Последние новости

Իրանի ԱԳՆ․ Թեհրանը համարժեք պատասխան կտա Վաշինգտոնի քայլերին

Իրանը համարժեք կերպով կպատասխանի ԱՄՆ-ի բոլոր գործողություններին: Այդ մասին ուրբաթ գրել է Իրանի ԱԳՆ ներկայացուցիչ Աբաս Մուսավին թվիթերյան իր էջում, հաղորդում է ՏԱՍՍ-ը:

«Իրանի ժողովուրդը դիվանագիտորեն է պատասխանում դիվանագիտությանը, հարգանքով՝ հարգալից վերաբերմունքին և պաշտպանվում է ագրեսիայի դեմ,-նշել է նա:-Կարելի՞ է արդյոք ԱՄՆ-ի կողմից Իրանի նկատմամբ տնտեսական ահաբեկչության և պատերազմի տարիները համարել դիվանագիտություն»: Այդկերպ ԱԳՆ-ի ներկայացուցիչը պատասխանել է Իրանի հարցով ԱՄՆ-ի հատուկ ներկայացուցիչ Բրայան Հուքի հայտարարությանը, որ «ամերիկյան դիվանագիտությունը չի ընձեռում Թեհրանին իրավունք պատասխանել ռազմական ուժով»:

Հինգշաբթի The New York Times թերթը, հղում անելով ԱՄՆ-ի վարչակազմում իր աղբյուրներին, հայտնել է, որ նախագահ Դոնալդ Թրամփը համաձայնություն է տվել Իրանի ուղղությամբ հարվածներ ուղղելուն, երբ այդ երկրի ԶՈՒ-ն խոցել էր ամերիկյան անօդաչու թռչող սարքը: Ավելի ուշ նա չեղարկել էր այդ որոշումը, նշել է պարբերականը:

Հինգշաբթի Իսլամական հեղափոխության պահապանների կորպուսում հայտարարել են, որ խոցել են Իրանի հարավում ամերիկյան անօդաչու թռչող սարք: ԱՄՆ-ի Զինված ուժերի Կենտրոնական հրամանատարության ներկայացուցիչ Բիլ Ուրբանն ավելի ուշ հայտարարել է, որ սարքն իբրև խոցվել էր Հորմուզի նեղուցի երկնքում՝ միջազգային օդային տարածքում, տեղեկացնում է NEWS.am:

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