10 տարի հիմնանորոգված Վեհարանը շատերին կզարմացնի
Շուրջ 10 տարվա հիմնանորոգման աշխատանքներից հետո Մայր Աթոռ Սուրբ Էջմիածնում այսօր կվերաբացվի Վեհարանը` Ամենայն Հայոց Կաթողիկոսների նստավայրը։ Վեհարանում` արդեն իսկ վերանորոգված սրահներում այցելուները կարող են տեսնել հազվագյուտ ձեռագրեր, սրահների պատերին արված յուրահատուկ փորագրություններ, Այվազովսկու, Մինասի բացառիկ նկարները, առաստաղին արված ձեռագիր քարտեզ, կրոնական արժեքավոր ու եզակի նմուշներ։ Լրագրողների հետ զրույցում Ամենայն Հայոց Կաթողիկոս Ն.Ս.Օ.Տ.Տ Գարեգին Բ-ն նշեց, որ Էջմիածինը համայն հայության նվիրական սրբավայրն է, և դարերի ընթացքում մշտապես վերակառուցվել է։
«Շնորհիվ ազգային բարերար Սամվել Կարապետյանի, հնարավորություն ունեցանք հիմնանորոգել Վեհարանը։ Այն գրեթե մեկ դար առաջ է կառուցվել` Ալեքսանդր Մանթաշյանի նվիրատվությամբ։ Սակայն երկար ժամանակ Վեհարանը գործածվել է որպես զինվորական հոսպիտալ, և միայն 1962թ–ին Վազգեն Վեհափառի ջանքերով հնարավոր եղավ շինությունը Էջմիածնին վերադարձնել»,–ասաց նա։
Գարեգին Բ–ն հայտնեց, որ Վեհարանի դռները բաց են լինելու և յուրաքանչյուրն ազատ ելումուտ է ունենալու ինչպես այնտեղ, այնպես էլ Հայոց Հայրապետի մոտ։ Նա հույս հայտնեց, որ առաջիկայում այն եկեղեցիները, որոնք նորոգության կարիք ունեն, կվերականգնվեն ու կհիմնանորոգվեն։
Մայր Աթոռի թանգարանների և արխիվի տնօրեն Ասողիկ աբեղա Կարապետյանի խոսքով` հիմնանորոգվել ու կահավորվել են Վեհարանի բոլոր սրահները, կառուցվել է 650 և ավելի տեղ ունեցող հանդիսությունների սրահ։ Սրահում, ըստ նրա, կլինեն սիմֆոնիկ համերգներ, համաժողովներ։
«Վեհարանի գրադարանում 1000 ձեռագիր մատյաններ են պահվում, իսկ գրադարանի առաստաղը զարդարված է յուրօրինակ քարտեզով։ Քարտեզի բնօրինակն այժմ պահվում է Իտալիայի Բոլոնյա քաղաքի գրադարանում։ Քարտեզը մեզ համար յուրահատուկ է, քանի որ այն ներկայացնում է 17-18–րդ դարերում Հայկական լեռնաշխարհում առկա հայոց վանքերն ու կալվածքները»,–ասաց նա։
Մայր Աթոռի վարչատնտեսական բաժնի տնօրեն Մուշեղ եպիսկոպոս Բաբայանն էլ հայտնեց, որ սրահներում ներկայացված է օրինակ` Մինասի` հրդեհված արվեստանոցից պահպանված եզակի նկար, որը նա նվիրել էր Վազգեն Առաջինին։ Բացի այդ, կա Այվազովսկու առաջին նկարը, որը նկարիչը հայերենով` «Այվազյան» է մակագրել։
«Վեհարանում է նաև թանգարանը, որտեղ ցուցադրված են բացառիկ նմուշներ, օրինակ` Ստեփան Ներսիսյանի նկարած Մեսրոպ Մաշտոցի պատկերը, որը բոլորին հայտնի է «Այբբենարաններից»։ Այստեղ է նաև ոսկեձույլ հայոց այբուբենը, ոսկեձույլ ծաղկած խաչը»,–ասաց նա։
Ի դեպ, Վեհարանի հիմնանորոգման ճարտարապետը` Աշոտ Արշակյանն է, տեղեկացնում է armeniasputnik.am-ը։
ПОСЛЕДНИЕ ОТ АВТОРА
-
2024-05-14 05:14
Этой весной в Северной Америке произойдет редчайшее событие: из-под земли выйдут сразу два выводка периодических цикад. Эти насекомые не показываются на поверхности годами, а одновременного появления двух выводков приходится ждать столетиями. В прошлый раз это случилось, когда еще существовала Священная Римская империя. В то время о периодических цикадах почти ничего не знали, а их появление принимали за нашествие библейской саранчи.
-
2024-05-14 05:05
В МВД Армении сообщили, что полиция подвергла приводу 88 участников акции в Ереване. Протестующие выступали за отставку премьер-министра страны Никола Пашиняна, который решил передать несколько приграничных сел Азербайджану. Об этом пишет ИРНА.
-
2024-05-14 05:01
Экс-заместитель министра иностранных дел Армении Авет Адонц посчитал примитивными и провинциальными обвинения главы МИД Арарата Мирзояна, назвавшего дезертирами бывших высокопоставленных дипломатов, участвующих в протестном движении "Тавуш во имя Родины". Об этом он сказал Sputnik Армения.
-
2024-05-14 04:56
Премьер-министр Никол Пашинян не сможет удержать власть, и это уже более чем очевидно. Об этом заявил экс-директор Всеармянского фонда «Армения» Ара Варданян, передает Verelq.am.
ПОСЛЕДНЕЕ ПО ТЕМЕ
-
2019-07-04 14:16
Պոլսո Հայոց պատրիարքարանում տեղի ունեցած ընտրությունների արդյունքում տեղապահ է ընտրվել Սահակ եպիսկոպոս Մաշալյանը:
-
2019-05-09 14:15
Ամենայն Հայոց Կաթողիկոս Գարեգին Բ-ն ուղերձ է հղել Հաղթանակի ու խաղաղության տոնի, Շուշիի ազատագրության և Պաշտպանության բանակի հիմնադրման օրերի առիթով:
-
2019-04-16 12:23
ՀՀ վարչապետ Նիկոլ Փաշինյանը խորապես ցավում է Աստվածամոր տաճարում խոշոր հրդեհի կապակցությամբ, որը հանգեցրեց տաճարում զգալի վնասների:
-
2019-04-16 11:05
Կարծես սրբերը գիտեին.... Այս մասին Facebook-ի իր էջում գրել է պաշտպանության նախկին նախարար Վիգեն Սարգսյանը: