Последние новости

ԲԱՔՈՒՆ ՄՏԱԴԻՐ Է ԸՆԴԱՐՁԱԿԵԼ ՀԱԿԱՄԱՐՏՈՒԹՅԱՆ ՏԱՐԱԾՔԸ

Վաղ թե ուշ, բայց նման մի բան պետք է տեղի ունենար։ Սկզբում սոցիալական ցանցերի ադրբեջանական մասնահատվածում հայտնվեցին կադրեր, որտեղ հայերի խումբը Բրյուսելում ծեծում է մի ադրբեջանցու։ Տեսանյութը դատապարտման արժանացավ նաև հայ օգտատերերի շրջանում։ Սակայն կարճ ժամանակ անց Ռուսաստանի հայերի միությունը հանդես եկավ դա չտարածելու կոչով, քանի որ «արնաթաթախ ադրբեջանցուն» պատկերող կադրերը ֆեյք են, բեմադրություն։ Այնուհետ հայտնվեց նաև նախապատմությունը:

Ամեն ինչ սկսվել է նրանից, որ մի խումբ ադրբեջանցիներ սկսել են ծեծել 15-ամյա հայ պատանուն, որին, բարեբախտաբար, հասցրել են ժամանակին օգնության հասնել հայրենակիցները: Բայց գործն արդեն արված էր, և ո՛չ բեմադրված կադրերը, ո՛չ միջադեպի նախապատմությունն արդեն ոչ մեկին չէին հետաքրքրում։ Իսկ շուտով ի հայտ եկան այլ տեսանյութեր, մեկը մյուսի հետևից, թե ինչպես են Մոսկվայում, Լոս Անջելեսում, մյուս քաղաքներում ադրբեջանցիների խմբերը հարձակվում հայերի վրա, ջարդում հայկական համարանիշերով մեքենաները…

Ընդ որում շարունակվում է հայկական ապրանքների արգելափակումը ռուսական առևտրային ցանցերի ադրբեջանցի սեփականատերերի կողմից, թեև մոսկովյան իշխանություններն ավելի վաղ հայտարարել էին, թե խնդիրը կարգավորված է: Ավելին, «ծիրանի սկանդալից» հետո Ռուսաստանի հայերի միության նախագահ Արա Աբրահամյանի և «Ֆուդ Սիթիի» սեփականատեր Գոդ Նիսանովի հետ հանդիպում ունեցավ Ռուսաստանի ԱԳ նախարար Սերգեյ Լավրովը։ Կարելի էր հուսալ, թե հետագայում նման արտառոց միջադեպեր չեն լինի, քանի որ երկու համայնքների միջև բախման կանխարգելման խնդրին ձեռնամուխ է եղել նույնիսկ ՌԴ արտաքին քաղաքական գերատեսչությունը։ Բայց, ինչպես տեսնում ենք, չհաջողվեց։

Բաքուն լրջորեն տրամադրված է փոխադրել Լեռնային Ղարաբաղի հակամարտությունը երրորդ երկրների տարածք, մեծ հրդեհ բորբոքել Անկարայի աջակցությամբ։ Եվ այդպիսով փորձել զանգվածային ճնշում կազմակերպել հայկական կողմի վրա, որպեսզի ստիպի զիջումների գնալ ղարաբաղյան հարցում, չհամաձայնեցնելով հնարավոր պայմանավորվածությունների ողջ փաթեթը, ինչի մասին պնդում է հայկական կողմը։ Պնդում է՝ ենթադրելով, որ տարածքային միակողմանի զիջումները, առանց ողջ փաթեթի համաձայնեցման, կհանգեցնեն միայն նրան, որ Ադրբեջանը հնարավորություն կստանա ավելի բարենպաստ դիրքեր գրավել նոր ագրեսիայի համար։

Հակամարտությունը երրորդ երկրների տարածք տեղափոխելու, հարցը ժողովուրդների ինքնորոշման իրավունքի հարթությունից միջազգային ազգամիջյան հակամարտության հայեցակետի դուրս բերելու Ալիևի մարտավարությունը ունի նաև այլ, «կիրառական» նկատառումներ։ 2016-ի ապրիլին Ադրբեջանը Արցախի դեմ ձեռնարկեց 1994-ին կնքված հրադադարի համաձայնագրից հետո ամենամասշտաբային արկածախնդրությունը։ Բայց գործնականում ոչ մի բանի չհասավ, ստանալով հարյուրավոր, եթե ոչ հազարավոր զոհեր։ Ապրիլյան պատերազմից հետո Արցախի պաշտպանության գիծը է՛լ ավելի ամրապնդվեց, այդ թվում՝ սահմանի և և հակառակորդի տեղաշարժերի տեսահսկման ժամանակակից միջոցների կիրառմամբ: Այսինքն Արցախի և Ադրբեջանի զինված ուժերի շփման գծում հակառակորդը փաստացի զրկված է որևէ անսպասելի զորաշարժի հնարավորությունից։

Հենց այն ժամանակ էլ, ըստ երևույթին, ծնվեց զինված դիմակայությունը հայ-ադրբեջանական սահման տեղափոխելու գաղափարը, ինչն էլ արվեց օրերս Տավուշում։ Պարզվեց, սակայն, որ այստեղ էլ Ալիևին ոչինչ չի ժպտում, եթե չհաշվենք մարդկային, տեխնիկայի և դիրքերի կորուստները…

Բայց քանի որ Բաքվում ու Անկարայում համարում են, թե հենց հիմա է ամենաբարենպաստ պահը՝ Հայաստանից և Արցախից միակողմանի զիջումներ կորզելու համար, հակամարտությունը փորձում են տեղափոխել այլ երկրների տարածք: Դրանով Իլհամ Ալիևը հասկացնել է տալիս, որ խորապես անտարբեր է այն յոթ կետերի նկատմամբ, որոնք օրերս հնչեցրեց Նիկոլ Փաշինյանը՝ որպես սահմանին տեղի ունեցած բախումից Հայաստանի արած հետևություններ։ Կետեր, որոնց թվում Փաշինյանը Բաքվից պահանջում է հրապարակայնորեն հրաժարվել հակամարտությունը ուժով լուծելու մտադրությունից։

Բաքուն ոչ մի բանից մտադիր չէ հրաժարվել։ Հակառակը, ձգտում է ընդարձակել հակամարտության սահմանները։ Կկարողանա՞ն արդյոք հայկական սփյուռքի կազմակերպությունները թույլ չտալ ներքաշել իրենց այդ բախման մեջ՝ ընդ որում պաշտպանելով սեփական շահերը։ Դժվար է, բայց դա միակ ճանապարհն է։

Ադրբեջանական ագրեսիայի դեմ այլ երկրներում պետք է պայքարի բնավ ոչ հայկական սփյուռքը. այդ ճանապարհը ոչ մի տեղ չի տանի, այլ այդ երկրների համապատասխան կառույցները։ Բայց դրա համար ոչ միայն սփյուռքի կազմակերպությունները, այլև հայկական դիվանագիտությունը, թևքերը քշտած, պետք է մեծ աշխատանք կատարեն։ Ըստ վերջին հաղորդագրությունների, Մոսկվայում ձերբակալված են տասնյակ ադրբեջանցիներ, բայց մտավախություն կա, որ ամեն ինչ դեռ նոր է սկսվում։

Основная тема:
Теги:

    ПОСЛЕДНИЕ ОТ АВТОРА

    • МОЖНО И ЛУЧШЕ, НО НЕ ПРИ ЭТОЙ ВЛАСТИ
      2021-10-22 14:07
      874

      Отвечая на вопросы в ходе международного "Валдайского форума" президент России Владимир Путин сделал вчера ряд знаковых заявлений, касающихся перспектив развития ситуации в регионе нагорно-карабахского конфликта. Остановимся на ключевых тезисах относительно долгосрочного урегулирования в регионе в целом.

    • БОЛЬШОЙ СЛИВ
      2021-10-21 13:22
      1168

                   Безалаберное правительство в очередной раз завалило борьбу с короновирусом: мы опять выходим в лидеры по смертности в регионе. И, судя по всему, долго еще будем это лидерство удерживать, поскольку следующий месяц будет особенно тяжелым, а правительство Пашиняна - это правительство мастеров устраивать шоу, а не работать. Вот из похорон Вано Сирадегяна шоу устроят точно, тут сомнений нет.

    • ПРОЛЕТ В ГОРИСЕ
      2021-10-18 11:22
      1660

      "Гражданский договор" пролетел в Горисе. Политзаключенный Аруш Арушанян, представитель блока "Армения" победил, набрав почти вдвое больше голосов, чем его оппонент из правящей партии.

    • В СТРАНЕ СЕРТИФИЦИРОВАННЫХ РЮКЗАКОВ
      2021-10-16 12:01
      2051

      Как-то уже приходилось сравнивать нашего Никола с Горбачевым. Параллелей действительно много. Тот тоже вместе со своей активной Раисой Максимовной развалил свою страну, как это сегодня делает Воваевич с не менее активной Анной Акопян. Практически под теми же лозунгами: ускорение, гласность, новое мышление в международных отношениях, обличение бывших закостенелых властей…. Под этими красивыми лозунгами оба лидера сдавали территории, рушили экономику, армию, национальную безопасность и другие государственные структуры, загоняли свои страны в долговые ямы.






    ПОСЛЕДНЕЕ ПО ТЕМЕ

    • ԿԱՐԵԼԻ Է ԵՎ ԱՎԵԼԻ ԼԱՎ, ԲԱՅՑ ՈՉ ԱՅՍ ԻՇԽԱՆՈՒԹՅԱՆ ՕՐՈՔ
      2021-10-23 08:43
      68

      «Վալդայի միջազգային ֆորումի» ընթացքում պատասխանելով հարցերին, Ռուսաստանի նախագահ Վլադիմիր Պուտինը երեկ մի շարք նշանակալի հայտարարություններ է արել, որոնք վերաբերում են Լեռնային Ղարաբաղի հակամարտության տարածաշրջանում իրավիճակի զարգացման հեռանկարներին: Անդրադառնանք ամբողջապես տարածաշրջանում երկարաժամկետ կարգավորման առանցքային թեզերին։

    • ՆԱ ՆՈՐԻՑ ԿՉՔՄԵՂԱՆԱ
      2021-10-13 21:42
      398

      Հայաստանում Ֆրանսիայի նոր դեսպան Անն Լույոն «Ազատություն» ռադիոկայանին տված հարցազրույցում հայտարարել է. «Ֆրանսիան, Ռուսաստանի և Միացյալ Նահանգների հետ միասին, աշխատում է Ղարաբաղի վերաբերյալ տևական համաձայնագրի կնքնման ուղղությամբ։ Կարող եմ ձեզ ասել, որ Նյու Յորքում շարժ է գրանցվել, ԵԱՀԿ Մինսկի խմբի այլ համանախագահների հետ հաճույքով կազմակերպել ենք երկու (Հայաստանի ու Ադրբեջանի) արտգործնախարարների հանդիպումը։ Սա կարող է փոքր քայլ թվալ, բայց իրականում հսկայական քայլ է։ Հուսով ենք՝ նման կարգի այլ որոշումներ ևս կլինեն և կարող եմ վստահեցնել ձեզ, որ մենք՝ ռուսաստանցի և ամերիկացի գործընկերների հետ, գործում ենք, որպեսզի առաջ մղենք Ղարաբաղի վերաբերյալ ավելի տևական համաձայնագրի կնքմանը միտված գործընթացը»։

    • ԻՇԽՈՂ ԹԻՄԻ ՎՇՏԵՐԸ
      2021-09-08 17:52
      865

      «Ալեն Սիմոնյանի ծովափնյա հանգիստը զարմանալու չէ, դա է այդ մարդկանց աշխարհընկալումը, ընտրել եք, աջակցել եք ,ուրեմն բարի եղեք նաև հանդուրժել. գերիների հարցը իրենց համար ակտուալ չէ, առհասարակ արցախյան հիմնահարցը ակտուալ չէ իրենց համար, կարևորը՝ SOQAR-ը էժան նավթամթերք է շուտով ներկրելու Հայաստան, թե ինչ դուստրիկ ձեռնարկության փաթեթավորմամբ , դա հետո կերևա»։ Այս մասին ֆեյսբուքյան իր էջում գրել է Արցախի Ազգային ժողովի պատգամավոր Կարեն Հովհաննիսյանը:

    • ՄԱՆԴԱՏԻ ԽՆԴԻՐԸ
      2021-09-07 17:06
      812

      Ադրբեջանը և Թուրքիան զորավարժություններ են սկսել Քաշաթաղի (Լաչինի) շրջանում։ Սա նրանց առաջին համատեղ մարտավարական զորավարժություններն են Արցախի բռնազավթված տարածքում։ Ինչպես հաղորդում է Ադրբեջանի պաշտպանության նախարարությունը, հատուկ ուշադրություն է նախատեսվում հատկացնել ժամանակակից մարտական տեխնիկայի օգտագործման հմտությունների կատարելագործմանը դժվարանցանելի տեղանքում: