Последние новости

ՆԱԽԱԳԱՀՆԵՐԻ ԱՇՈՒՆ, կամ՝ «2018թ. ԱՊՐԻԼԻ ԻՇԽԱՆԱՓՈԽՈՒԹՅՈՒՆԸ ԱՐՑԱԽԻ ՄԱՍԻՆ ԷՐ»

Երիտասարդության հետ համագործակցության ուղեգիծ

Ավարտված ամառն աննախադեպ էր առաջին, երկրորդ և երրորդ նախագահների քաղաքական ակտիվության տեսանկյունից։

Սերժ Սարգսյանը երկար լռությունից հետո ասուլիս հրավիրեց և 3 ժամից ավելի պատասխանեց լրագրողների հարցերին, Ռոբերտ Քոչարյանը նույնպես ասուլիս անցկացրեց, իսկ որոշ ժամանակ անց հանդիպեց ու պատասխանեց տնտեսական մեկնաբանների հարցերին: Ակտիվությունը պահպանվել է նաև սեպտեմբերին։ Օրերս երրորդ նախագահը Սևանում հանդիպում ունեցավ ՀՀԿ երիտասարդական կազմակերպության ներկայացուցիչների հետ, իսկ երկրորդ նախագահը խարույկի շուրջ զրուցեց իր երիտասարդ կողմնակիցների հետ: Ողջ ցանկությամբ հանդերձ՝ նիկոլական քարոզչամեքենան չկարողացավ տարաձայնությունների նշույլ անգամ տեսնել երկրորդ և երրորդ նախագահների ելույթներում։ Այս ամռանը Քոչարյանի և Սարգսյանի միջև իբր առկա անհաշտ հակասությունների մասին հորինվածքը վերջնականապես պսակազերծվեց։

Խարույկի մոտ զրույցի ընթացքում Քոչարյանը անդրադարձավ տասնամյակների պատմություն ունեցող բարեկամությանը և ափսոսանք հայտնեց, որ «Ազգ-բանակ» հայեցակարգը չի իրականացվել գործնականում: Իր երիտասարդ կողմնակիցների հետ երկրորդ նախագահի զրույցը ժամանակային առումով համընկավ կուսակցությանն անդամակցել ցանկացողներով մշտապես համալրվող երիտասարդական կազմակերպության անդամների առջև ՀՀԿ առաջնորդի ելույթի հետ։ Երիտասարդների հետ համագործակցելու երկու գործիչների ուղեգիծը սեպտեմբերին միանգամայն հստակ դրսևորվեց։

ՀԱԿ առաջնորդն ինքն էր հրավիրել ՌԴ դեսպանին զրույցի համար

Աշնանը սպասվում է Սարգսյանի երկրորդ ասուլիսը, որը նվիրված է լինելու Արցախին։

Տեր-Պետրոսյանը նույնպես այս ամռանը դրսևորեց ակտիվության նշաններ, մասնավորապես՝ փորձեց բանավեճի մեջ մտնել «Սասնա ծռեր» կուսակցության առաջնորդների հետ և ի պատասխան ստացավ գռեհիկ շշպռանք՝ առանց պատշաճ հարգանքի իր անձի նկատմամբ: Իսկ բառացիորեն օրերս ՀԱԿ մամուլի ծառայությունը շնչեղ հաղորդեց իր առաջնորդի և ՀՀ-ում ՌԴ արտակարգ և լիազոր դեսպան Սերգեյ Կոպիրկինի հանդիպման մասին, որը տևել է մոտ 2 ժամ։

Ավելի ուշ պարզվեց, որ դեսպանն այցելել է Տեր-Պետրոսյանի առանձնատուն՝ վերջինիս խնդրանքով, հարգելով ՀԱԿ առաջնորդի կարգավիճակն ու տարիքը։ Ի տարբերություն ՀԱԿմամլո ծառայության, ԶԼՄ-ները տեղեկություններ հրապարակեցին սեփական աղբյուրներից, որտեղ խոսվում էր Փաշինյանի կառավարության քաղաքականությունից ՀԱԿ առաջնորդի տարանջատման փորձի մասին։ Այլ կերպ ասած, Լևոն Հակոբիչը ամենայն մանրամասնությամբ պատմել է Կոպիրկինին, որ ընդհանուր ոչինչ չունի Ռուսաստանի հետ մերձեցման գիծ չիրականացնող Փաշինյանի հետ։ Տեր-Պետրոսյանը հավաստիացրել է դեսպանին, որ համամիտ չէ Ռուսաստանի նկատմամբ ներկայիս ղեկավարության վարած քաղաքականությանը։ Խոսել են նաև կարգավորման խնդիրների և տարածաշրջանում տիրող իրավիճակի մասին։ Մի խոսքով, ՀԱԿ առաջնորդը հրավիրել էր դեսպանին իր քաղաքական ենթավարպետին ուրանալու համար. կարծում եմ ՝ այս անգամ արդեն ընդմիշտ։

Այս ամռան ընթացքում երկրորդ և երրորդ նախագահների ակտիվացումը միանգամայն բացատրելի է Արցախի ճակատագրի համար մտահոգության տեսանկյունից։ Տավուշի դեպքերից հետո համանախագահները հանդես եկան բանակցությունների անհապաղ վերսկսման կոչով, սակայն նրանք, ովքեր կարգավորման խնդրի մասին գիտեն ամեն ինչ և նույնիսկ ավելին, հիմնավոր կասկածներ ունեն, որ ներկայիս բարդ իրավիճակում Փաշինյանը չի կարողանա բանակցային գործընթացը տանել հայկական կողմի համար շահավետ հունով: Այդ մասին օրերս ուղիղ տեքստով հայտարարեց ՀՀԿ փոխնախագահ Արմեն Աշոտյանը։

«Նրա դուխը կհերիքի՞, որ «ոչ» ասի»

Աշոտյանի խոսքերով, «2018-ի իշխանափոխությունը Արցախի մասին էր, և այսօրվա իրավիճակն էլ է Արցախի մասին»: «Փաշինյանի առջև դրել են այն սցենարը, որը ժողովուրդն արդեն վաղուց մերժել է. նրա դուխը կհերիքի՞, որ «ոչ» ասի»,- հարց է տալիս Աշոտյանը։ «Մենք նրան չենք մեղադրում դավաճանության մեջ, մենք նրան մեղադրում ենք անգրագիտության ու ինքնավստահության մեջ», - ընդգծեց ՀՀԿ փոխնախագահը: Նրա խոսքերով, խնդրի իրական լուծումը ցավոտ փոխզիջում է պարունակելու, որի համար ստիպված են լինելու քաղաքական պատասխանատվություն կրել, ուստի Փաշինյանն ամենևին էլ չի ձգտում վերջնական կետին հասցնել գործընթացը։ Աշոտյանի կարծիքով, ի տարբերություն Տեր-Պետրոսյանի, Քոչարյանի և Սարգսյանի, ներկայիս վարչապետը խնդրի նկատմամբ սեփական մոտեցում չունի, փոխարենը՝ կան մարդիկ, որոնք շշնջում են նրա ականջին, թե իբր՝ պետք է սպասել ԱՄՆ նախագահական ընտրություններին, քանզի Բայդենի հաղթանակի դեպքում Սորոսի ազդեցությունը կմեծանա

«Եթե Փաշինյանը հայրենասիրության գոնե նշույլ ունենար, ինչպես նաև ինքնապահպանման բնազդ, ապա անհապաղ կկազմակերպեր խորհրդարանական արտահերթ ընտրություններ։ Նույնիսկ արտգործնախարարի հրաժարականը չի օգնի ձգձգել իրավիճակը, միակ ելքը որոշումն է խորհրդարանի վերաբերյալ, որն ի սկզբանե չի արտացոլել քաղաքական ուժերի իրական հարաբերակցությունը հասարակության մեջ։ Արտահերթ ընտրությունները բանակցային գործընթացում ռեսթարթի հասնելու ամենաօպտիմալ միջոցն են»,- ընդգծեց Աշոտյանը։

Ի դեպ, ՀՀԿ փոխնախագահն օրերս առաջին անգամ հնչեցրեց ձայների կոնկրետ թիվը, որոնք չգիտես ուր են անհետացել արտահերթ խորհրդարանական ընտրությունների քվեարկության արդյունքների ամփոփման ժամանակ։ Իշխանությունը «հափռել» է ՀՀԿ-ին սատարած 50-ից 60 հազար ընտրական ձայն։ Այդ իսկ պատճառով իշխանության նախկին կուսակցությունը չմտավ խորհրդարան։ «Նիկոլ, ո՞ւր կորան այդ ձայները»,- հարցնում է Աշոտյանը, որից հետո հայտարարում, որ Նիկոլը ստիպված է լինելու պատասխանել այդ հարցին։

Հաշվետվությունը կներկայացվի խորհրդարանի նախագահին

2016 թվականի Ապրիլյան պատերազմի հանգամանքները հետաքննող խորհրդարանական ժամանակավոր հանձնաժողովի նախագահ Անդրանիկ Քոչարյանը լրագրողներին տեղեկացրել է, որ սեպտեմբերին ԽԺՀ-ի տարեկան գործունեության մասին հաշվետվությունը կներկայացվի խորհրդարանի նախագահին:

Զեկույցը կունենա գաղտնի, հույժ գաղտնի և բաց դրվագներ: Ակնհայտ է, որ առանց Փաշինյանի համաձայնության՝ այդ փաստաթուղթը չի հրապարակվի խորհրդարանի ամբիոնից ։ Փաշինյանն անպայման գրչով կանցնի հաշվետվության վրայով, մինչ դրա հրապարակումը երկրի ամենաբարձր ամբիոնից։

Առայժմ վեհերոտ հույս կա, որ անցած ժամանակահատվածում ԽԺՀ-ն շեղվել է նախկին ղեկավարության վրա մեղքը բարդելու նպատակով այդ պատերազմում հայկական կողմի հաղթանակն իբրև պարտություն ներկայացնելու հանձնարարված ուղեգծից։ Մենք դեռ հավատում ենք, որ ԽԺՀ-ի զեկույցն իր եզրակացություններում չի կրկնի ադրբեջանական քարոզչության այն թեզիսները, թե  Արցախի շփման գծի ողջ երկայնքով 2016 թվականի ագրեսիան բարեհաջող է ավարտվել հակառակորդի համար:

Երկրորդ և երրորդ նախագահների ակտիվացման տակ իրական պատճառներ և հիմնավոր մտահոգություն կա Հայաստանի և Արցախի ապագայի վերաբերյալ, իսկ Լևոն Հակոբիչը ակտիվացել է պարզապես նրա համար, որ իր մասին չմոռանան։ ՀԱԿ առաջնորդը փորձում է քաղաքական գործոնի դեր խաղալ։ Հիշեցնեմ (այլապես իրոք կմոռանաք), որ Հայաստանում այսօր կա նաև գործող նախագահ։

Արմեն Սարգսյանն այս ամռանը, ավանդույթի համաձայն, չէր խառնվում իր գործերին և այնպես էր պահում իրեն, ասես անհանգստանալու չնչին իսկ առիթ չունի, մինչդեռ Սահմանադրության համաձայն (հոդված 123, կետ 1) հենց ինքը, այլ ոչ թե Նիկոլն է պետության ղեկավարը։ Բայց երբ մարդուն չի մտահոգում Հայաստանի և Արցախի ճակատագիրը, ապա այդտեղ ոչինչ չես կարող անել ո՛չ ամռանը, ո՛չ աշնանը, ոչ էլ տարվա մյուս եղանակներին։

Основная тема:
Теги:

    ПОСЛЕДНИЕ ОТ АВТОРА

    • В ПОИСКАХ ИСКРЫ, или "СДАЧА ВОСКЕПАРА ОЗНАЧАЕТ СДАЧУ АРМЕНИИ"
      2024-03-27 09:54

      Шумиха вокруг несуществующего проекта новой Конституции уступила место дискуссии вокруг переноса всех вузов на территорию Академгородка. После того, как азербайджанские оккупанты своими GPS выселили жителей Шурнуха из 13 домов с хозяйственными пристройками и приусадебными участками, правительство Пашиняна обещало построить для них новые дома. Уже 4 года строят, однако ни одного не достроили!

