Ոսկեպարը, կարճ ասած, կմնա անկլավ. Իշխան Աղբալյան
Նոյեմբերյան խոշորացված համայնքի բնակավայրերի ղեկավարները հրաժարվել են մասնակցել հանձնաժողովի աշխատանքային խմբի աշխատանքներից, որովհետեւ մենք տեսանք, որ այն, ինչ կատարվում է, շարունակվելու է, կոնկրետ Ոսկեպարում ականազերծման աշխատանքներն արդեն գնում են, էսօր երեւի ավարտին կհասցնեն: Այս մասին, այսօր՝ ապրիլի 23-ին Կիրանցում հավաքված քաղաքացիներին ասաց Ոսկեպարի վարչական ղեկավար Իշխան Աղբալյանը:
«Սահամանազատում, սահմանագծում է տեղի ունենալու այդ հատվածում: Մնացած տեղերում, որտեղ վիճելի տարածքներ են, մեզ ասացին, որ դա հետո է լուծում ստանալու: Այսինքն այն եռանկյունիները, որ 10 օր առաջ եկավ ասաց, դրանք մնում են, անկլավը եւս: Դրանք հետագայում քննարկվող հարցեր են: Հանրաքվեի արդյունքում պետք է որոշվի, որը 90 տոկոսով կախված է լինելու Ադրբեջանից: Եթե Ադրբեջանը չցանկանա հանրաքվե, արդեն դուք էլ եք հասկանում, թե այդ տարածքները ինչ կլինեն: Այսինքն Ոսկեպարը, կարճ ասած, կմնա անկլավ, Որովհետեւ հետեւն էլ է փակվելու, առաջն էլ: Խոսքը բերքաբերի եռանկյունու եւ գետի աջ ափին գտնվողն տարածքի մասին է, որ պատկանում է իրենց:
Մենք միակողմանի զիջման պատկեր ենք տեսնում, դրա համար հրաժարվում ենք հետագա մասնակցությունից»,-ասաց նա:
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ, ինչը կողմերի միջև պետք է համաձայնեցվի ու ստորագրվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` սահմանազատման հետ կապված և անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
News.am
ПОСЛЕДНИЕ ОТ АВТОРА
-
2024-05-14 10:17
Вывод российских пограничников из пяти областей Армении, который власти пытаются представить в свете суверенитета и достижения, продиктовано совершенно иным решением. Об этом пишет газета "Грапарак", передает Sputnik Армения.
-
2024-05-14 10:04
В Ереване "красные береты" (спецназ) снова бесчинствуют. Они начали жёстко задерживать протестующих, которые с раннего утра пытаются блокировать центральные улицы Еревана с требованием отставки премьер-министра Никола Пашиняна.
-
2024-05-14 10:03
Заместитель пресс-секретаря Госдепа США Ведант Патель заявил, что в Вашингтоне продолжают верить в достижение мира в регионе Нагорного Карабаха.
-
2024-05-14 09:47
Если попытка импичмента премьер-министра Никола Пашиняна в парламенте потерпит неудачу, следующую можно будет инициировать только спустя полгода. Об этом сообщил в эфире Sputnik Армения секретарь фракции "Честь имею" Тигран Абрамян.