5 ՀԱՐՑ (ՈՒ ՊԱՏԱՍԽԱՆ) ԳՈԼԱՆԻ ԲԱՐՁՈՒՆՔՆԵՐԻ ՄԱՍԻՆ
1․ Ի՞նչ է տեղի ունեցել:
2019թ. մարտի 25-ին ԱՄՆ նախագահ Դոնալդ Թրամփը հռչակագիր է ստորագրել, որով Գոլանի բարձունքները ճանաչել է Իսրայելի մաս: «Այսօր ես պատմական քայլ եմ անում»,- ասել է Թրամփը՝ Իսրայելի վարչապետ Բենիամին Նեթանյահուի ներկայությամբ ստորագրելով փաստաթուղթը:
Այդ տարածքի նկատմամբ Իսրայելի իշխանությունը ճանաչելու իր մտադրության մասին ԱՄՆ նախագահն առաջին անգամ հայտարարել էր մարտի 21-ին՝ Twitter-ում: Գոլանի բարձունքները, ըստ Թրամփի, կարեւոր նշանակություն ունեն Իսրայելի եւ ողջ տարածաշրջանի անվտանգության տեսանկյունից:
2. Ինչպե՞ս են արձագանքել աշխարհում:
Սիրիայի արտգործնախարարությունն ԱՄՆ նախագահի հայտարարությունն «անպատասխանատու» է որակել՝ հայտարարելով, որ ամերիկյան կողմի նման դիրքորոշումը «միջազգային լեգիտիմության նկատմամբ արհամարանք է եւ ՄԱԿ-ի բանաձեւերի կոպիտ խախտում»:
Ռուսաստանի ԱԳՆ-ի պաշտոնական ներկայացուցիչ Մարիա Զախարովան հայտարարել է, որ Ամերիկայի նախագահի որոշումը կարող է Մերձավոր Արեւելքում նոր լարվածության հանգեցնել եւ դուրս է իրավական տիրույթից:
Շվեդիայի նախկին վարչապետ Կառլ Բիլդտը ասել է. «Սա աղետալի շեղում է միջազգային իրավունքի հիմունքներից: Կրեմլը կողջունի եւ կկիրառի նույն սկզբունքը Ղրիմի, Պեկինը՝ Հարավչինական ծովի հարցում»:
ՄԱԿ-ը եւ Եվրամիությունը հայտարարել են, որ չնայած Թրամփի որոշմանը, չեն փոխելու Գոլանի բարձունքների հարցում ՄԱԿ-ի Անվտանգության խորհրդի բանաձեւերի վրա հիմնված իրենց դիրքորոշումը:
3. Ինչպե՞ս են Գոլանի բարձունքները հայտնվել Իսրայելի հսկողության տակ:
1944թ.-ից ի վեր Սիրիային պատկանող Գոլանի բարձունքների երկու երրորդը (մոտ 1150 քառակուսի կիլոմետր) գրավվել է Իսրայելի կողմից 1967 թ.-ին՝ Վեցօրյա պատերազմի ժամանակ:
1974 թվականին՝ Ահեղ Դատաստանի օրվա պատերազմից հետո, չեզոք ապառազմականացված գոտում հաստատվել են ՄԱԿ-ի խաղաղապահ զորքերը:
1981թ.-ին Կնեսետը Գոլանի բարձունքների մասին օրենք է ընդունել՝ միակողմանիորեն հայտարարելով Իսրայելի ինքնիշխանությունը այդ տարածքի նկատմամբ: Այս անեքսիան անվավեր է ճանաչվել ՄԱԿ-ի Անվտանգության խորհրդի կողմից:
ՄԱԿ-ի Գլխավոր ասամբլեան անեքսիան մի քանի անգամ անվանել է ապօրինի եւ Իսրայելին կոչ արել վերադարձնել Գոլանի բարձունքները Սիրիային:
4. Ովքե՞ր են ապրում Գոլանի բարձունքներում:
Այսօր այդ տարածքներում 39 հազ. մարդ է ապրում:
Լիբանանյան Al-Akhbar թերթը գրում է, որ «մինչեւ 1967թ.-ի պատերազմը՝ Գոլանի բարձունքները Սիրիայում էթնիկ-կրոնական բազմազանության օրինակ են եղել»:
«Գոլանի բարձունքների տարածքում խաղաղության եւ փոխհամաձայնության պայմաններում ապրել են չերքեսներ, թուրքմեններ, քրդեր, հայեր եւ արաբներ: Բարձունքներն ավանդական Սիրիայի փոքր մոդելն են եղել՝ առաջացած Օսմանյան կայսրության փլատակների վրա», - գրում է թերթը:
1970-ականների վերջին Իսրայելի վարչապետ Դավիդ բեն Գուրիոնն ասել էր.