    • ГДЕ ПИШУТ СЦЕНАРИЙ НОВОЙ ВОЙНЫ?
      2024-03-25 09:31

      В Тавуш прибывают добровольческие отряды, на днях о намерении отправиться в марз объявил командир отряда "Лчап" Левон Геворгян. Статья Конституции 205 (пункт 1) говорит о том, что "изменения территории Республики Армения решаются посредством референдума". Бывший судья КС Альвина Гюлумян по этому поводу заявила: "Сдача территорий в обход референдума антиконституционна, но проблема в том, что этот человек не считает деревни нашими". По ее словам, обращение в КС по данному вопросу в текущий момент лишено смысла, а апелляция в международные инстанции возможна только со стороны властей, увы, правящая верхушка вслед за Пашиняном считает, что 4 приграничные деревни Тавушского марза не наши. Мнение Пашиняна расходится с мнением народа, но марионетка Баку и Анкары давно перестала считаться с большинством!

    • 31 МАРТА 6 ЛЕТ СПУСТЯ…
      2024-03-22 10:07

      31 марта 2018 г. Пашинян с немногочисленной кучкой соратников вышел из Гюмри и направился в сторону Еревана. По дороге к ним на время присоединился лидер ОНС Паруйр Айрикян, который на днях в эфире телеканала "Центр" резко критиковал Пашиняна, забыв о том, как лично поддержал его первые шаги на стезе свержения законной власти. По ходу шествия к компании привязалась дворняжка, которой дали кличку Чало.

    • РАНЬШЕ МНОГОВЕКТОРНАЯ ВНЕШНЯЯ ПОЛИТИКА РА ИСХОДИЛА ИЗ ПРИНЦИПА ВЗАИМОДОПОЛНЯЕМОСТИ
      2024-03-21 09:23

      Кроме конфронтации с РФ, ничего "беспрецедентного" в отношениях Армении с ЕС и НАТО нет! "Уникальное", "историческое" предложение ЕС, "открытые двери Евросоюза" и прочие "беспрецедентные" (любимое слово Пашиняна) явления текущей политики способны произвести впечатление только на самые неискушенные слои армянского общества. На самом деле, нет ничего "беспрецедентного" в том, что западная коалиция использует нашу страну в качестве орудия против РФ. Прецедент известен на примере Грузии и Украины. Разговоры о том, что РА может подать заявку на статус кандидата в члены ЕС, повторяют те, что были в 2017 г. при Серже Саргсяне. Разница в том, что тогда интеграция протекала не на фоне военного противостояния на Украине, а главное – по принципу многовекторной внешней политики взаимодополняемости.






    ПОСЛЕДНЕЕ ПО ТЕМЕ

    • «ՈՂՋ ԱՇԽԱՐՀԻ ՀԱՅԵՐԸ ԴԱՐՁԵԼ ԵՆ ԽԵԼԱԳԱՐԻ ԲՌՆԱՊԵՏՈՒԹՅԱՆ ՊԱՏԱՆԴԸ»
      2022-05-02 19:27

      Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։

    • ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ
      2022-03-31 17:36

      Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։

    • ԿԱՌԱՎԱՐՈՒԹՅՈՒՆԸ ՕԺԱՆԴԱԿՈՒՄ Է ԲՌՆԱԶԱՎԹՎԱԾ ՏԱՐԱԾՔՆԵՐԻ ԲՆԱԿՉՈՒԹՅԱՆ ԱՐՏԱԳԱՂԹԻՆ
      2022-03-16 18:14

      Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:

    • ՓԱՇԻՆՅԱՆՆ ՈՒԶՈՒՄ Է «ՓԱԿԵԼ» ԵՐԿՈՒՍԻՆ
      2022-02-22 21:00

      Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։