Последние новости

Հովիկ Մուսայելյան․ ՏՏ ոլորտի գլխավոր խնդիրներից մեկը կադրերի պակասն է

ՏՏ ոլորտի գլխավոր խնդիրներից մեկը կադրերի պակասն է: Մայիսի 14-ին «Քաղաքական լիգա» նախաձեռնության կողմից կազմակերպված «Խոչընդոտներ և հնարավորություններ Հայաստանի տեղեկատվական տեխնոլոգիաների զարգացման համար» թեմայով քննարկմանն այս մաիսն հայտարարեց Հայաստանի ազգային ճարտարագիտական համալսարանի հոգաբարձուների խորհրդի նախագահ, «Սինոփսիս Արմենիա» ընկերության գործադիր տնօրեն Հովիկ Մուսայելյանը, տեղեկացնում է NEWS.am:

Նրա խոսքով, մյուս կարևոր խնդիրներն են մտավոր սեփականության պաշտպանությունը, օրենսդրական կարգավորումը, ինչպես նաև հարկային ոլորտում խնդիրները: Մուսայելյանը հավելեց, որ ԽՍՀՄ-ի փլուզումից հետո կադրերի լուրջ արտահոսք է եղել, այդ թվում նրանց, ովքեր գիտեին, թե ինչպես է պետք օգտագործել Հայաստանում ներուժը:

«Դժվար է պատկերացնել, սակայն Հայաստանը ժամանակին առաջատար է եղել միկրոէլեկտրոնիկայի բնագավառում, ստեղծվել են միկրոչիպեր՝ մոտ 20 հազար աշխատակիցներ ունենալով, մինչդեռ այսօր նման արտադրանքը արտադրվում է միայն 4-5 երկրներում:

Ակնհայտ է, որ այդ խնդիրը կապված է արտադրված ապրանքի իրացման հետ, որն այդ ժամանակ չկար», - նշեց նա:

Մուսայելյանը շեշտեց, որ լուծումներից մեկը կարող է լինել անդրազգային ընկերությունների ներգրավումը, որոնք ներդրումներ են կատարում կրթության և կադրերի պատրաստման մեջ: «Սխալ կարծիք կա, որ անդրազգային ընկերությունները գալիս են և տանում են մեր կադրերին:

Օրինակ կարող է ծառայել «Սինոփսիս Արմենիա»-ն, որտեղ աշխատում է ավելի քան 1000 աշխատակից: Չպետք է ինքնանպատակ լինի, որ այս կամ այն տեխնոլոգիական արտադրանքն ունենա «արտադրված է Հայաստանում» պիտակը, ավելի կարևոր է, որ տեխնոլոգիաներն ու աշխատատեղերը գան երկիր: Իսկ ՏՏ ոլորտի ամեն աշխատակից ստեղծում է 6 նոր աշխատատեղ: Մեր իշխանությունները և պաշտոնյաները պետք է հասկանան դա», - ասաց նա:

Մուսաելյանը նշեց, որ չնայած նրան, որ բարձր տեխնոլագիանեռրի ոլորտը շատ զարգացած է, սակայան կառավարությունը պետք է ավելի մանրամասն առանձնացնի, թե որ ճյուղերն են կարևոր և որ ոլորտին է հարկավոր արտոնություններ տալ:

ՏՏ ոլորտում աշխատում է շուրջ 20 հազար մարդ, որոնք ՀՆԱ-ի 4.5 տոկոսն են ապահովում: Ոլորտի աճը կազմում է 20-25 տոկոս, իսկ շրջանառությունը տարեկան մոտ 850 մլն դրամ է: Սակայն հասարակությունը և պետությունը պետք է առարկայական աշխատեն, որպեսզի հասկանան, թե ինչ արդյունքների կհանգեցնեն այս կամ այն բարեփոխումները և արտոնությունները», - ընդգծեց նա:

