայաստանը քրիստոնեական երկիր է, տեղացիներն ու այցելուները ուտեստների լայն ընտրանի ունեն: Կան նաև դասական և դժվար հասանելի ուտեստներ, օրինակ՝ տապակած դդումը՝ լոլիկի սոուսի մեջ լցոնված կանաչ լոբիով և մսով, որը վայելեցի «Լավաշ» ռեստորանում՝ Երևանում իմ առաջին ճաշի ժամանակ:
Մյուս ճաշատեսակները, ինչպիսիք են մանթին, փոքր, հաստլիկ պելմենիները՝ մսով կամ բանջարեղենով, իրենց խոհարարական ազդեցությունն ունեն հայկական խոհանոցի վրա: Մանթին պատրաստվում է շատ երկրներում, օրինակ՝ Թուրքիայում և Լիբանանում, սակայն հայերը այն հրաշալի են մատուցում։ Սեղանին դնում են լցոնած մանթին, այնուհետև ավելացնում են արգանակն ու թթվասերը: Լավագույն մանթին, որը ես փորձել եմ, եղել է լիբանանահայկական ռեստորանում, որը կոչվում է «Մանթի» և գտնվում է քաղաքի կենտրոնում:
Եթե ցանկանում եք հիանալ քաղաքով և շրջակայքով, արևածագին օդապարիկով թռիչք իրականացրեք: Skyballarmenia-ն հիանալի աշխատանք է կատարում այցելուներին օդ բարձրացնելու և շրջակա լեռների ապշեցուցիչ տեսարանները ցուցադրելու գործում: Օդաչուն, նույնիսկ, տեղական շամպայն է մատուցում, իսկ ճամփորդությունից առաջ և հետո սուրճ ու խորտիկներ են առաջարկում։ Զարմանալի զվարճանք էր:
Այս կանաչ և առատ քաղաքում շատ են գինիների բարերը․ տեղացիները շարունակում են բացահայտել իրենց պատմական գինու ժառանգությունը: Ամենահետաքրքիրներից մեկը Decant-ն է: Բարն ունի հայկական գինիների և շամպայնի մեծ տեսականի, պարզապես, ցանկալի կլիներ, որ կարմիր գինիները մատուցվեին ճիշտ ջերմաստիճանում, ոչ թե շատ տաք: Դա տեղի էր ունենում անընդհատ, ինչի պատճառով ես որոշեցի ավելի քիչ կարմիր գինի խմել։
Ճամփորդության ընթացքում ինձ միշտ հետաքրքրում էին բանջարեղենային ուտեստները։ «Դալան» ռեստորանը, որը գտնվում է Երևանի կենտրոնում, ձվով տապակած ճակնդեղ է պատրաստում, ինչն, ուղղակի, «ռումբ է»:
Երկար գիշերից հետո «Արտաշի մոտ» կարղ եք փորձել աշխարհի լավագույն շաուրման: Անհավատալի է, բայց նույն օրը՝ երեք համեղ կերակուրից հետո, մի ամբողջ մեծ ռուլետ եմ կերել: Ինձ այն, պարզապես, ավելի շատ դուր կգար առանց տապակած կարտոֆիլի և, գուցե, մի քիչ մանանեխ ավելացնեի»:
ПОСЛЕДНИЕ ОТ АВТОРА
-
2024-05-14 19:31
Премьер-министр Армении Никол Пашинян заявил во время дискуссии на Копенгагенском саммите демократии, что власти страны хотели бы вступить в Евросоюз уже в текущем году.
-
2024-05-14 19:30
Чтобы оценить прогресс демократии в Армении, необходимо отметить, что наряду с проведением демократических реформ, республика столкнулась и с вызовами внешней безопасности. Об этом заявил в своем выступлении на Копенгагенском саммите демократии премьер-министр Армении Никол Пашинян, передает NEWS.am.
-
2024-05-14 19:05
Европейский союз расширил ограничительные меры против Ирана за предполагаемую военную поддержку России и поддержку группировок, действующих в регионе Красного моря. Об этом говорится в заявлении Совета ЕС, передает Verelq.am.
-
2024-05-14 19:03
Один из участников протестной акции в Ереване Карен Геворкян получил перелом ноги из-за неправомерных действий со стороны сотрудников отряда "красные береты". Об этом сообщил юрист Рубен Меликян, представляющий правозащитную инициативу "Пять правозащитников", передает Sputnik Армения.