ԱՊՐԻԼԻ ՍԿԶԲԻՑ ՇՓՈՒՄ ՉԿԱ. ՌՈՒԲԵՆ ՎԱՐԴԱՆՅԱՆԻ ՈՐԴՈՒ ՀԱՐՑԱԶՐՈՒՅՑԸ ՖՐԱՆՍԻԱԿԱՆ LE FIGARO–ԻՆ
Ռուբեն Վարդանյանի որդին` Դավիթ Վարդանյանը, ապրիլի սկզբից մինչ օրս տեղեկություն չունի հոր մասին։ Այս մասին նա ասել է Ֆրանսիական LE FIGARO պարբերականին տված հարցազրույցում։
Նա հայտնել է, որ ապրիլի սկզբից իրեն ու իր մորը (Ռուբեն Վարդանյանի կնոջը,– խմբ.) արգելվել է ցանկացած շփում։ Իսկ հոր հացադուլ հայտարարելու մասին նա իմացել է միայն երեկ` ռուս փաստաբանից։
«Ապրիլի 5-ից մենք բացարձակապես ոչ մի տեղեկություն չունենք նրա առողջական վիճակի մասին: Սա մեզ չափազանց անհանգստացնում է։ Հայրս 55 տարեկան է, նա արդեն 200 օր է` հյուծվում է Բաքվի բանտում, և սա այն բանից հետո, երբ նա, ինչպես Արցախի ողջ բնակչությունը, շուրջ տասն ամիս գտնվում էր շրջափակման մեջ»,– ասել է Դավիթ Վարդանյանը։
Նա տեղեկացրել է, որ ադրբեջանական բանտում Ռուբեն Վարդանյանը չի կարողանում շփվել նաև իր հետ միաժամանակ անազատության մեջ գտնվող Արցախի մյուս պետական գործիչների հետ։ Դավիթ Վարդանյանը համոզված է, որ նրանք գտնվում են նույն կալանավայրում, բայց չեն կարող տեսնվել կամ խոսել միմյանց հետ:
Դավիթ Վարդանյանի տեղեկություններով` Ռուբեն Վարդանյանին չի կարողանում տեսակցել նաև Կարմիր խաչը։
Նա հույս է հայտնել, որ եվրոպական կառավարությունների ներկայացուցիչները, սկսած Ֆրանսիայից, կկարողանան շուտափույթ այցելել ու ստուգել իր հոր և Արցախի մյուս բանտարկված գործիչների կալանքի պայմանները և առողջական վիճակը։
«Դա պետք է անել հնարավորինս արագ։ Քանի դեռ ուշ չէ»,– ասել է նա։
Ինչ վերաբերում է դատավարությանը, ապա այն պետք է տեղի ունենար հունվարին։ Դավիթ Վարդանյանը հայտնել է, որ այն հետաձգվել է մինչև մայիս։ Հիմա, ըստ նրա, մեծ է հավանականությունը, որ դատավարությունը կրկին կհետաձգվի։
«Կասկած չկա, որ պատճառն այն է, որ Ադրբեջանի իրավապահ մարմինները չեն կարողանում ապացույցներ հավաքել նրա դեմ առաջադրված շինծու մեղադրանքների վերաբերյալ՝ ահաբեկչության ֆինանսավորում, անօրինական կամ զինված խմբավորումների ստեղծում, Ադրբեջանի Հանրապետության սահմանի ապօրինի հատում»,– ասել է նա։
Հիշեցնենք` այսօր հայտնի դարձավ, որ Բաքվի բանտում պահվող բարերար և գործարար, Լեռնային Ղարաբաղի նախկին պետնախարար Ռուբեն Վարդանյանը ապրիլի 5–ից հացադուլ է սկսել: Կարմիր խաչի միջազգային կոմիտեից հայտնեցին, որ չեն կարող տեղեկություններ հրապարակել Բաքվում պահվող հայերի մասին։
ПОСЛЕДНИЕ ОТ АВТОРА
-
2024-05-03 09:27
Ряд общественных организаций выступили с заявлением, в котором потребовали от правительства обеспечить прозрачность делимитации и делимитационных процессов, утверждая, что проводимые работы противоречат внутреннему законодательству Республики Армения и создают проблемы для нормальной жизни и безопасности гражданского населения.
-
2024-05-03 09:24
Борьба вступает в завершающую фазу, у нас есть историческая возможность разорвать этот разрушительный круг. Об этом на своей странице в Facebook написал глава партии «Демократическое объединение», участвующей в борьбе против делимитации границы и территориальных уступок в Тавуше Сурен Петросян.
-
2024-05-03 09:22
Участники протестов в Тавуше завтра представят свои дальнейшие действия. Об этом заявил 2 мая депутат от блока "Айастан" Гарник Даниелян, находящийся в селе Киранц.
-
2024-05-03 09:19
Премьер Грузии Ираклий Кобахидзе отказался от визита в США, так как ему выдвинули предварительное требование.