Նա նշեց, որ մենք առավելություն ունենք ոլորտի զարգացման տեսակետից հարևանների համեմատ, բայց հարկավոր է բարձրացնել նշաձողը, և ՏՏ-հանրույթը պատրաստ է օգնել պետությանն այդ գաղափարն իրականացնելիս։ «Այն, որ այսօր կառավարությունը կարևոր նշանակություն է տալիս բարձր տեխնոլոգիաներին, այդ թվում ՌԱՀ ոլորտում ներդրման տեսակետից, վկայում է լուրջ մտադրությունների մասին։ Մենք պատրաստ ենք աջակցել կառավարությանը, այդ թվում՝ հասնել այն բանին, որպեսզի կարողանանք բանակում ներգրավել լավագույն մասնագետներին»,- ամփոփել է Հովիկ Մուսայելյանը։

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ԿՐԿԻՆ ՋՐԻ ԵՐԵՍ ԹՌԱԾՆԵՐԸ
      2021-01-22 17:34
      430

      Հեռացող Նիկոլն ու նրա հետ քայլողներն իրենց վերջին ռևերանսներն անում են Բաքվի առջև։ Ալիևի համար սկզբունքային է մեկ կարևոր պահ. թույլ չտալ, որ Հայաստանում հանկարծ կրկին իշխանության գա Ռոբերտ Քոչարյանը։ Այն Քոչարյանը, որի առջև խոնարհվում էր նրա հայրը, որից թույլտվություն էր խնդրում իշխանությունն իր որդուն՝ Իլհամին փոխանցելու առնչությամբ։ Ալիևը բազմիցս ակնարկել է իր միջնորդավորված դրածո Փաշինյանին, որ Քոչարյանի վերադարձն իր համար անընդունելի է։ Ակնարկել է ոչ միայն Փաշինյանին, այլև Պուտինին։

    • ՓԱՇԻՆՅԱՆԻ ԿԱԴՐԱՅԻՆ ԽԱՂԱԹՂԹԵՐԻ ՏՐՑԱԿԸ
      2020-09-19 10:30
      405

      Էքսպատներն իշխանության մեջ. տղաներ Չիկագոյից, Օռլովից ու Գլենդեյլից և մեկ աղջիկ Կոպենհագենից Հայաստանի ներկայիս վարչարարների մեծամասնությանը միանգամայն հիմնավորված կարելի է անվանել «չիկագոեցի տղաներ» (իսկ Քաղաքացիական ավիացիայի կոմիտեի նախագահ Տաթևիկ Ռևազյանի պարագայում՝ «աղջիկներ»), քանի որ այդ սահմանումը գործածության մեջ է մտել արմատական բարեփոխումների ընթացքում մարդկանց զրկանքները հաշվի չառնող «շոկային թերապիայի» հայեցակարգի հեղինակ Միլթոն Ֆրիդմանի կողմնակից տնտեսագետների բնորոշման համար։

    • ԿԱԴՐԱՅԻՆ ՃԳՆԱԺԱՄ. ՆԻԿՈԼԻ ՀԵՏ ԱՇԽԱՏԵԼ ՈՉ ՈՔ ՉԻ ՈՒԶՈՒՄ…
      2020-08-06 17:59
      697

      Բարձրաստիճան անձինք աշխատանքից ազատվելու դիմում են գրում 30 տարվա ընթացքում կառավարություններից ոչ մեկը կադրային սով չի զգացել. բացառություն դարձավ աշխատակազմը, որն ավելի քան երկու տարի ղեկավարում է Փաշինյանը։

    • «ՆՈՐ» ՀԱՅԱՍՏԱՆԻ ԹԱԹԱՐ-ՄՈՆՂՈԼՆԵՐԸ
      2019-07-10 16:38
      1026

      Տոհմացեղական սկզբունքով «Նոր» Հայաստանում արդիական են բոլոր հին պիտակները, հատկապես Լևոն Հակոբիչի փակցրած պիտակը՝ թաթար-մոնղոլական իշխանության վերաբերյալ։ Այդ պիտակը նախկին նախագահը կախեց ՀՀԿ-ի վրա, քննադատելով տոհմացեղային սկզբունքով իրականացվող կադրային քաղաքականությունը։