«Ի լրացում գոյություն ունեցողներին՝ անհրաժեշտ է հնարավորինս արագ 20 հրեական բնակավայր ձեւավորել Գոլանի բարձունքներում: Դա հաջող միջոցներից մեկն է, որով մենք կկարողանանք պահել բարձունքները մեր վերահսկողության տակ»:
5. Ինչո՞վ են կարեւոր Գոլանի բարձունքները:
Անկախության հռչակումից ի վեր՝ Իսրայելը հավասարապես կարեւոր է համարում
երեք հարց` հող, ջուր եւ անվտանգություն:
Բարձունքներում ռազմավարական ջրամբար կա, որը Իսրայելի համար ջրի հիմնական աղբյուրն է:
Ահա, թե ինչ է ասել Իսրայելի վարչապետ Բենիամին Նեթանյահուն ջրային ռեսուրսների վերահսկողության կարեւորության մասին.
«Գոլանի բարձունքներում կենտրոնացած են Հորդանան գետի եւ Գալիլեյան ծովի (Տվերիադյան լիճ) աղբյուրները: Դրանք ապահովում են Իսրայելի ջրային պաշարների 40%-ը, իսկ վերահսկողությունից հրաժարվելը նշանակում է, որ մենք սիրիացիներին ենք հանձնում Իսրայելը ջրազրկելու իշխանությունը»:
mediamax.am
ПОСЛЕДНИЕ ОТ АВТОРА
-
2024-04-26 18:00
Депутата Артура Хачатряна доставили в Разданское отделение Полиции. Его подвергли приводу за то, что он был рядом с гражданами, перекрывающими дорогу. Нет никаких разъяснений, как и в случае с другими гражданами. Об этом заявила в беседе с корреспондентом Новости Армении – NEWS.am депутат от блока «Армения» Кристине Варданян.
-
2024-04-26 17:58
Полковник запаса Мигран Махсудян признан потерпевшим в связи с событиями, происшедшими три дня назад на трассе, прилегающей к Баграташену.
-
2024-04-26 17:53
Мы запустили процесс, который вызвал у многих вопросы: превратится ли это в итоге в движение, станет ли это локомотивом, с помощью которого мы сможем решить сформулированную перед нами задачу. Об этом заявил в Киранце 26 апреля политолог, руководитель центра «Генезис Армения» Абрам Гаспарян.
-
2024-04-26 17:50
Это не делимитация, а односторонняя сдача со стороны властей Армении, этот процесс означает капитуляцию. Об этом в селе Киранц Тавушской области в беседе с корреспондентом Новости Армении – NEWS.am 26 апреля заявила оппозиционный депутат парламента Армении Тагуи Товмасян.
ПОСЛЕДНЕЕ ПО ТЕМЕ
-
2019-06-22 09:57
Իրանը համարժեք կերպով կպատասխանի ԱՄՆ-ի բոլոր գործողություններին: Այդ մասին ուրբաթ գրել է Իրանի ԱԳՆ ներկայացուցիչ Աբաս Մուսավին թվիթերյան իր էջում, հաղորդում է ՏԱՍՍ-ը: