Նազելի ՎԱՐԴԱՆՅԱՆ. ՀԵՂԱՓՈԽՈՒԹՅԱՆ ԻՄԱՍՏԸ Ո՞ՐՆ ԷՐ
«Մենք բազմիցս նշել ենք, որ պետք է օրենք ընդուվի և ծառ կտրելը հատուկ թույլտվություններով լինի, քանի որ կանաչ զանգվածի խնդիր ունենք հատկապես Երևանում»,- Panorama.am-ի հետ զրույցում ասաց «Հայաստանի անտառներ» ՀԿ տնօրեն, իրավաբան Նազելի Վարդանյանն՝ անդրադառնալով վերջերս Մաշտոցի պուրակում հատված ծառերի շուրջ բարձրացված աղմուկին։
Վարդանյանի խոսքով ՝ ցանկացած ծառ կտրելն անթույլատրելի է։
«Զարմանալի է, որ տեղական իշխանությունները շարունակում են թույլ տալ ծառ կտրել և ինչ-որ ձևով մեկնաբանում են, թե ծառը «վատ է զգում» և պետք է կտրել։ Սա ի՞նչ տրամաբանություն է։ Ցանկացած ծառ կտրելն անթույլատրելի է»,- ասաց նա։
Ինչ վերաբերում է հողհատկացումներին և սրճարանի տարածքի սեփականության իրավականությանն, ապա իրավաբանի համար անհասկանալի են Երևանի քաղաքապետի պարզաբանումները։
«Քաղաքապետը հողհատկացման մասով ասում է, որ մենք ոչ մի իրավական հնարավորություններ չունենք։ Դա անօրինական հայտարարություն է։ Նախկինում ասում էին, որ ինչ-որ շահեր ունեն, դրա համար են նման բան ասում։ Բայց հեղափոխությունն արվեց, որ ամեն ինչ օրինական դաշտ բերվի։ Հողային օրենսգրի 60-րդ հոդվածն ասում է, որ հանրային տարածքները, որոնցում ներառված են այգիներն ու պուրակները, սեփականաշնորհման ենթակա չեն, ոնց կարող է սեփականության իրավունք ունենա։ Պետք է դնեին և անվավեր ճանաչեին և դրանով ամեն ինչ վերջանար»,- նշեց իրավաբանն ու հավելեց․
«Եթե հիմա ցանկություն և փող ունենաս, որ ծառ տնկես, տեղ չկա արդեն։ Ասում են նախկինները որոշումներ են կայացրել և մենք դրանով սահմանափակված ենք, չենք կարող ոչինչ փոխել։ Բա էլ հեղափոխության իմաստը ո՞րն էր։ Իմաստն այն է, որ այն, ինչ անօրինական է, պետք է փոխվի։ Թուղթ ու գրիչն իրենց ձեռքում է։ Օրենքն արգելում է, հանրային տարածք է, ուրեմն պետք է վերացվի»։
Նազելի Վարդանյանի խոսքով՝ Մաշտոցի պուրակի ծառահատման դեպքը միակը չէ, պարզապես այս մեկն աղմուկ առաջացրեց։ Նման դեպքեր մայրաքաղաքում շատ են հանդիպում։
«Որտեղ որ բիզնես են ուզում անել, ծառ են կտրում, կամ եթե գովազդին է խանգարում ծառ են կտրում։ Նույն Մաշտոցի պողոտայի վրա այլ տեղ էլ կար ծառ կտրված, Կոմիտասի պողոտայում և այլուր։ Վերահսկողություն բացարձակ չկա»,- ասաց ՀԿ ղեկավարը։
Անդրադառնալով հետխորհրդային երկրներին մեկ շնչին բաժին ընկնող կանաչ տարածքներին, Նազելի Վարդանյանը տեղեկացրեց, որ ԱՀՊ երկրներում մեկ շնչին ընկնում է մոտ 2,9 հա կանաչ տարածք, իսկ Հայաստանում՝ 0,01 հա, այսինքն՝ 29 անգամ մեր բնակիչը քիչ թթվածին է շնչում։
Բացի այդ, չպետք է մոռանալ, որ Երևանը կիսաանապատային գոտում է գտնվում և կանաչ տարածքներն ուղղակի կենսական նշանակություն ունեն, հատկապես Կենտրոնում, որտեղ խիտ կառուցապատված է։
ПОСЛЕДНИЕ ОТ АВТОРА
-
2024-05-18 14:18
Корреспондент 24News Мэри Манукян признана потерпевшей. Об этом на своей странице в Facebook сообщил член инициативы «Пять правозащитников» Рубен Меликян, передает News.am.
-
2024-05-18 14:17
Политические силы изъявили желание, чтобы кандидатом в премьеры протестного движения "Тавуш во имя Родины" стал Баграт Галстанян. Об этом архиепископ сообщил журналистам, обобщая итоги встречи с ними, подчеркнув, что решение по этому вопросу пока не принято, передает Sputnik Армения.
-
2024-05-18 12:39
По данным источников в полиции, операции полиции по разгону антиправительственных демонстраций, продолжающихся в Ереване уже более недели, координирует и направляет не министр внутренних дел Ваге Казарян, а заместитель министра внутренних дел Арпине Саркисян. Об этом пишет газета «Грапарак», передает News.am.
-
2024-05-18 12:37
Руководители органов пограничного контроля пограничных ведомств государств – участников СНГ на встрече в Ташкенте обсудили совершенствование погранконтроля на фоне роста угроз безопасности, сообщается на сайте исполкома Содружества, передает Sputnik Армения.