Последние новости

ՎԵՆԴԵՏԱ՝ ՆՈՒՅՆ ՁԵՌՔՈՎ

«Անհրաժեշտ են կոնկրետ ապացույցներ…»

Հատուկ քննչական ծառայությունը դադարեցրեց ՀՀ ողջ տարածքում դատարանների միաժամանակյա արգելափակման հետ կապված փաստերի քրեական հետաքննությունը՝ հանցակազմի բացակայության պատճառով։ Այլ կերպ ասած, Նիկոլ Փաշինյանի կողմնակիցների գործողություններում, որոնք նրա կոչով կաթվածահար արեցին պետության ողջ դատական համակարգի աշխատանքը, հանցակազմը բացակայում է։

Համանման կարծիքի է նաև «Իմ քայլը» խմբակցության պատգամավոր, փաստաբան Նիկոլայ Բաղդասարյանը, որն օրերս հերքեց լուրերն այն մասին, թե Գագիկ Հարությունյանի հրաժարականից հետո հավակնում է Բարձրագույն դատական խորհրդի նախագահի թափուր աթոռին։ Բաղդասարյանը հայտարարեց հետևյալը. «Հանցակազմի առկայության համար անհրաժեշտ է, որ տվյալ դատավորի գործունեությունը խոչընդոտելու վերաբերյալ կոնկրետ գործով ապացույց ներկայացվի, կամ արդարադատություն իրականացնելիս իրեն վիրավորանք հասցված լինի։ Նման դեպքեր չեն եղել։ Անգամ այն տեսանյութը, որտեղ երևում է, որ դատավորը մտնում է պատուհանից (դատարան), այն կոնկրետ դատավորի գործառույթ չէ։ Պատուհանից ներս մտնելն արդարադատություն իրականացնել չէ, չէ՞, որ մեկնաբանվի, թե խոչընդոտել են»։ Մի խոսքով, անհրաժեշտ են կոնկրետ ապացույցներ, իսկ այդպիսիք, պատգամավորի համոզմամբ, չկան։

Սույն աչառու մեկնաբանությունը, անկասկած, կմնա պատմության մեջ, ինչպեսև դատարանների արգելափակման խայտառակ փաստը, որը կրկնեց խորհրդարանի հանրահայտ պաշարումը 2018թ. հոկտեմբերի 2-ին։ Եթե այն ժամանակ վարչապետի գործողություններին համարժեք գնահատական տրվեր, ապա հնարավոր է, որ դա օգներ խուսափել դատարաններն ամենուրեք արգելափակելու ակցիայից։

Ակնհայտ է, որ պատգամավորական մանդատը Բաղդասարյանին պարտավորեցնում է խոսել այն մասին, թե վարչապետի կոչերն ու գործողությունները հոդվածի տակ չեն ընկնում (հիշեցնեմ, որ Փաշինյանը ոչ միայն կոչ էր անում իր կողմնակիցներին արգելափակել դատարանների շենքերը ողջ երկրում, այլև անձամբ միացավ այդպիսի ակցիաներից մեկին Երևանում)։ Ակնհայտ է նաև, որ ցանկացած քաղաքակիրթ պետությունում դատական համակարգի ազատության դեմ խոսքով ու գործով ոտնձգություն կատարած կառավարության ղեկավարի նկատմամբ անհապաղ քրեական գործ կհարուցեին։ Հանրահայտ է, որ Փաշինյանի կոչը դարձավ երկրորդ նախագահ Ռոբերտ Քոչարյանի նկատմամբ խափանման միջոցը փոխելու մասին դատական որոշման հետևանք։ Այնուհետ հաջորդեց անցումային արդարադատության ատրիբուտների ներդրման գործընթացի արագացումը։

Եթե արդարադատության ոլորտում իշխանության կտրուկ շարժումների հիմքում Ռոբերտ Քոչարյանի նկատմամբ Նիկոլի անձնական հաշվեհարդարն է, ապա 2016թ. Ապրիլյան պատերազմի հանգամանքների խորհրդարանական քննիչ հանձնաժողովի ստեղծումը վերլուծաբանները միանշանակ կապակցեցին երրորդ նախագահ Սերժ Սարգսյանի անձի հետ։

Հանձնաժողովը հարցաքննելո՞ւ է Սարգսյանին։

Պաշտպանության և անվտանգության հարցերի մշտական հանձնաժողովի ղեկավար Անդրանիկ Քոչարյանի կողմից գլխավորվող ժամանակավոր հանձնաժողովի առաջին նիստից (հունիսի 4) անմիջապես հետո իշխանության կողասրահներում սկսեցին խոսել այն մասին, որ 2016թ. ապրիլին Ադրբեջանի ռազմական ագրեսիայի հանգամանքների ուսումնասիրության շրջանակներում հանձնաժողովը կհարցաքննի Սերժ Սարգսյանին։ Ըստ երևույթին, այդ հանձնաժողովի գլխավոր խաղաքարն այն է, որ հրավիրեն երրորդ նախագահին ու նրա պատասխանների մեջ փորձեն ակնարկ գտնել այն մասին, ինչն ամենուրեք երևում է վարչապետի աչքին, այսինքն՝ դավադրության ու դավադիրների։

Հիշեցնեմ, որ Ապրիլյան պատերազմի քննիչ հանձնաժողովի կազմում չկա ոչ մի պատգամավոր, ներառյալ Ա.Քոչարյանը, որը կարող է հավակնել ռազմական փորձագետի դերին։ Հենց այդ պատճառով էլ պաշտպանության հանձնաժողովի նախագահի հայտարարությունները հարցերի լայն սպեկտր ուսումնասիրելու մտադրության մասին, մեղմ ասած, այնքան էլ լուրջ չեն թվում։

Комиссия расспросит Саргсяна?

Ակնհայտ է, որ Փաշինյանն օգտագործում է Ա.Քոչարյանի հմտությունները նույն այն ասպարեզում, որում այդ պարոնն աչքի ընկավ, սպասարկելով Լևոն-Տեր Պետրոսյանի շահերը 2018թ. մարտի 1-ի իրադարձություններից հետո։ Ա.Քոչարյանը, հիշեցնեմ, գլխավորում էր փաստահավաք խումբը, որի եզրակացություններն ընկան քրեական գործի հիմքում։ Այսօր Ա.Քոչարյանը զբաղվում է Քառօրյա պատերազմի հետ կապված իրադարձությունների վերաբերյալ փաստահավաքով։ Հանձնաժողովի գործունեությունը կտևի 6 ամիս։

Այս կապակցությամբ շատերին հետաքրքրում է այն հարցը, թե կհրավիրվի՞ արդյոք վարչապետ Փաշինյանը հանձնաժողովի նիստերից մեկին՝ Արցախի Հանրապետության վրա Ադրբեջանի հարձակմանը Ռուսաստանի առնչության մասին իր հայտարարության վերաբերյալ ցուցմունքներ տալու։ «Ժառանգություն» խմբակցության նախկին պատգամավոր Ռուբեն Հակոբյանը օրերս կարծիք արտահայտեց, որ այդ հարցը պետք է անկյունաքար դառնա խորհրդարանական ժամանակավոր մարմնի համար։ «Թող Փաշինյանը ապացույցներ ներկայացնի իր այն հայտարարության վերաբերյալ, թե Ադրբեջանի ագրեսիան համաձայնեցված է եղել Ռուսաստանի հետ։ Եթե չկարողանա ապացուցել, պետք է ասի՝ ստել եմ, ուղղակի իշխանություն էի ուզում»,- ասաց Հակոբյանը։ Հակառակ դեպքում, նրա խոսքերով, տվյալ հանձնաժողովի գործունեությունն իմաստազուրկ է։

Թերթերն արդեն վերապատմում են այն ասեկոսեն, թե ինչպես է Նիկոլի ոմն ֆանատիկոս վիրտուալ տարածքում «լուր» հրապարակել այն մասին, որ ՌԴ նախագահը սարսափահար զանգել է Նիկոլին ու ասել, թե որքան է ինքը վախեցել, որ հանձնաժողովը կբացահայտի Կրեմլի առնչությունը Ադրբեջանի ագրեսիային։Կատակը՝ կատակ, բայց վարչապետի ագրեսիվ ֆանատիկոսները հասարակական կոնկրետ ենթաշերտ են, որից կարելի է սպասել ցանկացած անհամարժեք գործողություն, և ոչ միայն քարոզչության ոլորտում։ Բավական է հիշել այդ հանրության վերջին կարգախոսներից մեկը. «Աբդուլ Համիդը իրավացի էր, Դաշնակցությունը սխալվո՛ւմ էր»…

Համարժեք հանրությունն իր հերթին տարակուսում է այն առիթով, որ երկրորդ և երրորդ նախագահների կառավարման տարիներին չձևավորվեց հանձնաժողով, որը կհետաքններ հենց իր՝ Ա.Քոչարյանի գործունեությունը։ Այդ հանձնաժողովը կպատասխաներ, օրինակ, այն հարցին, թե ինչպես պատահեց, որ 1999թ. հոկտեմբերի 27-ից անմիջապես հետո Ա նդրանիկ Քոչարյանի անունը հայտնվեց Վահան Շիրխանյանի հայտնի ցուցակում, որը վերջինս ներկայացրեց նախագահ Ռոբերտ Քոչարյանին՝ այն ժամանակ, երբ «Միասնության» առաջնորդների մարմինները դեռևս դահլիճում էին՝ մյուս սպանվածների հետ մեկտեղ։

 

Основная тема:
Теги:

    ПОСЛЕДНИЕ ОТ АВТОРА

    • СТУКАЧЕСТВО И ЛОЖНЫЕ ДОНОСЫ – ОСНОВА "ПРАВОСУДИЯ" РЕЖИМА
      2021-12-06 13:16
      754

      Лусинэ Аветян призналась, что оклеветала Аруша Арушаняна На заре пашиняновских репрессий мы задавались вопросами о том, кто в системе политических преследований, доносов и стукачества возьмет на себя роль начальника НКВД по прозвищу "кровавый карлик" Николая Ежова, кто станет пашиняновским Берией, а кто Вышинским?

    • КТО ПОКОНЧИТ С РЕЖИМОМ ПАШИНЯНА?
      2021-12-04 10:07
      2318

      На слуху только "бла", "бла", "бла"… 75% территории Арцаха под контролем Азербайджана, главарь режима играет в непонятные игры вокруг оккупации Сюникского и Гегаркуникского марзов, идея "Зангезурского коридора" постепенно проталкивается Баку и Анкарой, первые лица ничего не говорят о сроках возвращения пленных, из официальных документов исчезло определение "Республика Арцах"…

    • ОТ ГЕНЕРАЛОВ ПОБЕДЫ ДО ОРГАНИЗАТОРОВ САМООБОРОНЫ
      2021-12-03 12:24
      2189

      Капитулянт питает особую ненависть к генералам победы Командира легендарной 5-й бригады генерала Манвела Григоряна показательно убивали, продлевая арест, невзирая на тяжелейшие диагнозы, потом отпустили домой умирать, но он рвался в Арцах, который в те дни противостоял азербайджано-турецкой агрессии.

    • ПАШИНЯН ПЛАНИРУЕТ ЛИКВИДИРОВАТЬ ПРОРОССИЙСКУЮ ОППОЗИЦИЮ
      2021-12-01 12:15
      1965

      Русофобская истерия продолжается Освободительное движение дало трещину, от него отделилась организация "5165". Ее лидер Карин Тоноян объявила о необходимости сформировать атмосферу национального согласия вокруг борьбы с режимом, а также о готовности начать консультации со всеми политическими силами. Другая часть Освободительного движения решила продолжить уличную борьбу.






    ПОСЛЕДНЕЕ ПО ТЕМЕ

    • ՀԱՍԱՐԱԿՈՒԹՅԱՆ ԳԼԽԱՎՈՐ ՊԱՀԱՆՋԸ
      2021-02-08 20:38
      418

      Վերջին զվարճալի նորությունը. «Իր ուսապարկերը» խմբակցությունը հանդիպել է վարչապետի հետ և որոշել, որ «հասարակության լայն շերտերի շրջանում չկա արտահերթ ընտրությունների պահանջ»: Նրանք վճռել են, թե իրենք կարող են ինչ-որ բան վճռել։ «80+ ուսապարկերը որոշել են, թե կարելի է ապաշնորհ տանուլ տալ պատերազմը, ծնկի գալ թշնամու առաջ, վաճառել հայրենիքն ու շարունակել մնալ իշխող կուսակցություն»։

    • ԻՆՉՈ՞Ւ ԱՅՍ ԱՆԳԱՄ ԲԱՆՆ ԱՎԱՐՏՎԵՑ ԱՌԱՆՑ ՈՒՂՂԱԹԻՌԻ
      2021-01-29 17:35
      247

      Հայաստանի երկրորդ նախագահ Ռոբերտ Քոչարյանը հայտարարեց, որ առաջադրվելու է արտահերթ խորհրդարանական ընտրություններում՝ անկախ նրանից, թե երբ դրանք տեղի կունենան, հաղորդում է Panorama.am-ը։

    • Հանձնաժողովը դրական եզրակացություն է տվել
      2019-09-24 14:36
      383

      ՀՀ ԱԺ պետաիրավական հարցերի մշտական հանձնաժողովը սեպտեմբերի 24-ին դրական եզրակացություն է տվել կառավարող «Իմ քայլը» դաշինքի՝ Սահմանադրական դատարան դիմելու նախաձեռնությանը՝ նախագահ Հրայր Թովմասյանի լիազորությունները դադարեցնելու համար, տեղեկացնում է NEWS.am-ի թղթակիցը։

    • ԿԴԱՌՆԱ՞ ԱՐԴՅՈՔ ՍԴ-Ն ՍՈՐՈՍԻ ԿԱԴՐԵՐԻ ԽԱՄԱՃԻԿԸ
      2019-08-28 19:11
      650

      Օգոստոսի 29-ին Հայաստանի Սահմանադրկան դատարանը (ՍԴ) գրավոր ընթացակարգով կսկսի լսումները Ռոբերտ Քոչարյանի դիմումի վերաբերյալ, որով նա խնդրում է ստուգել Հայաստանի Քրեական դատավարության օրենսգրքի երկու հոդվածների՝ 135-րդի («Խափանման միջոց կիրառելու հիմքերը») և 35-րդի («Քրեական գործի վարույթը կամ քրեական հետապնդումը բացառող հանգամանքները») համապատասխանությունը Սահմանադրությանը։ Նույն օրը ՍԴ-ն կքննի Քոչարյանի նաև երկրորդ դիմումը՝ Հայաստանի Քր.օր.-ի 300.1 հոդվածի («Սահմանադրական կարգի տապալում») սահմանադրականության հարցով։